Monday, 21 October 2013

လိမ်ညာတတ်သူ

ဟန်ဆောင်ပန်ဆောင်စကားလုံးတွေနဲ့တွယ်တာမှုတွေကိုအမြဲရောင်စဉ်လွင့်အောင်ကြိုးစားနေတဲ့ကိုယ်ဟာ တကယ်တော့ လိမ်ညာတတ်သူတစ်ယောက်ပါ။ သူငယ်ချင်းလေးမှာချစ်သူရှိတယ်ဆိုတဲ့အသိတစ်ခုတည်းနဲ့တင် ကိုယ့်စောင့်စည်းခြင်းအလွှာခပ်ထူထူနဲ့ ကိုယ့်သေတွင်းကိုခက်နက်နက်တူးရင်း ကိုယ်ပြုံးရုံလေးပြုံးနေခဲ့တာပါ ။ “အရမ်းကိုရိုးသားဖြူစင်တဲ့သူငယ်ချင်းတွေလေ ..ဟာ ဘာမှမဆိုင်ပါဘူး တကယ်ကိုသူငယ်ချင်းစစ်စစ် ။ ကိုယ့်သူငယ်ချင်းလေးက ဘယ်သူ့အပေါ်မဆိုသဘောကောင်းတာ အဲဒီလိုမဟုတ်ရပါဘူး ” ကဲ သူငယ်ချင်းလေး ကိုယ်လူတိုင်းကိုလိုက်ညာမိပြန်ပြီ ။ ကိုယ့်စောင့်ထိန်းထားတဲ့အလွှာထူထူကိုမကွာကျစေမယ့်အရေးအတွက် ညာခြင်းတွေအပ်ကြောင်းထပ်အောင် ၊ မုသားတွေချောင်းစီးအောင်ညာခဲ့ပြန်ပြီ..။ ကိုယ်ဟာ လိမ်ညာတတ်သူပါသူငယ်ချင်းလေးရယ် ။

“သူငယ်ချင်းလေးကိုချစ်နေတယ်မလား”တဲ့ ။ သွေးအေးအေးနဲ့ကိုယ်လိမ်ညာလိုက်ပြန်ပြီသူငယ်ချင်းလေးရယ် ။ အတွေးထဲမှာ တရေးရေးမြင်ယောင်လာတဲ့သူငယ်ချင်းလေးမျက်နှာကို ကိုယ်သတ္တိနည်းစွာရင်မဆိုင်ရဲဘဲ ခေါင်းအုံးအောက်မှာမျက်နှာဝှက်ရင်း ရှိုက်ကြီးတငင်ငိုကြွေးရင်း ကိုယ်ဟာသူငယ်ချင်းလေးကိုစိတ်အနှောင့်အယှက်ပေးမိပြီဆိုတဲ့အတွေးနဲ့ညနက်ခဲ့ရတယ် ။ သူငယ်ချင်းလေး ကိုယ်ဟာ ချစ်သူရှိပြီးသားလူတစ်ယောက်ကို နီးစပ်ခြင်းဆိုတဲ့အကြောင်းပြချက်ခပ်နဲ့နဲ့ နဲ့ ကိုယ့်ဘက်ပါအောင်ဆွဲယူချင်တဲ့ အတ္တကြီးတဲ့သူမှမဟုတ်တာ ။ ပြီးတော့ အလိုလျောက်ဖြစ်လာတဲ့ခံစားချက်တွေကို ဖန်တီးမှုတွေနဲ့ အရောင်ကြွအောင်ပုံဖော်ဖို့သတ္တိနည်းတဲ့သူတစ်ယောက်ပါ ။ “သူငယ်ချင်းလေးမှာလည်းချစ်သူရှိတယ်..ကိုယ့်မှာလည်းချစ်သူရှိတယ် မဆိုင်တာကိုဆွဲမထည့်နဲ့ အဖြူစင်ဆုံးသူငယ်ချင်းတွေ” ဆိုပြီး ခပ်တည်တည်ငေါက်တတ်တဲ့မရိုးသားတဲ့သူပါ သူငယ်ချင်းလေးရယ် ။ စည်းနဲ့ သိက္ခာကို ဘ၀ထက်တန်ဖိုးထားတဲ့ မာနခပ်ကြီးကြီးနဲ့ကိုယ်ဟာ မရှိတဲ့ချစ်သူကို ဖန်တီးယူဖို့ဝန်မလေးပေမယ့် ချစ်သူရှိနေတဲ့သူငယ်ချင်းလေးကို ဖွင့်ဟ၀န်ခံဖို့မရဲတဲ့သူပါ ။

သူငယ်ချင်းလေးကိုအရမ်းတွယ်ကပ်သလိုဖြစ်သွားသလား ။တကယ်တော့ သူငယ်ချင်းလေးမျက်နှာကိုငေးရင်း သူငယ်ချင်းလေးဘေးနားမှာနေရဖို့က ကိုယ့်အတွက်ပိုအရေးကြီးနေလို့ပါ ။ သူငယ်ချင်းလေးသွားလေရာနောက်ကိုတကောက်ကောက်လိုက်ချင်တဲ့ ၊သူငယ်ချင်းလေးကိုပဲတွယ်တာမိတဲ့ကိုယ့်အဖြစ်ကို အပြစ်မြင်မလားပဲ ။ ဒါပေမယ့် သူငယ်ချင်းလေးက လှိုင်းထန်တတ်တဲ့ပင်လယ်ပြင်ကြီးလို အပြောကျယ်ကျယ်နဲ့ နက်ရှိုင်းကာ မှန်းဆရက်ခက်လွန်းနေပြန်တယ် ။ မထင်မှတ်ဘဲ သူငယ်ချင်းလေးရဲ့မျက်နှာအပြောင်းအလဲမှာ ကိုယ့်အတွက်သည်းခံနိုင်စွမ်းကုန်ပြီဆိုတဲ့ အရိပ်အခြေနေကိုဖတ်မိလိုက်တဲ့အခါ ကိုယ်သွေးအေးအေးနဲ့ လှည့်ထွက်နိုင်အောင်ကြိုးစားခဲ့ရတယ် ။သူငယ်ချင်းလေးချစ်သူအတွက်သစ္စာတရားလိုအပ်လို့နေမှာပါ ဆိုတဲ့နားလည်မှုတစ်ခုနဲ့အတူ မရှိခြင်းကွက်လပ်တွေကို ကိုယ်တစ်ယောက်တည်းကျားကန်ခဲ့တယ် ။ သူငယ်ချင်းလေးကို ကိုယ်ပိုင်ဆိုင်ရမှ မှမဟုတ်တာ ။

တလောကလုံးကိုလိမ်ညာလို့ရတဲ့ကိုယ်ဟာ ကိုယ့်ရင်ဘတ်ကိုညာဖို့တော်တော်လေးကြိုးစားယူခဲ့ရတယ်သူငယ်ချင်းလေးရယ် ။ သူငယ်ချင်းလေးနဲ့ကိုယ်နဲ့မဆိုင်ဘူး..မဆိုင်တော့ဘူး သူငယ်ချင်းလေးကိုယ့်ကိုမခင်တွယ်တော့ဘူးဆိုတဲ့ အသိတွေကို ကိုယ့်ခေါင်းထဲကိုယ်ခပ်ပြင်းပြင်းလေးရိုက်သွင်းရင်း သူငယ်ချင်းလေးကိုစိတ်နာသင့်တယ်လို့ကြွေးကြော်လို ကြွေးကြော်..အော်..ကိုယ်ရူးပုံများရယ်နော် ။ ဒါပေမယ့် ကိုယ့်နှလုံးသားက သူငယ်ချင်းလေးကိုမမုန်းနိုင်ဘူး စိတ်မနာနိုင်ဘူးတဲ့ ။ ဦးဏှောက်နဲ့နှလုံးသားလွန်ဆွဲတဲ့ပွဲမှာ စည်းဆိုတဲ့ မဲတစ်မဲပိုရခဲ့တဲ့ ဦးဏှောက်ကနိုင်ခဲ့ပေမယ့် နှလုံးသားကတဆတ်ဆတ်ခုန်လိုက်တိုင်း ၊သူငယ်ချင်းလေးရယ်လို့ တမ်းတလိုက်တိုင်း နာနာကျင်ကျင်ခံစားရတဲ့ရင်ဘတ်ကပဲအောင့်အောင်လာတယ် ။ မုန်းဖို့ကိုနှလုံးသားက ငြင်းဆန်ပေမယ့် ချစ်ဖို့ကို ဦးဏှောက်ကခွင့်မပြုတဲ့အခါ မျိုသိပ်ခြင်းတပုံတပင်နဲ့ နာကျင်ခြင်းတနင့်တပိုးနဲ့ ခံစားလိုက်ရတာက ကိုယ်ပါသူငယ်ချင်းလေးရယ် ။ ဘယ်သူမှမသိနိုင်တဲ့ချစ်ခြင်း...သူငယ်ချင်းလေးတောင်သိချင်မှသိမယ့်ကိုယ့်ရင်ထဲခံစားချက်တွေကို ကိုယ်တိုင်မျိုချရင်း ကိုယ့်ကိုကိုယ်ပြန်ခါးသီးခဲ့တဲ့ ကိုယ့်အဆိပ်နဲ့ကိုယ်လောင်ကျွမ်းနေရတဲ့ ကိုယ့်အဖြစ်ရယ်လေ ။

“သူငယ်ချင်းလေးမှာချစ်သူအသစ်ရနေပြီ”ဆိုတဲ့သတင်းစကားကို ကိုယ်ကြားလိုက်တဲ့အချိန်မှာ ကိုယ်တစ်စုံတစ်ရာကိုသေသေချာချာနားလည်လိုက်မိတယ်။ဘ၀ချင်းတွေ နှိုင်းဆမရအောင်ဝေးကွာသွားပြီးတဲ့နောက်မှာ ကိုယ်ဟာသူငယ်ချင်းလေးရဲ့လက်ကိုတွဲပြီး ပန်းတွေဝေနေတဲ့မင်္ဂလာခန်းမထဲကို တူနှစ်ကိုယ်တွဲပြီးလျှောက်မယ့်သူမဟုတ်နိုင်တော့သလို ကိုယ်တခါတလေစိတ်ကူးယဉ်ဖူးတဲ့ သူငယ်ချင်းလေးလက်ကိုတွဲပြီးကမ္ဘာပတ်ခွင့်ရမယ့်သူလည်းမဟုတ်တော့ဘူး။ ကိုယ်တို့ဘ၀တွေဆက်စပ်လို့မရအောင်ဝေးကွာသွားခဲ့ကြပြီ သူငယ်ချင်းလေးရယ် ။ နားလည်မှုနည်းပါးခဲ့တဲ့ကိုယ့်အတိတ်ကအမှားတွေ ၊ သူငယ်ချင်းအနားမှာအမြဲရှိနေချင်တဲ့ကိုယ့်စိတ်ကပဲ ကိုယ့်ကိုပြန်ဒဏ်ခပ်သလားပဲ ကိုယ်တို့တွေအတိုင်းအဆမရှိဝေးကွာသွားခဲ့ရတယ်သူငယ်ချင်းလေးရယ် ။ သတိရတမ်းတစိတ်ကို မာနတရားနဲ့သာ ပြန်လည်မထူမတ်နိုင်ခဲ့ဘူးဆိုရင် ကိုယ်လေ တကယ်ပဲသေဆုံးသွားလိမ့်မယ် ။ သူငယ်ချင်းလေးကိုအမြဲသတိရနေခဲ့တာ ။ ပျော်ရွှင်နေတဲ့သူငယ်ချင်းလေးရဲ့အကြောင်းတွေ ၊သူငယ်ချင်းလေးရဲ့သတင်းကောင်းတွေ ၊သူငယ်ချင်းလေးရဲ့အောင်မြင်မှုတွေကို ထပ်တူထပ်မျှဝမ်းသာရင်း ခုနေ “သူငယ်ချင်းလေးကိုချစ်ခဲ့ဖူးလား” လို့ဘယ်သူလာမေးမေး ကိုယ်လိမ်ညာတတ်သူလေ..ခပ်ပြုံးပြုံးနဲ့ “ပေါက်ပေါက်ရှာရှာ..ရူးနေလား မတွေ့တာတောင် နှစ်ပေါက်နေပြီ...သူ့ဖြင့်မိန်းမရတော့မယ်”လို့ ကိုယ်ပြန်ဖြေမိမယ်ထင်တယ် သူငယ်ချင်းလေး ။ ဝေးကွာခဲ့ရသောအိပ်မက်တွေထဲက ၊ ပြန်မရတော့သောအတိတ်တွေထဲက ရင်ဘတ်ထဲမှာအနက်ရှိုင်းဆုံးတစ်နေရာမှာ သူငယ်ချင်းလေးရှိနေခဲ့ဖူးကြောင်း ရယ်ရွှန်းပတ်ရွှန်းနဲ့လည်း ကိုယ်အခုထိပြန်မပြောနိုင်သေးဘူး ။ ကိုယ်တိုင်ခပ်ထူထူကာထားခဲ့တဲ့ စည်း တွေရဲ့နောက်မှာ မျှော်လင့်ခြင်းတွေနဲ့အသားတကျအသက်ရှင်ဖူးခဲ့တဲ့ သတ္တိနည်းနည်းနဲ့ ပေပေတေတေမာနကြီးဖူးတဲ့ကိုယ်ဟာ သူငယ်ချင်းလေးကို တိတ်တိတ်ကလေးတွယ်တာဖူးတဲ့အကြောင်း ကိုယ့်ကိုကိုယ်တောင်ဝန်ခံဖို့သတ္တိနည်းစွာနဲ့ သူငယ်ချင်းလေးကို ရိုးရိုးသားသားခင်တာပါလို့  ဒီနေ့အထိ ကိုယ့်ကိုကိုယ်လိမ်ညာနေတုန်းပါပဲ ။

Friday, 6 September 2013

စက်တင်ဘာမိုး

အေးခဲစွာကျဆုံးခဲ့သောအကြောင်းအရာတွေကို တူးဖော်ဖို့အတွက်အင်အားမရှိရိုးအမှန်ပါ ။ ခံစားချက်နဲ့တိုက်ဆိုင်ဖူးတဲ့တေးသွားတစ်ပုဒ်ကို အကြောင်းမဲ့သက်သက် တစ်ပတ်ပြီးတစ်ပတ်ကျော့နေမိရုံနဲ့ အဟောင်းတွေအသစ်မဖြစ်နိုင်ဘူးလေ ။ အဝေးထွက်သွားသူတစ်ယောက်ရဲ့အကြောင်းကိုပြောရမယ်ဆိုရင် စွယ်တော်ရွက်ကြွေတချို့ကိုအရင်ဆုံးမြင်ယောင်ရင်း နှစ်လွှာပေါင်းရင်တောင် တစ်ရွက်ဖြစ်ခွင့်မရရှာတော့တဲ့ တစ်ခြမ်းပဲ့စွယ်တော်ဘ၀မှာ အမည်နာမတစ်ခုသာ တစ်ဖက်သတ်ကျန်ရစ် ။ စက်တင်ဘာရဲ့မိုးစက်တွေကတော့ အလွမ်းတွေကိုပင့်သက်တကြွေခြွေချလို့ ။ ကြယ်တွေကိုမျှော်ရင်း တိတ်တိတ်ကလေးဆုတောင်းပြီး ပြိုးပြိုးပြက်ပြက်ရင်ခွင်ထဲတစ်ယောက်ထဲသာလင်းကျန်ရစ်တယ်။

နွေးထွေးမှုမရှိတော့တဲ့အပြုံးတွေနောက်မှာ တကယ်ပါ..ခံစားချက်အရောင်တွေကိုသိချင်လွန်းလို့အရဲစွန့်စွာစကားဆိုခဲ့တာပါ ။ ရှောင်ပုန်းဖို့ရည်ရွယ်ခဲ့ရင် ဘာကြောင့်လဲဆိုတဲ့မေးခွန်းကိုအရင်ဆုံးဖြေခဲ့ပါဦး ။ အကြည့်စူးစူးတွေရဲ့ဘာသာစကားမှာ နားလည်ခွင့်မရှိတဲ့သင်ရိုးညွှန်းတမ်းကိုပြဌာန်းထားမှန်းမသိနိုင်ခဲ့ ။ မိန်းကလေးတစ်ယောက်ရဲ့ရင်ခွင်လွဲမှတ်တမ်းမှာ ဧည့်သည်သရုပ်ဆောင်အဖြစ်သာ ရည်ရွယ်ခဲ့ရင် အိပ်မက်အလွမ်းတွေနဲ့ဇာတ်လမ်းမပေးသင့်ခဲ့ဘူးလေ။ ကတိက၀တ်မပါတဲ့ရင်တွင်းစာချုပ်ကို တစစီခြေမှုန်းခဲ့တယ် ။
ခပ်လွင်လွင်ရယ်သံတွေကို ဆွေးမြေ့စွာလုပ်ယူရင်း ပါဝင်ခွင့်မရတော့တဲ့ဇာတ်လမ်းတစ်ခုကိုအဝေးကထိုင်ကြည့်နေရုံပါ ။

ခပ်ပြင်းပြင်းနာကျင်ခြင်းမျိုးနဲ့ပြတ်သားချင်ခဲ့ပါရဲ့။ အိပ်မက်ဆန်တဲ့အတိတ်ရက်တွေကို အနာတရရှင်သန်ခြင်းကလွဲရင်ဖြတ်သန်းဖို့အင်အားမဲ့ ။ စွပ်စွဲချက်တချို့နဲ့အပြစ်တင်စကားတွေမျှော်လင့်မိပေမယ့် တကယ်ကိုပျောက်ဆုံးရုံကလွဲရင်အဖြေရှာမရခဲ့..တကယ်ပဲဖြေရှင်းချက်မဲ့ ။ ထားရှိခဲ့ဖူးသောသစ္စာနဲ့မေတ္တာကိုသာ တွင်တွင်ကြီးရွတ်ဆိုရင်းတကယ်ပဲအကြောင်းမဲ့သက်သက်။ ချစ်ခြင်းတစ်ခုရဲ့ဖြူစင်ရိုးသားမှုက ရင်ခုန်သံထပ်တူကျသူအဖို့သာ။ မှုန်ရီသွားသော နရီလွဲပုံပြင်တစ်ပုဒ်ရဲ့သစ္စာရှင်းတမ်းအဖို့ကတော့ ကိုးကွယ်ရာမဲ့သံယောဇဉ်တစ်ခု ။အနှစ်သာရမဲ့ဘ၀နေ့ရက်တွေအတွက် ဦးတည်ရာမဲ့မျက်ရည်စက်တွေက စက်တင်ဘာမိုးလို သည်းကြီးမည်းကြီး ။

မှားယွင်းစွာပက်သက်ခဲ့လေခြင်းရယ်လို့ စိတ်ထွက်ပေါက်အပြစ်တွေမရှာရက်ခဲ့ ။ “ဘီလူးခေါင်းလေးနဲ့ချစ်သူလေးမောင်ရယ်” လို့လည်းအပြစ်မတင်ရက်ခဲ့ ။ ဆုံးရှုံးမှုတွေနဲ့အသားကျအောင်ကြိုးစားရုံ ။ စွဲလမ်းရူးသွပ်မျှော်လင့်ချက်မဲ့စွာ အသဲတွေသာကွဲကြေရင်း ။ ထွက်ပေါက်မဲ့စွာကြေကွဲရခြင်းအတွက် ဘယ်လောက်ဒဏ်ရာပဲနက်နက် နှုတ်ဆိတ်စွာနဲ့မသိချင်ယောင်ဆောင် ၊ မျက်လုံးပေါင်းများစွာရဲ့သနားကြည့်တွေအောက်မှာ သွေးရူးတမ်းရူးကျဆုံးခြင်းတွေကို ဟန်ဆောင်ပန်ဆောင်ရယ်မောရင်း နောက်ထပ်ဆိုတဲ့စကားလုံးမရှိလောက်အောင် နာကျင်ခဲ့တယ်။

သိုသိပ်ဝှက်ကွယ်ခဲ့ရတဲ့ချစ်ခြင်းကပေးတဲ့မျက်ရည်ဘယ်လောက်များသည်းခဲ့လဲ ကွာဝေးခဲ့သောအတိတ်ရက်တွေအတွက် လှမ်းကြည့်နိုင်တဲ့အင်အားမရှိ ။ ရှက်ရွံ့စွာမျိုသိပ်ကြွေကွဲခဲ့ရတဲ့နေ့ရက်တွေကသိမ်ငယ်အောက်ကျလွန်းခဲ့တယ် ။ တစ်စက်ချင်းကျနေတဲ့ စက်တင်ဘာရဲ့မိုးစက်တွေသာစကားတွေအံကျနိုင်မယ်ဆိုရင် မိုးနဲ့ရောခဲ့တဲ့စက်တင်ဘာမျက်ရည်တွေအကြောင်းနာကျင်စွာဖွင့်ဟလိမ့်မယ်။ တစ်ခြမ်းပဲ့စွယ်တော်ရဲ့ငိုခြင်းတွေကိုစီကာပတ်ကုံးပြောပြလိမ့်မယ် ။ နာကျင်စွာကျဆုံးခဲ့တဲ့မိန်းကလေးတစ်ယောက်ရဲ့အတွင်းကြေနှလုံးသားအကြောင်းကို တမ်းတမ်းတတပြောပြလိမ့်မယ်။ စက်တင်ဘာမိုးစက်တွေအောက်မှာ တစ်စစီကွဲကြေသွားခဲ့တဲ့ပုံပြင်ဟောင်းလေးတစ်ပုဒ်ကို ဆွေးဆွေးမြည့်မြည့်ပြောပြလိမ့်မယ်။

Sunday, 1 September 2013

Happy Blog Day!!!

Blog ဆိုတဲ့နေရာလေးတစ်ခုကို ၂၀၀၉ ခုနှစ်က ကျွန်မရောက်ရှိခဲ့ပါတယ် ။ connection ကောင်းတဲ့အရပ်မှာနေသူမို့ သူငယ်ချင်းတွေကို ပိုစ့်တင်ဖို့ကူရင်းကနေ ကိုယ်ပိုင် blog လေးကိုတည်ဆောက်ခဲ့ခြင်းဖြစ်ပါတယ် ။ ၂၀၀၉ တုန်းက ကျွန်မအသက်က ၂၁ နှစ်သာသာကလေးရယ်မို့ ကျွန်မရေးဖြစ်ခဲ့တဲ့အကြောင်းအရာတွေက အချစ်အကြောင်း ၊ အလွမ်းအဆွေးတွေအကြောင်း ၊ ရောက်တတ်ရာရာလေးတွေပါပဲ ။ အလယ်တန်းအရွယ်လောက်ကနေ စာရေးခြင်းကိုနှစ်သက်ခဲ့သူမို့ ကျွန်မကတော့ အကြောင်းအရာမယ်မယ်ရရမရှိပေမယ့် blog ပေါ်မှာစာတွေရေးဖြစ်နေခဲ့ပါတယ် ။ စာသာရေးနေပေမယ့် စာဖတ်သူဆိုလို့ တစ်လနေလို့တစ်ယောက်တောင်မရှိခဲ့တဲ့ကျွန်မဘလော့လေးကို စာဖတ်သူတွေရောက်လာအောင်ဆွဲခေါ်ပေးခဲ့သူက မမကွန်။ မမကွန်ရဲ့ blog list ကနေတဆင့် ရောက်လာကြတဲ့ ကိုဇတ်တီ ၊ စင်စင် ၊ တီသက်ဝေ ၊ တီချစ်ကြည်အပါအ၀င် တခြားဘလော့ဂါတွေရဲ့ cbox က စကားသံတွေ၊ comment တွေပေးတဲ့အားနဲ့ ဒီနေ့ဒီအချိန်ထိကျွန်မဘလော့လေးအသက်ရှင်နေခြင်းဖြစ်ပါတယ်။

စာဖတ်သူတစ်ယောက်မှမရှိတဲ့အချိန်ကနေ စာဖတ်သူတွေတစ်စထက်တစ်စပိုလာတော့ ကျွန်မပျော်လိုက်သည့်ဖြစ်ခြင်း ။ ဒါပေမယ့်လည်းfacebook ခေတ်စားလာတဲ့အချိန်မှာ ကျွန်မတို့ဘလော့လောကကြီးတိတ်ဆိတ်သွားခဲ့ပြန်ပါတယ် ။ ကျွန်မကတော့ facebook ထက် blog မှာစာရေးရတာပိုခုံမင်သူမို့ ဘလော့ကလေးမှာစာတွေရေးဖြစ်နေခဲ့ပါတယ် ။ အရိုးသားဆုံးဝန်ခံရရင် ကျွန်မစာရေးခြင်းဟာ ရေးချင်စိတ်တစ်ခုတည်းကြောင့်သာရေးနေတာမို့ စာဖတ်သူမရှိလည်း ကျွန်မစိတ်မပျက်ခဲ့ပါဘူး ။ ပုံမှန်လာဖတ်နေတဲ့သူတွေဟာ ကော့မက်မချန်ပေမယ့်  ခြေရာလေးတွေကို blog status ထဲမှာကြည့်လို့ရတာမို့ တစ်နေ့ ဆယ်ယောက်တောင်မပြည့်ပေမယ့် စာဖတ်သူတွေရှိနေသေးတယ်ဆိုတဲ့အသိကလေးနဲ့ကျွန်မကျေနပ်ခဲ့ပါတယ် ။ ဘလော့ရေးသက်လေးအတော်အသင့်ရလာတဲ့အခါ responsiblity ဆိုတဲ့စိတ်ကလေးကိုစတင်ခံစားမိပါတယ် ။ ကျွန်မဟာ မချော(အစိမ်းရောင်လွင်ပြင်) တို့လိုဗဟုသုတကြွယ်ဝတဲ့သူလည်းမဟုတ် ၊ ကိုနဗန ၊ ကိုဇတ်တီ တို့လို့ ဘ၀အတွေ့အကြုံစုံတဲ့လူလည်းမဟုတ်၊ ကိုလူပျိုကြီး ၊ ကိုကိုဒီဘီ တို့လို sharing လုပ်ပေးနိုင်တဲ့သူလည်းမဟုတ် ၊ မနိုင်းနိုင်းစနေတို့လို စာကောင်းပေကောင်းရေးနိုင်တဲ့သူလည်းမဟုတ် ၊ တီသက်၊ တီချစ်ကြည် ၊ မဒမ်ကိုး ၊ မတန်ခူး (လေနုအေး) တို့လို ဘက်စုံရေးနိုင်တဲ့သူလည်းမဟုတ် ။ ဒီတော့ ကျွန်မစာဖတ်သူတွေကို ဘာပေးနိုင်သလဲလို့စဉ်းစားတော့ ကျွန်မပေးနိုင်တာဘာမှမရှိခဲ့ပါဘူး ။ ဒါပေမယ့် မပေးနိုင်ရင်တောင်မှ ကျွန်မစာဖတ်သူတွေကို အတွေးမှားမပေးဘူးဆိုတဲ့ခံယူချက်နဲ့အတူ ကျွန်မရဲ့နဂိုရွဲ့တတ်တဲ့စိတ်ကလေးကိုအခြေခံတဲ့စာတွေအစား အနှစ်တစ်ခုခုကျန်အောင်ရေးဖို့ကြိုးစားခဲ့ပါတယ် ။

ဒီနှစ်ပိုင်းထဲမှာ ဘလော့ဂါတွေတော်တော်များများကို print media ထဲမှာတွေ့လာရတော့ ဂုဏ်ယူအားကျစိတ်နဲ့အတူ ကျွန်မလည်းဝတ္တု ၊ ဇာတ်လမ်းလေးတွေကိုစတင်ရေးဖြစ်ခဲ့ပါတယ် ။ စိတ်ကူးထဲမှာဇာတ်လမ်းလေးတွေရှိနေပေမယ့် ချမရေးဖြစ်ခဲ့တာမို့ နောက်ပိုင်းမှာအတိုးချပြီး ၀တ္တုတိုကလေးတွေရေးရင်းကနေ ကျွန်မအရင်တုန်းကရေးခဲ့တဲ့ မနူးမနပ်စာကလေးတွေအစား ဘလော့မှာစာသန့်လေးတွေပဲထားမယ်ဆိုတဲ့စိတ်ကူးနဲ့ blog အဟောင်းလေးကိုဖျက်လိုက်ပါတယ်။ blog အသစ်ကလေးတစ်ခုလုပ်ပြီး အဟောင်းထဲကကောင်းနိုးရာရာလေးတွေတင် ၊ ၀တ္တုတိုလေးတွေရေးနေတာ ဒီနေ့အထိပါပဲ ။ ဘလော့လေးရဲ့ကျေးဇူးကြောင့် ချစ်စရာကောင်းတဲ့ဘလော့ဂါအကိုအမတွေအများကြီးရှိခဲ့ပါတယ် ။ ဘလော့ဂါရပ်ဝန်းကိုသံယောဇဉ်ဘယ်လောက်ရှိလဲ ကျွန်မမသိပေမယ့် ၂၀၀၉ တည်းကနေ ဒီနေ့အထိ တစ်ရက်မှ ဘလော့အလည်မပျက်ခဲ့ပါဘူး ။ အသက်လေးတွေကြီးလာတာနဲ့အမျှ တာဝန်တွေပိလာတာကြောင့်စာတွေအရေးကျဲလာခဲ့ပေမယ့် ဘလော့အပေါ်ထားတဲ့သံယောဇဉ်ကတော့ ကြိုးတင်းတင်းနဲ့ကျွန်မကိုတုပ်နှောင်ထားတုန်းပါပဲ ။ blog လေးရဲ့ကျေးဇူးကြောင့် ကျွန်မစာလေးတွေကိုနှစ်သက်တဲ့သူတွေရှိလာတယ် ၊ ကျွန်မချစ်ခင်လေးစားရတဲ့အကိုအမတွေနဲ့တွေ့လာရတယ် ၊  ကျွန်မကိုသိတဲ့သူတွေရှိလာတယ် ၊ ကျွန်မနာမည်ကို print media တချို့မှာမြင်ခွင့်ရလာခဲ့ပါတယ် ။ အမှတ်တရအနေနဲ့ မြန်မာကျူးပစ်ဖိုရမ်မိသားစုဝင်ဖြစ်တဲ့ blogger ကြီးစု (စုချစ်သူ) ရဲ့ဦးဆောင်မှုနဲ့အတူ ဆရာမင်းလူမကွယ်လွန်ခင် မြန်မာကျူးပစ်မိသားစုဝင်တွေစုစည်းပြီးအလှူတစ်ခုလုပ်နိုင်ခဲ့ပါတယ် ။  ကျွန်မ blog မှာရေးထားတာကိုနှစ်သက်တဲ့အယ်ဒီတာအမတစ်ယောက်က blog က စာမူလေးတွေကို ဂျာနယ်မှာဖော်ပြပြီးတိုင်းမှာ စာမူခလေးတွေကိုတခုတ်တရသိမ်းထားပေးတာမို့ ထိုစာမူခတွေကိုစုပြီး ဆရာမင်းလူအတွက်အလှူထည့်ဝင်နိုင်ခဲ့ပါတယ် ။ ဘလော့ကပေးတဲ့စာမူခတွေကို ကိုယ်လေးစားရတဲ့ဆရာ့ဆေးကုသစရိတ်ပါဝင်နိုင်ခဲ့တာမို့ ဂုဏ်ယူစိတ်နဲ့အတူ နောက်ဆုံးအနေနဲ့လှူလိုက်ရတဲ့အတွက်ဝမ်းနည်းမိပြန်ပါတယ် ။ blog နဲ့ပက်သက်ပြီးအမှတ်တရတွေအများကြီးရှိနေတဲ့ ၊ ဘလော့လေးကိုသံယောဇဉ်ကြီးတဲ့ ၊ ဘလော့ဂါရပ်ဝန်းကအကိုအမတွေကိုလေးစားအားကျတဲ့ ကျွန်မကတော့ ဘလော့ဂါဖြစ်ရတာကို အမြဲတမ်းဂုဏ်ယူနေမှာပါ ။

ချစ်ခင်ရတဲ့အကို ၊ အမ ၊ မောင်လေး ၊ ညီမလေးတွေလည်း blog day အမှတ်တရလေးတွေရေးပေးပါဦးနော် ။

Tuesday, 27 August 2013

အိတ်မှောက်ဖာသွန်

တီသက် tag တဲ့ပိုစ့်လေးကိုမနေ့ကနေ ရေးချင်နေပေမယ့် အလုပ်မအားတာနဲ့ အခုမှပဲအိတ်မှောက်ဖာသွန်ဖြစ်ပါတယ်။ ဓာတ်ပုံတွေကိုတော့ အိမ်ကနေရိုက်ယူလာခဲ့တာ ။ ကျွန်မက လက်ကိုင်အိတ်တွေ ၊ ပိုက်ဆံအိတ်တွေကိုင်ရင်သေးသေးမွှားမွှားလေးတွေကြိုက်တတ်ပေမယ့် ကိုယ့်ကိုယ်လုံးကိုယ်ပေါက်ကိုညှာသောအားဖြင့် ခပ်ကြီးကြီးတွေပဲဝယ်ဖြစ်ခဲ့တယ် ။ ကျွန်မလောလောဆယ်သုံးနေတဲ့အိတ်ကတော့ အညိုရောင်ခပ်ကြီးကြီး ...။ neverfull ဆိုတဲ့နာမည်နဲ့လိုက်အောင် ဘယ်လောက်ပဲထည့်ထည့်ဆန့်တဲ့အိတ်ကလေးပါ။  တစ်ခါတစ်ခါ ဘယ်လောက်တောင်လေးလဲမသိ ၊ ပခုံးမှာမလွယ်နိုင်လို့ လက်နဲ့ဆွဲယူရတဲ့အဖြစ်လေ။ အရူးမဆွဲခြင်းအလား ပေါက်ကရတွေနဲ့ပြည့်နေတတ်တဲ့ ကျွန်မရဲ့အိတ်ကို အိတ်သွန်ဖာမှောက်ကြည့်ရရင်


၁- carlo rino လက်ကိုင်အိတ်လေးနှစ်လုံး 
 -တစ်လုံးမှာတော့ ဘဏ်ကတ် ၊အိုင်စီကတ် ၊ မန်ဘာကတ် စတဲ့ ကတ်ပေါင်းစုံ ၊ ဓာတ်ပုံ ၊   အန်ပေါင်းအိတ်တွေနဲ့ ပိုက်ဆံအချို့
-နောက်တစ်လုံးကတော့ အကြွေစိထည့်ဖို့သက်သက်

၂-ကြိုးတန်းလန်းနှင့်ဖုန်းကလေးတစ်လုံး ၊ ဘထ္တရီကြိုးတစ်ချောင်း ၊ 

၃- အမြဲတမ်းသုံးဖြစ်တဲ့ အလှပြင်ပစ္စည်းတွေထည့်ထားတဲ့အိတ်တစ်လုံး

၎-body shop ရေမွှေး ၊ body miss ၊ hand cream ၊ roll on နဲ့ အလုပ်ထဲက အမတစ်ယောက်ဆီက ပေးထားတဲ့ ရှုဆေးတစ်ဘူး ၊ မျက်စဉ်းခပ်ဆေးတစ်ဘူး ။

၅- အစိုးမရတဲ့စလုံးမိုးအတွက် ချစ်သူ့လက်ဆောင် Winnie pooh ထီးကလေးတစ်ချောင်း 

၆- ချစ်သူ့လက်ဆောင် Winnie pooh သော့တွဲလေးမှာတော့ ရုံးက drawer သော့ နဲ့အိမ်သော့ ။ 

၇- အမြဲတမ်း allergic ဖြစ်တတ်တာမို့ cetirizine ဆေးဘူးလေး ၊ wet tissue နဲ့ တစ်ရှုးတစ်ထုပ်

၈- ဗိုက်ခဏခဏအောင့်တတ်လို့ omeprazole နဲ့ air-x က မရှိမဖြစ် ။ 

၉-ရုံး access card

၁၀-singtel က ပေးထားတဲ့ မဖောက်ရသေးတဲ့စာအိတ်တစ်အိတ်  

၁၁-ရေးချင်တာလေးပေါ်လာရင်ချရေးမယ်ဆိုတဲ့ရည်ရွယ်ချက်နဲ့ စာအုပ်လေးတစ်အုပ်နဲ့  ခဲတံ

၁၂- ဟိုဟိုဒီဒီမှတ်လို့ရတဲ့ note စာအုပ်အ၀ါလေးတစ်အုပ် - ဘာမှမမှတ်ဘဲ ပန်းချီကိုနကန်းမျှမသိတဲ့ကျွန်မ abstract ခဲပန်းချီလေးတစ်ခု (google) အကူအညီနဲ့ဆွဲထားပါသေးတယ် ။

၁၃- ibanking စက်ကလေးတစ်လုံး 


ဘာမှမယ်မယ်ရရမဟုတ်ပေမယ့် ပခုံးညောင်းနေအောင် ဘယ်သွားသွားနေ့စဉ်ထမ်းဖြစ်နေတဲ့ပစ္စည်းတွေပေါ့ ။ အလှအပခုံမင်တဲ့သူမို့ အလှပြင်ပစ္စည်းတွေထည့်တဲ့အိတ်ကလေးမှာလည်းပစ္စည်းတွေမနည်းမနော 


မျက်တောင်တု ၊ ကော် ၊ မျက်တောင်ကော့ဆေးနှစ်ဘူး ၊မျက်တောင်ကော့စက်၊ နှုတ်ခမ်းနီ ၅ တောင့် (အကုန်လုံးပန်းရောင်) ၊ 
 နှုတ်ခမ်းမခြောက်အောင်လိမ်းတဲ့အဆီ နှစ်ဘူး ၊ မျက်လုံးခြယ်တဲ့ လိုင်နာ ၃ မျိုး၊  မျက်လုံးခြယ်တဲ့ခဲတံ နှစ်ချောင်း ၊  bb cream ဘူးသေးလေးတစ်ဘူး ၊ ခဲတံချွန်စက်တစ်ခု ၊ မျက်လုံးဆိုးတဲ့ဘူးလေးတစ်ဘူးနဲ့ handcream တစ်ခုကတော့ ဓာတ်ပုံရိုက်တဲ့ထဲပါမလာခဲ့ပါဘူး ။ အဲဒီအလှပြင်ပစ္စည်းတွေစုပြုံထည့်ထားတဲ့ ကျွန်မအိတ်ထဲမှာ မှန်ပါမနေတာ သတိထားမိကြမှာပါ ။ ဟုတ်ကဲ့ ကျွန်မအိတ်ထဲမှာ မှန်မပါသလို cream puff ဘူးလေးလည်းမပါပါဘူး ။ ခရမ်ပတ်မကြိုက်တဲ့အတွက် အိမ်မှာရှိနေပေမယ့် တစ်ခါမှမလိမ်းဖြစ်ဘူး ။ မှန်မပါပေမယ့် တခါတခါ washroom ထဲက မှန်မှာသွားကြည့် သလို တခါတခါတော့ ဖုန်းကင်မရာလေးကိုအားကိုးပြီး အလှပြင်တတ်ပါတယ် ။ ပစ္စည်းတွေသာအစဉ်အလာမပျက်ထည့်ထားပေမယ့် မသုံးဖြစ်တဲ့အခါက ခပ်များများ ၊ အိတ်ထဲရှိပစ္စည်းကို ဘယ်တော့မှလည်းထုတ်မကြည့်တတ်သလို ၊ အိတ်ကိုလည်းမရှင်းဖြစ်တာခပ်များများဆိုတော့ အိတ်ထဲကပစ္စည်းတွေက အိတ်ထဲမှာသောင်တင်လျက်ပါပဲ ။ တလောက အိမ်ရှင်းတုန်းအိတ်အဟောင်းတွေပစ်မယ်ဆိုပြီးအိတ်တွေကိုလိုက်စစ်တော့ memory stick တွေ၊ စာရွက်အဟောင်းတွေ ၊ ရုပ်ရှင်လက်မှတ်တွေ ၊ amusement park တွေရဲ့ဝင်ခွင့်လက်မှတ်တွေ အများကြီးထွက်ကျလာတာမို့ သိမ်းတန်တာသိမ်း ၊ ပစ်တန်သာပစ်လိုက်ရပါတယ် ။ အိတ်အဟောင်းမှာတွေ့ခဲ့တဲ့  stick ကိုရှင်းမယ်ဆိုပြီး အိတ်ထဲထည့်လာတာ..stick လေးက ဒီဘက်အိတ်ထဲမှာသောင်တင်နေတာ အခုထိမရှင်းရသေးဘူး ။

အရမ်းကြိုက်တဲ့လက်ကိုင်အိတ် ပန်းရောင်လေးနှစ်လုံး

စာတွေဖတ်ရမယ်ဆိုပြီးအမြဲတမ်းမှတ်ထားပေမယ့် ချောင်ထိုးခံထားရတဲ့စာအုပ်လေး


မယ် allergy အတွက် 


ချစ်သူ့လက်ဆောင်



 ပန်းချီမတတ်သူရဲ့စိတ္တဇပန်းချီ


အိတ်ကြီးတစ်လုံးထဲမှာ မလိုအပ်တဲ့ပစ္စည်းတွေကိုကျွန်မဘယ်လောက်သယ်မိနေလဲမသိဘူး ။ ပုံမှန်ဆိုရင်ထိုပစ္စည်းတွေထဲမှာ ကျွန်မအမြဲထိတွေ့နေတာဆိုလို့ ဖုန်း ၊ wet tissue နဲ့ ပိုက်ဆံအိတ်လောက်ပါပဲ ။ ဒါပေမယ့် အဲဒီအိတ်ထဲက မလိုတဲ့ဟာတွေကိုချန်ထားခဲ့ဆိုရင်....ကျွန်မ ...မချန်ထားခဲ့နိုင်ပါဘူး ။ နေ့စဉ်ဘ၀ထဲမှာရော ။ အတ္တတွေ ၊မာနတွေ ၊ စိတ်ဖိစီးမှုတွေ ၊ နားမလည်ပေးနိုင်မှုတွေ ၊ သောကတွေ.... ။ အိတ်ထဲကမလိုတဲ့ဝန်တွေထမ်းရင်းပခုံးညောင်းခံတဲ့ကျွန်မ.... နေ့စဉ်ဘ၀ထဲက မလိုတဲ့ဝန်တွေကိုထမ်းပိုးနေတုန်းပါပဲ ၊ အမှတ်သညာကြီးခြင်း ၊ ခွင့်မလွှတ်တတ်ခြင်းဆိုတဲ့ဝန်တွေက ကျွန်မအပေါ် ၀န်ထုတ်ဝန်ပိုးကြီးတွေအဖြစ်ရှိနေတုန်းပဲ ။  မလိုတဲ့အရာတွေကိုလွှတ်ချဖို့သင်ယူရင်း ကျွန်မ
ခွင့်လွှတ်တတ်ဖို့ ၊ နားလည်ပေးတတ်ဖို့ကြိုးစားရပါဦးမယ် ။ 

ပိုစ့်လေးကိုဖတ်ဖြစ်တဲ့စာရေးဖော်သူငယ်ချင်းတွေ၊ လေးစားရတဲ့အကိုအမတွေကို အိတ်မှောက်ဖာသွန်တဲ့အကြောင်းလေးရေးပေးဖို့ ဆက် tag ပါတယ်ရှင့် ။ ရေးပေးကြပါဦးနော် ။ 



Tuesday, 20 August 2013

မစိမ်းပြာနှင့် မျက်တောင်တု

ဘဏ်ထဲမှာရှိသောပိုက်ဆံတွေကို စိတ်ဖြင့်တဒေါက်ဒေါက်ပေသီးခေါက်လိုက်သည် ။ လစာ ၊ အိမ်လခ ၊ ဖုန်းခ ဟင်းဟင်းဟင်း.. ကုန်ကျစရိတ်တွေလည်းတယ်များသကိုး ။ ဘာပဲဖြစ်ဖြစ် ဖြစ်အောင်ဝယ်မယ်ဆုံးဖြတ်ချက်နဲ့ မစိမ်းပြာတစ်ယောက် ခြင်းတောင်းတစ်လုံးကောက်ဆွဲပြီး အလှကုန်ပစ္စည်းတွေထားတဲ့ဘက်ကိုပဲဦးတည်လိုက်မိသည်။
အလှကုန်တန်းကို နာရီဝက်လောက်ပတ်ပြီးပေမယ့် မစိမ်းပြာလိုချင်သောပစ္စည်းတွေယခုထက်ထိရှာမတွေ့နိုင်သေး။ စင်ကာပူက ရှောပင်းစင်တာတွေမှာက ကုန်ပစ္စည်းကောင်တာတွေတစ်နေရာတည်းမှာအများကြီးရှိပေမယ့် ကောင်တာတိုင်းမှာ အရောင်းစာရေးတွေထားလေ့မရှိ ။ Watson တို့လို့ဆိုင်မျိူးမှာသာ အရောင်းစာရေးမလေးတွေအနည်းအကျဉ်းရှိတတ်သည် ။ ဒါကြောင့်မို့ မစိမ်းပြာတစ်ယောက် အလှကုန်တန်းမှာ တစ်ယောက်တည်းသွားလိုက်ပြန်လိုက်ယောက်ယက်ခတ်နေခြင်းဖြစ်သည်။

မျှော်နေတုန်း ကျော့ဆုံးလာ ဆိုသလိုပဲ ရှောပင်းစင်တာရဲ့ဝန်ထမ်းဝတ်စုံနဲ့လူတစ်ယောက်မစိမ်းပြာဆီကိုဆိုက်ဆိုက်မြိုက်မြိုက်ရောက်လာခဲ့သည် ။
"Hello, excuse me, i want to buy fake eyelashes , where can i get it??"
"imm ohh..wo bu zhi doa.... wo wo .."
တရုတ်စကားတစ်လုံးစနှစ်လုံးစနားလည်သောမစိမ်းပြာသဘောပေါက်လိုက်သည် ။ ထိုဝန်ထမ်းလည်း မစိမ်းပြာပြောသောအင်္ဂလိပ်စကားကိုနားမလည်သလို ၊ မစိမ်းပြာ၏ ဘရုတ်သုတ်ခတရုတ်စကားကို ထိုလူနားမလည်မှာသေချာနေသဖြင့် "never mind , never mind " ဟုတွင်တွင်ကြီးပြောကာ အသာလေးလစ်လာခဲ့ရသည်။ အလှကုန်တန်းကို စင်တစ်ဆင့်ချင်းသေချာလိုက်ကြည့်သောအခါ...ဟော တွေ့ပါပြီ မစိမ်းပြာလိုချင်တဲ့ fake eyelashes (မျက်တောင်တု) တွေ ။ မစိမ်းပြာမျက်တောင်တု ၀ယ်ချင်ရချင်းအကြောင်းအရင်းကလည်းဇာတ်လမ်းနဲ့ ။

မစိမ်းပြာ နယ်မှာနေစဉ်အခါက အလှသွားပြင်နေကျ မလင်းဆိုသော အခြောက်တစ်ယောက်ရှိသည် ။ မစိမ်းပြာအလှပြင်တယ်ဆိုလို့ ထူးထူးဆန်းဆန်းရယ်မဟုတ်ပါဘူး ။ အလှူမင်္ဂလာဆောင်တွေသွားရင် အခြောက်ဆီမှာအလှသွားပြင်လိုက် ၊ ဆံပင်လေးဘာလေးဖြောင့်ရုံပါပဲ ။  မစိမ်းပြာရဲ့နဂိုဆံပင်ဟာ ခပ်ဖျင်းဖျင်း နီကြောင်ကြောင်နဲ့ တော်တော်လေးရုပ်ဆိုးတဲ့ဆံပင်ပါ ။ မစိမ်းပြာတို့နယ်မှာ နေကလည်းပူ ၊ ဒီကြားထဲမစိမ်းပြာက ထီးတွေ ဦးထုပ်တွေဆောင်းရတာဝါသနာမပါသူမို့ နေပူခံပြီးအပြင်ထွက်တော့ မစိမ်းပြာခေါင်းကြီးဟာ ကြာလေနီလေ နဲ့ အုတ်သယ်တဲ့အလုပ်သမားလားလို့တောင် အနောက်ခံရတဲ့အထိပါပဲ ။ ဒါပေမယ့် ဒီခေတ်ကြီးထဲမှာ သူများတွေဆံပင်နီချင်လို့ အနီတွေဆိုးကြရတဲ့အထဲ မစိမ်းပြာခေါင်းက အော်ရဂျင်နယ် နီနေတော့ ကိုယ့်ဟာကိုယ်တော့သဘောခွေ့လို့ပေါ့ ။ တစ်ခါသား မစိမ်းပြာတို့အဘွား ရွာကနေ မစိမ်းပြာတို့ဆီကိုအလည်လာသည်။ မစိမ်းပြာအမေရောအဖေပါ အဖွားကိုကြောက်ရသူမို့ မြေးဖြစ်တဲ့မစိမ်းပြာတို့လည်းအာမခံဝံ့ ၊ စည်းကမ်းသေ၀ပ်တဲ့အဘွားလက်အောက်မှာ အားလုံးဟာ တသွေးတသံအမိန့်ပါပဲ ။ အလည်လာတဲ့အဘွားဟာ မစိမ်းပြာခေါင်းကိုမြင်တော့ ရင်ဘတ်ကိုတဒုန်းဒုန်းထုပြီး မစိမ်းပြာကိုဆူပါတော့သည်။ “စိမ်းပြာ...ညည်းခေါင်းကိုညည်းကြည့်လိုက်စိမ်း ဆီမထည့်ပျားမထည့် ၊ မိန်းမတစ်ယောက်ရဲ့တန်ဖိုးမှာ ဆံပင်၏ကောင်းခြင်းဆိုတာလည်းပါတယ်ဟဲ့..ဘယ်မှာလည်းညည်းဆံပင်...ပြောင်းဖူးမွှေးလိုနီကြန့်ကြန့်နဲ့အေ...လာငါနဲ့လိုက်ခဲ့....”
စိတ်မြန်လက်မြန်ရှိတဲ့အဖွားဟာ မစိမ်းပြာကိုဆိုက်ကားနဲ့တင်သွားပြီး ဆံပင်ညှပ်ဆိုင်ကိုခေါ်သွားကာ ခေါင်းတုံးတုံးပစ်လိုက်ပါတော့သည် ။

၁၈ နှစ်စွန်းစွန်းမစိမ်းပြာတစ်ယောက် ဂတုံးတုံးခံရလို့စိတ်ဆိုးလိုက်လေခြင်း ၊ မစားမသောက်မခေါ်မပြောဘဲနဲ့ အိမ်တွင်းအောင်းနေတာ အချိန်တော်တော်ကြာအောင် ။ ဒီကြားထဲ ဆံပင်သန်အောင်ဆိုပြီး ရွာကနေကြက်ဆူဆီလှမ်းမှာကာ မစိမ်းပြာကို ကိုယ်တိုင်လိမ်းပေးပါတော့သည် ။ ကြက်ဆူဆီတန်ခိုးလား ၊ ခေါင်းတုံးလိုက်တဲ့တန်ခိုးလားတော့မသိ.. မစိမ်းပြာရဲ့ဆံပင်တွေသန်လာလိုက်တာ မဲနက်စိမ်းလဲ့ပြီး အရမ်းသန်သည့်အပြင် အဆစ်အနေနဲ့ရလိုက်တာက ဆံပင်ကောက်ကြီးတွေဖြစ်သည် ။ မစိမ်းပြာရဲ့နဂိုညိုပျော့ပျော့ဆံပင်တွေအစား မဲမဲသန်သန်ကောက်ကောက်ကြီးတွေ ထွက်လာလိုက်ကြတာ..၀က်မွှေးတွေလိုကြမ်းရှရှမို့လို့စိတ်တွေညစ်လိုက်တာမှ မစားနိုင်မသောက်နိုင်အောင် ။ ထိုအချိန်ကနေစပြီး မလင်းဆီမှာ ခြောက်လတစ်ခါဆံပင်ဖြောင့်ပြီး ဆေးဆိုးတဲ့အကျင့်မစိမ်းပြာဆီကိုရောက်လာခဲ့သည်။ မလင်းသည်လည်းမစိမ်းပြာ၏လက်စွဲဖြစ်လာခဲ့သလို မစိမ်းပြာ၏ဆံပင်လေးတွေမှာလည်း ဖြောင့်ဖြောင့်စင်းစင်းနဲ့ အညိုရောင်လေးဘ၀ကိုပြန်လည်ရောက်ရှိခဲ့ပါသည် ။ ကြက်ဆူဆီတန်ခိုးက ဘယ်လောက်ထိပြင်းလဲမသိ ။ ဖြောင့်ထားတဲ့ဆံပင်ညိုလေးတွေနဲ့ လှလှပပနေရတာသိပ်မကြာဘူး မဲမဲတူးတူး လိမ်လိမ်ကောက်ကောက်ဝက်မွှေးတွေ ဆံပင်ရင်းမှာပြန်ပေါ်လာတော့ မစိမ်းပြာတစ်ယောက်အလှပြင်ဆိုင်ကိုပြေးရပြန်သည် ။ ဒီလိုနဲ့  မလင်းဆီမှာ ဖြောင့်လိုက်ကောက်လိုက်နဲ့ သံသရာလည်နေလိုက်တာ မစိမ်းပြာ နိုင်ငံခြားမထွက်ခင်အချိန်ထိပါပဲ ။

မစိမ်းပြာဘွဲ့ယူခါနီးမှာမလင်းကပြောပြသည် ။ ဒီခေတ်မှာမျက်တောင်တုတွေခေတ်စားလာပြီပေါ့နော်။ ဘွဲ့ယူရင်မစိမ်းပြာကိုမျက်တောင်တုတပ် ဆိုပြီးအကြံပေးတာမို့ မစိမ်းပြာတစ်ယောက်လက်စွဲတော်မလင်းအကြံကိုလက်ခံလိုက်ပါတော့တယ် ။ မစိမ်းပြာတို့ရခိုင်သူတွေဟာ မျက်လုံးမျက်ဖန်ကောင်းကြတယ်လို့နာမည်ကြီးပေမယ့် မစိမ်းပြာကတော့ထိုစာရင်းထဲကိုမ၀င် ။ ဘယ်ဘက်ကနေအမွေရမှန်းမသိတဲ့ မှေးစိနေသောမျက်လုံးအစုံနဲ့ ပါးလျနေတဲ့ မျက်ခုံးမွှေး ၊ မျက်တောင်အပြင် နှာပြားလေးပါပိုင်ဆိုင်သောသူဖြစ်ပါသည် ။ မစိမ်းပြာက နဂိုအသားနည်းနည်းဖြူတော့ မျက်ပေမှေးလေးနဲ့ ကိုးရီးယားမလေးတွေလို မျက်တောင်တုတပ်လိုက်ရင်ဘယ်လောက်လှမလဲဆိုပြီး မလင်းကမြှောက်ပေးတာမို့မစိမ်းပြာတစ်ယောက်မြောက်ကြွမြောက်ကြွနဲ့ဘွဲ့ယူမယ့်နေ့ကိုလက်ချိူးရေကာစောင့်နေပါတော့သည် ။ မလင်းပြောသလိုပဲ မစိမ်းပြာဟာ မျက်တောင်တုတပ်လိုက်တော့မထင်မှတ်လောက်အောင်ပဲ မျက်လုံးလေးတွေဝင့်ကာလှသွားတာမို့ မျက်တောင်တုတပ်ခြင်းကိုမစိမ်းပြာတစ်ယောက်တော်တော်လေးသဘောကျနှစ်သက်ခဲ့မိပါသည် ။ ဒါပေမယ့်လည်း အကြောင်းကြီးငယ်မရှိဘဲ အလှမပြင်ကြသော နယ်ဓလေ့အရ မစိမ်းပြာရဲ့မျက်တောင်တုအိပ်မက်ဟာလည်း စိတ်ကူးထဲမှာပဲပျောက်ကွယ်သွားတာ အချိန်အတော်ကြာတဲ့အထိပါပဲ။

အလှအပကိုမက်မောတဲ့မစိမ်းပြာတစ်ယောက် မမျှော်လင့်ဘဲရထားပေါ်မှာ မျက်တောင်တုတပ်ထားတဲ့စလုံးမ (စင်ကာပူသူ)တစ်ယောက်ကိုအတွေ့မှာ မျက်တောင်တုအိပ်မက်ကပြန်လည်နိုးထလာခဲ့ပြန်သည် ။ အင်တာနက်တွေ ၊ facebook တွေမှာ မျက်တောင်တုတပ်ကြတဲ့မင်းသမီးတွေတွေ့ပေမယ့် ကိုယ့်အလုပ်ကိုအားနာလို့ ကိုယ်နဲ့လားလားမျှမဆိုင်သလိုပဲနေခဲ့သည် ။ အမျိူးသမီးဆိုလို့မစိမ်းပြာတစ်ယောက်ပဲရှိသော အိုင်တီဌာနမှာ အ၀တ်အစားအနေအထိုင်ကအစ မစိမ်းပြာဆင်ခြင်တတ်တာမို့ လုံလုံခြုံခြုံဝတ်ပြီးအလှလည်းပြင်ခဲသည် ။ ဒါပေမယ့် မျက်တောင်တုတပ်ထားသောမိန်းမတစ်ယောက်ကိုအရှင်လတ်လတ်မြင်ရတဲ့အခါမှာတော့မစိမ်းပြာစိတ်မထ်ိန်းနိုင်တော့ပေ ။ ရုံးမှာမတပ်လည်း အပြင်လေးဘာလေးထွက်ရင်တပ်တာပေါ့ ဘယ်သူ့ဂရုစိုက်လို့ ဆိုပြီး ရှောပင်းစင်တာထဲမှာမျက်တောင်တုသွားရှာခြင်းဖြစ်သည် ။ မျက်တောင်တုဘူးတွေထဲက မစိမ်းပြာသဘောကျသော ထူထူကော့ကော့ကြီးတစ်ခုရယ် ၊ သဘာဝကျမယ်ထင်ရတဲ့ခပ်ပါးပါးလေးတစ်ခုရယ် ၊ ကော်ဘူးတစ်ဘူးရယ်ဝယ်လာခဲ့သည် ။ မစိမ်းပြာစိတ်ထဲမှာလည်း မျက်တောင်တုကြီးတပ်လိုက်ရင် ဘွဲ့ယူတုန်းကလို မျက်လုံးဝင့်ဝင့်လေးပြန်ဖြစ်သွားမယ်လို့ယုံကြည်နေမိပါသည် ။

မနက်ဖြန်မှာရုံးမှာဒင်နာရှိတာမို့ မစိမ်းပြာတစ်ယောက် ဒီနေ့အိမ်မှာမျက်တောင်တုတပ်ခြင်းကိုအပီလေ့ကျင့်နေမိသည် ။ ဟုတ်တယ်လေ ဒါမှပဲ ဒင်နာကျရင် လှလှပပလေးသွားရမှာကိုး ။ youtube ဖွင့်ပြီးတပ်နည်းကိုတစ်ချက်ကြည့်လိုက်ကာ ကိုယ့်ဘာသာကိုယ်ပဲလုပ်ကြည့်နေမိသည် ။ မစိမ်းပြာက ကိုယ့်ဇကိုလည်းယုံတာကိုး ။ အလှအပနဲ့ပက်သက်လျင် လက်ရဲဇက်ရဲနဲ့ ကိုယ့်ဟာကိုယ် တတ်တတ်မတတ်တတ်လုပ်ရင်းအဆင်ပြေသွားတတ်တဲ့ ရာဇ၀င်ရှိတာမို့ ကိုယ့်ဟာကိုယ်ယုံကြည်မှုလည်းအပြည့်ရှိသည်။ google လုပ်ထားသည့်နည်းအရဆိုလျင် မျက်တောင်တုကို ကိုယ့်မျက်စိနဲ့သင့်တော်မည့်အရွယ်အစားအတိုင်းဘေးနှစ်ဖက်ကိုညှပ်ပေးရမည်ဆိုသောကြောင့် မစိမ်းပြာလည်းမျက်တောင်တုဘေးနှစ်ကိုညှပ်ပစ်လိုက်သည် ။ ကော်ကပ်ပြီး ခဏလေးထားရမည်ဆိုသောကြောင့်ခဏလေးထားကာ မျက်တောင်တုကိုစကပ်လိုက်သည် ။ မစိမ်းပြာရဲ့မျက်လုံးဟာ ခပ်စင်းစင်းဖြစ်ရသည့်ကြားထဲစတပ်ခါစဆိုတော့ အဆင်မပြေ ။ ဘယ်ဘက်ကကပ်လိုက်လျင် ညာဘက်က ထောင်သွားသည်။ ညာဘက်ကိုကပ်လိုက်လျင်ဘယ်ဘက်ကပြန်ကွာပြီးထောင်သွားသည် ။ နှစ်ဘက်လုံးစိတ်ရှည်လက်ရှည်ကပ်လို့ရသွားတဲ့အခါ မျက်လုံးထက်မျက်တောင်တုက ပိုခုံးသွားပြီး မျက်လုံးက အောက်မှာကျန်ခဲ့လေသည်။ မစိမ်းပြာကလည်းလှဖို့ပဖို့ဆိုလျင်စိတ်ရှည်သည့်အမျိူးလေ မရရအောင်ကပ်သောအခါ နောက်ဆုံးတော့ မျက်တောင်နှစ်ဘက်စလုံးကပ်၍ရသွားသည် ။ မျက်တောင်ကပ်လို့ရတော့ လှမလှ အဝေးကနေပြီးကြည့်လိုက် အနီးကပ်ကြည့်လိုက်ရုံနဲ့အားမရဘဲ မစိမ်းပြာတစ်ယောက် ယောက်ယက်ခတ်ပြီးသူငယ်ချင်းတွေဆီကိုဓာတ်ပုံပို့လိုက်သေးသည် ။ မစိမ်းပြာသူငယ်ချင်းတွေကတော့ လှတယ်ဆိုပြီး ကောင်းချီးသြဘာပေးကြပေမယ့် မကျေနပ်နိုင် ။ မလင်းလုပ်ပေးသလိုသဘာဝကျကျမလှတော့ ဥာဏ်ကူရပြန်သည် ။ မရှိသည့်မျက်ရစ်မှာ လိုင်နာအမည်းတွေချယ်ပြီး လိုတာလေးတွေဖြည့်လိုက်တော့ မစိမ်းပြာမျက်လုံးလေးက သမင်မျက်လုံးလေးတွေလို ၀င့်ဝင့်ပြုးပြူးကလေးဖြစ်သွားသည် ။ မစိမ်းပြာတစ်ယောက်ဝမ်းသာပီတီဂွမ်းဆီထိပြီးတော့ အကြိမ်ကြိမ်လေ့ကျင့်ပြီး အောင်အောင်မြင်မြင်တပ်တတ်သွားပြီမို့ ကိုယ့်ကိုကိုယ်ကြည်နူးမဆုံးရှိတော့လေသည်။

မစိမ်းပြာက အနက်ကြိုက်သူမို့ အနက်ရောင်ကိုယ်ကျပ်ဂါဝန်တိုလေးဝတ်ပြီး ဆလင်းဘက် အနက်ကလေးနဲ့ ရှုးအနက်ကလေးနဲ့ ဒီကြားထဲ မျက်တောင်တုလေးကလည်းတပ်ထားတယ်...နှုတ်ခမ်းနီလေးနဲ့ဆိုတော့ ပြင်သစ်မော်ဒယ်လေးလိုပဲနေမလား ကိုးရီးယားမလေးလိုလှနေမလား မသိ..တွက်ရေးကစက်သူဌေးပဲဆိုပါတော့ ။
မျက်နှာကိုအလှဆုံးပြင်ပြီး လိုင်နာတွေခြယ် ၊ မျက်တောင်တုလေးတပ်ဖို့ကြိုးစားပမ်းစားလုပ်ပါတော့တယ် ။ မနေ့ကအကြိမ်ကြိမ်လေ့ကျင့်ထားပေမယ့် တကယ်တမ်းကျတော့အဆင်မချောချင် ။ ရှုးအနက်မရှိလို့ တစ်နေကုန်ရှုးလိုက်ရှာရင်း ဘာမှမယ်မယ်ရရမစားရသေးတော့လက်တွေကတုန်ချင်ချင် ။ လက်ကသိပ်မမြဲချင်တော့ မျက်တောင်တုကိုကော်ကပ်သည့်အခါ လိုတာထက်ပိုသွားခဲ့သည်။ procedure အရ ခဏထားပြီးမျက်တောင်တုကိုတပ်လိုက်တဲ့အချိန်မှာတော့ လိုတာထက်ပိုသွားတဲ့ကော်တွေက တုန်နေသောလက်ရဲ့ကျေးဇူးကြောင့်  ဗြိခနဲ မျက်စိထောင့်ကိုဝင်သွားပါတော့သည် ။ ဒါပေမယ့်လည်းမစိမ်းပြာပဲလေ..အပူရုပ်ဟန်လုပ်...အဲ ဟုတ်ပါဘူး မျက်လုံးကို
wet tissue နဲ့အသာလေးသုတ်ပြီး အလှပြင်မပျက် ။ procedure အရ လိုင်နာတွေထပ်ဖြည့် လိုတာလေးတွေပြင်ပြီးတော့ မှန်ကိုအပြောင်းအပြန် အခါငါးဆယ်လောက်ကြည့်ပြီး ကိုယ့်ကိုကိုယ်သိပ်ကျေနပ်နေမိတော့သည် ။ ဒင်နာမသွားခင် နောက်ဆုံးအနေနဲ့ မှန်ကိုအနီးကပ်သေချာကြည့်လိုက်တဲ့အချိန် မစိမ်းပြာရဲ့ဘယ်ဘက်မျက်စိထောင့်က နီရဲနေသည့်အပြင် ကော်ဝင်သွားတဲ့အတွက် မျက်ရည်တွေပါ တစိမ့်စိမ့်ထွက်လို့ ။ လှချင်လွန်းတဲ့မစိမ်းပြာတစ်ယောက် မျက်ရည်လေးတစမ်းစမ်းနဲ့ ဒင်နာလာရသည့်အဖြစ်ရယ်လေ..။

ထူးထူးခြားခြားအလှပြင်လာသော မစိမ်းပြာကို လူတိုင်းက လှတယ်လှတယ်နဲ့ မစိမ်းပြာကတော့ မျက်ရည်လေးတစမ်းစမ်းနဲ့ကျေနပ်လို့ပေါ့ ။ မျက်တောင်တုစတပ်ပြီးတည်းကစိမ့်ထွက်လာသည့်မျက်ရည်ဟာ ဒင်နာအချိန်တစ်ဝက်ကျိုးတဲ့အထိ ထွက်လို့မကုန်သေးဘူး ။ မစိမ်းပြာခမျာ မျက်ရည်လေးတစမ်းစမ်းနဲ့ ဟိုလူ့ရယ်ပြ ၊ ဒီလူရယ်ပြနဲ့ ။ မစိမ်းပြာရဲ့အဖြစ်ကိုသတိထားမိနေတဲ့ တခြားဌာနက မန်နေဂျာမမ က မစိမ်းပြာဆီကိုပေါက်ချလာပြီး ဘာဖြစ်လဲလို့မေးလာတော့ မစိမ်းပြာခမျာရယ်ရခက်ငိုရခက်နဲ့ ကော်ဝင်သွားလုိ့ဆိုပြီးရှင်းပြရပါတော့သည် ။ စေတနာကောင်းလွန်းတဲ့ မန်နေဂျာမက မစိမ်းပြာကို သူ့မှာ eyes drop ပါတဲ့အတွက်ထည့်ပေးမယ်လို့ပြောတော့ မစိမ်းပြာကလည်းအားနာပါနာနဲ့လက်ခံလိုက်ရသည်။ မီးတွေထိန်ထိန်လင်းနေသော ကောင်တာနားကို မစိမ်းပြာကိုခေါ်သွားပြီး eyes drop ထည့်ဖို့ မျက်နှာလေးကိုအမော့...မန်နေဂျာမရဲ့ ခွိခနဲရယ်သံကိုအရင်ဆုံးကြားလိုက်ရသည် ။ မစိမ်းပြာလည်းကြောင်ပြီးကြည့်နေတော့ မန်နေဂျာမမက
“မစိမ်းပြာ နင့်မျက်တောင်တုက တစ်ဝက်ကြီးတဲ့..”
“ဟင်.....”
“နင်က အစွန်းနှစ်ဘက်လုံးကိုအများကြီးညှပ်ပစ်လိုက်တော့ နင့်မျက်တောင်တုက အလယ်သားလေးတွေပဲကျန်တော့တယ်လေ..ဘေးဘက်က အတိုလေးတွေမရှိတော့ နင့်မျက်တောင်တုက ရှည်ရှည်စင်းစင်းကြီးတွေပဲကျန်တာနေမှာ..”
မန်နေဂျာမမပြောလည်းပြောချင်စရာပဲ မစိမ်းပြာရဲ့မျက်တောင်တုက ရှည်ရှည်ပြားပြားကြီး ဒီကြားထဲ မစိမ်းပြာက မျက်ထောင့်လေးကနေစပြီးတပ်ထားတော့ မျက်စိတစ်ဝက်လောက်မှာပဲ မျက်တောင်တုရှိပြီး ကျန်တစ်ဝက်က ဟာလာဟင်းလင်း ။ မျက်တောင်တုရှိနေတဲ့မျက်စိတစ်ဝက်ကလည်း ရှည်ရှည်ညီညီကြီးတွေ ။  ဘယ်လောက်များရယ်စရာကောင်းနေမလဲမသိ ။ marketing က မိန်းမတွေကလည်း ပြုံးစိစိနဲ့ကြည့်လို့ မစိမ်းပြာတစ်ယောက်ရှက်စိတ်နဲ့ ဒင်နာကနေပြေးပြီးပြန်သွားချင်တော့သည် ။ လိုင်နာတွေ ၊ ကော်တွေထည့်ထားသော မျက်တောင်ကဆွဲဖြုတ်ဖို့လည်းအဆင်မပြေ ၊ တပ်ထားဖို့ကလည်း တ၀က်တပျက်နဲ့ ။ ရှက်စိတ်ကြောင့်လားမသိ ကော်ဝင်နေတဲ့မျက်စိက ပိုပြီးမျက်ရည်တွေယိုလာပါတော့သည် ။ မျက်ရည်တွေကစိမ့်ထွက်လာတော့ ခြယ်ထားတဲ့လိုင်နာတွေကအရည်ပျော် ၊ အရည်ပျော်တော့ သုတ် ၊ သုတ်တော့ မျက်ရည်ကပိုစိမ့်နဲ့ မစိမ်းပြာတစ်ယောက် တစ်ခုသောဒင်နာမှာမျက်တောင်တုတစ်ဝက်နဲ့ မျက်ရည်လေးတစမ်းစမ်းနဲ့ wet tissue လေးနဲ့သုတ်ရင်း မစားနိုင်မသောက်နိုဘဲ ဒင်နာချိန်မြန်မြန်ပြီးပါစေသာ ဆုတောင်းရင်း ။ ။

Friday, 16 August 2013

နှုတ်ဆက်ရွက်ကြွေ(၅)

တရိပ်ရိပ်တက်လာသောလှိုင်းလုံးကြီးတွေကိုကြည့်ရင်း အသက်ရှုရပ်သွားမတတ်ကြောက်လန့်စိတ်နဲ့အတူ သူမကြောင်ပြီးရပ်နေမိသည်။ မြစ်ဝကျွန်းပေါ်သူ ၊ ရေနဲ့မစိမ်းသူဖြစ်ပေမယ့် သူမဘ၀မှာဒီလောက်ထိဆိုးရွားသောအခြေအနေမျိူးကိုတစ်ခါမှမမြင်ဖူးခဲ့ ။ ပတ်ဝန်းကျင်တစ်ခုလုံးပိန်းပိတ်မှောင်နေသည့်အပြင် လေတ၀ူးဝူးတိုက်ကာ ဘေးအိမ်တွေလည်းအမိုးတွေလန်ကာ တချို့အိမ်တွေဆိုရင်ပြိုကျလုနီးပါးအခြေအနေဖြစ်နေသည်။ ထုနဲ့ထည်နဲ့ခိုင်ခန့်လှသည့်သူမတို့အိမ်တောင် လေတစ်ချက်အဝှေ့မှာ အိမ်ခေါင်မိုးလန်ကုန်သည်။
“ဦးငယ်...ဘယ်လိုလုပ်မလဲ..”
“ဆက်နေဖို့မဖြစ်တော့ဘူး ကုန်းအမြင့်ပိုင်းဘက်ကိုပြေးမှဖြစ်မယ်...ရေဒီထက်တက်လာရင်သေကုန်ကြလိမ့်မယ်..”
ဦးငယ်ကပြောလည်းပြောပြီးသည်နှင့် ကိုအောင်ကျော်လက်က သမီးလေးကိုချီလိုက်ပြီး သူမလက်ကိုဆွဲကာ အိမ်အောက်ကိုဆင်းလာကြသည်။ သူမတို့တွေအကုန်လုံးရွဲရွဲစိုလျက်...။ သမီးလေးကတော့ကြောက်အားလန့်အားနဲ့ငိုတောင်မငိုနိုင်တော့ဘဲ အဖေကိုသာအတင်းဖက်ထားရှာသည်။အိမ်အောက်ထပ်တစ်ခုလုံးလည်းရေလွှမ်းကာ ရှိသမျှအကုန်လုံးရေထဲမှာပေါလောမျောလို့..။ ကံကြမ္မာကိုပဲအပြစ်ဆိုရမှာလားမသိတော့ ။ ဒီလောက်အခြေအနေနဲ့ဆိုလျင်သူမတို့ပွဲရုံကဆန်တွေလည်း ရေထဲမှာနစ်ကုန်ပြီလား ၊ မြစ်ထဲမျောသွားပြီလားမသေချာ။ အသက်အန္တရာယ်ကိုနီးနီးကပ်ကပ်ရင်ဆိုင်ပြီးမှတော့ ကျန်တာတွေကို သူမ မစိုးရိမ်နိုင်တော့ပေ ။ ဖြစ်ချင်တာသာဖြစ်ပါစေတော့ လူ့အသက်ထက်အရေးကြီးတာဘာရှိဦးမှာမို့လဲ ။သူမတို့လွတ်အောင်ပြေးရုံသာ။ ရေကပေါင်လယ်လောက်အထိသာရောက်နေပေမယ့် လေထဲမိုးထဲမှာ သူမတို့လမ်းမလျှောက်နိုင်ဘဲရေစီးအလိုက်နဲ့အတူမျောလာခဲ့ကြသည်။ မှောင်မည်းနေသောရေထဲမှာ သူမတို့လို ရေအလိုက်နဲ့မျောလာတဲ့မိသားစုတွေဘယ်နှစ်ယောက်ရှိနေမလဲ ။ မိုးထဲလေထဲမှာ တစ်ယောက်အသံတစ်ယောက်မကြားနိုင် ၊ တစ်ယောက်ကိုတစ်ယောက်မကူနိုင် ။ ငိုသံသဲ့သဲ့ ၊ ခေါ်သံသဲ့သဲ့တွေနဲ့အတူ ဘယ်သူဘယ်ဝါမကွဲဘဲ ကမ္ဘာလောကကြီးတစ်ခုလုံးငရဲမပါ ပွက်လောကိုရိုက်လို့ ။ မျက်စိရှေ့မှာပဲ အိမ်တွေပြိုကျသွားကြသည် ၊ လူတွေမျောသွားကြသည်။ သစ်ပင်တွေအမြစ်ကနေကျွတ်ထွက်သွားပြီးရေထဲမှာပေါလောမျောလို့ ။ ဦးငယ်က ဘယ်ကနေမျောလာမှန်းမသိသော ဖော့ပုံးတစ်ပုံးကိုလှမ်းဆွဲပြီး သမီးလေးကိုပုံးထဲထည့်ကာ သူမတို့ကတော့ ပုံးလေးနဲ့အတူကပ်လိုက်လာကြသည်။ မိုးကသည်းသထက်သည်းလာသလို လေကလည်းကြမ်းသထက်ကြမ်းလာပါသည်။ တစ်ကိုယ်လုံးရွဲစိုတုန်ရီနေသောသမီးလေးက ဖော့ပုံးလေးထဲမှာ ငုတ်တုတ်ကလေးထိုင်လို့ ။ မိုးစက်ကြမ်းကြမ်းကြီးတွေက သူမတို့ ကျောကုန်းကိုခဲနဲ့ပေါက်သည့်အလား ကြမ်းတမ်းစွာရိုက်ခတ်လာသည်။ လေပြင်းတွေနဲ့အတူသူမတို့တွေဘယ်ဆီမျောလို့မျောမှန်းမသိ ။ လှိုင်းဒဏ်လေဒဏ်တွေအကြီးအကျယ်ခံရင်းရေထဲမျောနေတုန်းမှာပဲ မမျှော်လင့်တဲ့လှိုင်းလုံးကြီးတစ်လုံးက၀ုန်းခနဲအလာ သမီးလေးရှိနေတဲ့ ဖော့ဗူးလေးက သူမတို့လက်ကလွတ်ထွက်သွားသလို သူမ၏ခေါင်းကို တစ်စုံတစ်ခုက ၀ုန်းခနဲလာအထိမှာပဲ ကမ္ဘာကြီးတစ်ခုလုံးမှောင်ကျသွားခဲ့သည်။

“သမီးလေး..သမီး...သမီး..သမီး.. မေမေ့သမီးလေး”
“ချိုသဲ...ချိုသဲ...သတိထားဦးလေ”
“ဟင်..ဦးငယ် သမီးလေးဘယ်မှာလဲ...သမီးလေးကော”
တစစ်စစ်ကိုက်နေသောခေါင်းနဲ့အတူ တကိုယ်လုံးနာကျင်ကိုက်ခဲနေပေမယ့် သမီးလေးကိုသတိရစိတ်ဖြင့်သူမနိုးထလာခဲ့သည် ။ လှိုင်းနဲ့အတူ သမီးလေးမျောပါသွားပြီလား ။ ဒါမှမဟုတ် ဒီလှိုင်းဒီရေအောက်မှာ သမီးလေးတစ်ယောက်မပြောကောင်းမဆိုကောင်းဆုံးပါးသွားပြီလား ။
“ဦးငယ် ချိုသဲတို့ဘယ်ရောက်နေလဲ..သမီးလေး..သမီးလေးရော..”
“ မီးမီး..ဒီမှာ”
“သမီးရယ်...”
စွပ်ကျယ်လေးတစ်ထည်တည်းသာရှိနေသောသမီးလေးကိုမြင်လိုက်ရမှ သူမစိတ်ထဲမှာအတိုင်းထက်အလွန်ဝမ်းသာသွားမိသည်။ သမီးလေးကိုရင်ခွင်ထဲဆွဲယူလိုက်ရင်း တင်းတင်းကျပ်ကျပ်ပွေ့ဖက်ထားလိုက်မိသည်။ တော်သေးလို့ မေမေ့သမီးလေးကိုဆုံးရှုံးရဦးမလို့ ။ ကြဲကြဲတောက်ပူနေသောနေက မနေ့က ရက်စက်ကြမ်းတမ်းခဲ့တာ သူမဟုတ်တဲ့အတိုင်းပဲ ။ ပတ်ဝန်းကျင်ကိုအကဲခတ်လိုက်တော့မှ သူမတို့တွေကုန်းမြင့်ပိုင်းမှာရှိတဲ့ ဘုန်းကြီးကျောင်းဝင်းထဲရောက်နေမှန်းသတိထားမိတော့သည်။ ကျောင်းဝင်းထဲက ညောင်ပင်ကြီးတွေ ၊ ကုက္ကိုပင်ကြီးတွေလည်းဘယ်ဆီရောက်လို့ရောက်မှန်းမသိ ။ ဘုန်းကြီးကျောင်းသောက်ရေကန်ကိုသူမလှမ်းအကြည့်မှာ သူမရုတ်တရက်အသက်ရှုရပ်တော့မတပ်အံ့အားသင့်သွားခဲ့သည်။ ကန်ရေမှာပေါလောမျောနေတဲ့လူသေအလောင်းတွေ မရေမတွက်နိုင်အောင် ။
“ဦးငယ်.......”
သမီးလေးကိုဖက်ရင်း ဟီးခနဲသူမငိုချလိုက်မိတော့သည်။ အရာအားလုံးဟာ ပျက်သုန်းသွားခဲ့ပြီဖြစ်သည်။ ဘုန်းကြီးကျောင်းဘေးကအိမ်တွေ ၊ သစ်ပင်ပန်းမန်တွေ၊ ရေတွင်းတွေ၊ သူမတို့မိတ်ဆွေသူငယ်ချင်းတွေ ၊ ရပ်ဆွေရပ်မျိူးတွေ ..သူမတို့ရဲ့သာယာလှပဖူးတဲ့ မြို့လေးဟာ အခုတော့ အနိဌာရုံတွေချည်းပဲစုပြုံပြီးကျန်နေခဲ့ပါတော့သည်။
“စာရင်းပေးထားပြီးပြီ..သမီးလေးနဲ့ဒီမှာပဲနေ ကိုအောင်ကျော်ကိုသွားရှာလိုက်ဦးမယ်”
“ဟင်..ကိုအောင်ကျော်...”
“ဟုတ်တယ် ချိုသဲ ကိုအောင်ကျော်ကိုပြန်ရှာမတွေ့သေးဘူး”
“ဟင်...”
“လှိုင်းနဲ့မျောသွားတာလေ..သမီးလေးကိုလိုက်ရင်းမှာ ချိုသဲကိုသစ်တုံးဝင်တိုက်တော့ ကိုယ်ကချိူသဲကိုပွေ့ထားရတယ်...ကိုအောင်ကျော်က သမီးလေးကိုတွေ့ပြီးကိုယ်တို့ဆီအလာမှာ ကိုယ့်မျက်စိရှေ့မှာပဲမျောသွားခဲ့တာ.... ကိုယ်မဆွဲလိုက်နိုင်ဘူး”
“ဟင်......ကိုအောင်ကျော်တကယ်မျောသွားတာလား”
“ဟုတ်တယ်ချိုသဲရယ်...ကိုအောင်ကျော်မျောသွားတယ် ၊ နောက်ပြီး ဘေးအိမ်ကအရီးတို့တစ်အိမ်လုံးမှာအရီးတစ်ယောက်ပဲကျန်ခဲ့တယ် သူတို့လူတွေကိုပါ ၀ိုင်းရှာပေးကြမှာ ဥက္ကဌမိန်းမလည်း မျောသွားတယ်တဲ့...”
သောကကိုယ်စီနဲ့ထိုင်သူကထိုင် ကျားကျားလျားလျားရှိသောယောက်ျားတွေကစုပြီးလူပျောက်လိုက်ရှာနေကြသည်။
“အရီးနဲ့အတူတူနေခဲ့ကြ ကိုယ်ပြန်လာခဲ့မယ်မကြောက်နဲ့သိလား... သူတို့တွေသဘောင်္နဲ့လာခေါ်ကြလိမ့်မယ်”
“ဘယ်သူတွေလဲ...”
“ကယ်ဆယ်ရေးတွေလေ...”
သူမကအရာအားလုံးနဲ့အဆက်ပြတ်သွားတာမို့ ဘာဖြစ်လို့ဖြစ်မှန်းမသိ ။ ဒါပေမယ့် ပျောက်သွားတဲ့မိသားစုတွေအတွက် ကိုယ်ချင်းစာစိတ်နဲ့အတူ ဦးငယ်ကိုအနားမှာရှိစေချင်ပေမယ့် လူရှာဖို့လွှတ်လိုက်ရသည်။ သမီးလေးကိုပွေ့ကာ ငိုနေတဲ့အရီးလက်ကိုဆုပ်ရင်း နက်ဖြန်ဆိုတာကိုမပြောနှင့် နောက်တစ်မိနစ်မှာဘာဖြစ်မယ်မှန်းကိုတောင်မသိတဲ့အနာဂတ်နဲ့အတူ မြေကြီးပေါ်မှာငုတ်တုပ်ထိုင်လျက် ။

ကလေးငိုသံတွေ ၊ လူကြီးငိုသံတွေဆူညံနေသော ကံကောင်းလား ကံဆိုးလားမကွဲတော့သည် လူတစ်အုပ်ဟာ သောကမျက်ရည်ကိုယ်စီကျလျက် ။ တွေဝေမိန်းမောသူကမိန်းမောလျက် ။
“အငယ်မလေ...ငါ့မျက်စိရှေ့မှာပဲ မျောသွားတယ် ချိုသဲရယ်...ရင်ထဲမကောင်းလိုက်တာ”
အရီးကတအင့်အင့်ရှိုက်ငိုရင်းပြောတော့ သူမဘယ်လိုနှစ်သိမ့်လို့နှစ်သိမ့်ရမှန်းမသိ။
“ကိုအောင်ကျော်လည်းမျောသွားတယ်ပြောတယ်အရီး”
“အောင်ကျော်က ယောက်ျားရင့်မာကြီးပါဟယ်...ငါ့သမီးကရေကူးတတ်တာမဟုတ်ဘူး ငယ်ငယ်တည်းကရေကြောက်တတ်တဲ့ကလေး”
“ဟုတ်ပါပြီအရီးရယ်..”
“ခေါက်ဆွဲခြောက်လေးစားလိုက်ဦးနော်အရီး.....ဗိုက်အောင့်လိမ့်မယ်”
တငိုတည်းငိုနေသောအရီးကိုချော့ရင်း သမီးလေးရော သူမပါ ကယ်ဆယ်ရေးတွေပေးထားတဲ့ ခေါက်ဆွဲခြောက်ထုတ်လေးတွေကို ဒီအတိုင်းစားလိုက်ကြသည်။
“ဦးငယ်ကလည်းကြာလိုက်တာနော်..”
“ညည်းလင်က သူတော်ကောင်းပါဟယ်..ပြန်လာမှာပါ မပူနဲ့...သူ့ခမျာသနားပါတယ်ဟယ်..ညည်းတစ်ဖက် ကလေးတစ်ဖက်နဲ့ ငါတို့ဆီကိုရောက်လာတာ..လေထဲမိုးထဲမှာ သူများတွေကိုလိုက်ရှာပေးနေသေးတယ် ညည်းကတော့ သတိမေ့နေတာကို ဘယ်သိမတုန်း...”
နေ၀င်တရီဖြစ်လာတာမို့ ဦးငယ်အတွက်စိုးရိမ်နေတဲ့သူမကို အရီးကပြန်ပြောခြင်းပင်။
“အရီး ကျွန်မတို့အိမ်ဘယ်လိုနေမလဲမသိဘူးနော်..”
“ညည်းတို့အိမ်တော့မသိဘူးအေ..ငါ့တို့အိမ်တော့ အဆောင်လိုက်ကြီးရေထဲမျောသွားလေရဲ့ အဖြစ်ဆိုးတယ်အေ..”
“ဘာပဲပြောပြော လူတွေမသေတာကံကောင်းတယ်အရီးရယ်...”
“ညည်းကတော့ပြောအားရှိတာပေါ့အေ...ငါ့မှာသာလင်ဆုံးသားဆုံးနဲ့”
အရီးအပြောမှာသူမတကယ်ပဲစိတ်မကောင်းစွာနဲ့ငြိမ်သက်သွားမိသည်။ ဒီမုန်တိုင်းဆိုးကြောင့်လင်ဆုံး၊ သားဆုံး ၊မိဘမဲတွေဘယ်လောက်များရှိလိုက်မလဲ ။ ချမ်းသာသူ ၊ ဆင်းရဲသူဟူသမျှတစ်တန်းတစ်စားတည်းဖြစ်သွားသည်။ အားလုံးဟာပိုင်ဆိုင်တာဆိုလို့ဘာဆိုဘာမှမရှိတော့ပေ။ အ၀တ်တစ်ထည်ကိုယ်တစ်ခုနဲ့အသက်ရှင်ကျန်နေခြင်းကသာ ကံကောင်းလွန်းတယ်ပြောရမယ့်အခြေအနေဖြစ်သည်။

လက်ဗလာခြေဗလာနဲ့ပြန်လာသောဦးငယ်တို့အုပ်စုကိုမြင်တော့ အရီးကအရင်ဆုံးငိုသည်။ စိတ်မကောင်းခြင်းကြီးစွာနဲ့သောကကိုယ်စီထမ်းပိုးထားသောလူအုပ်စုဟာ စိတ်ပျက်လက်ပျက်နဲ့ ။ ငိုသံတွေဟိုတစ်စ ၊ ဒီတစ်စထွက်လာတော့ နဂိုတည်းကစိတ်မခိုင်ချင်သောသူမကပါ ရောငိုလိုက်တော့သည်။
“အရီး...အရီးသမီးကို ကမ်းနားမှာတွေ့ခဲ့တယ်အရီးရယ်..ဒါပေမယ့်...”
“အဖြစ်ဆိုးလိုက်တာသမီးရယ်.....ဘယ်ကမ်းနားလဲ .. ငါလိုက်သွားမယ်...ငါသွားကြည့်မယ်”
“အရီး မှောင်နေပြီ..မကောင်းဘူး မနက်ကျမှသွားရအောင်လေ”
“ငါ့သမီးလေးကိုမြင်ချင်တယ် ငါ့သမီးလေးကိုမြင်ချင်တယ်”
ဝသုန်းရုန်းကားနှင့်အရီးတစ်ယောက်ထိုင်ရာမှထကာ ကမ်းနားဘက်ကိုထပြေးတော့ သူမတို့တွေနောက်ကလိုက်ဆွဲကြသည်။ ဘယ်အချိန်ပြန်လာမလဲမသိသောမုန်တိုင်းနဲ့ မှောင်မှောင်မည်းမည်းပတ်ဝန်းကျင်ထဲမှာ အရီးကိုတစ်ယောက်ထဲဘယ်လိုမှသူမတို့စိတ်မချနိုင်တာမို့ အရီးနောက်ကိုလိုက်လာကြခြင်းပင် ။
“ဘယ်သွားကြတာလဲ ပြန်လာခဲ့ကြ.. ပြန်လာကြ အန္တရယ်များတယ်..... သဘောင်္လာတော့မှာ”
ဓာတ်မီးရောင်ခပ်စူးစူးကြောင့်သူမတို့တွေပြန်လှည့်ကြည့်လိုက်တော့ ကယ်ဆယ်ရေးအုပ်စုထဲက လူတချို့ကသူမတို့ကိုလှမ်းခေါ်နေကြသည်။
“အရီးက သူ့သမီးလေးကိုသွားတွေ့ချင်လို့”
“ကိုယ်ချင်းစာပါတယ် အမကြီးရယ် ဒါပေမယ့် မသွားပါနဲ့တော့ အန္တရယ်အရမ်းများတယ် မုန်တိုင်းက စိတ်ချရတာမဟုတ်ဘူး နောက်တစ်ခေါက်တိုက်ရင် ဘယ်သူမှကျန်တော့မှာမဟုတ်ဘူး ခဏလောက်သည်းခံပြီးစောင့်ပါ ကယ်ဆယ်ရေးတွေလည်းတတ်နိုင်သလောက်လုပ်နေကြပါတယ်... သဘောင်္လာလို့ရှိရင် အမကြီးတို့တွေကို ဘေးလွတ်ရာခဏခေါ်သွားမှာပါ”
“ဟင့်အင်း..ငါမသွားဘူး ငါ့သမီးလေးခေါင်းချတဲ့အရပ်မှာပဲနေမှာ...ငါဘယ်မှမသွားဘူး”
အရီးတစ်ယောက်မြေပြင်ပေါ်မှာပဲထိုင်ချလိုက်ပြီး ဟီးခနဲငိုချလိုက်တော့ သူမတို့အားလုံးတိတ်ဆိတ်သွားကြသည်။ သောကအပူမီးချင်းတူကြပေမယ့် ရင်မှဖြစ်သောသားသမီးဆုံးရှုံးရသည့်အပူဟာ ဘယ်လောက်ပူလောင်မှန်းသူမနားလည်မိသည်။ နာကျင်သောခံစားချက်နှင့်အရီးပခုံးလေးကိုအသာအယာပွေ့ဖက်ကာ ကယ်ဆယ်ရေးစခန်းရှိရာသို့ပြန်လာခဲ့ကြသည် ။

ညှင်းသွဲ့သွဲတိုက်ခတ်နေသောလေနုအေးလေးကိုအသာအယာခံယူရင်း သဘောင်္ပေါ်ကနေ မြို့ကလေးကိုလက်ပြနှုတ်ဆက်လိုက်သည်။ တချိန်တခါတုန်းက သာယာအေးချမ်းခဲ့ဖူးတဲ့ဇာတိမြို့ကလေးဟာ အခုတော့ အစစအရာရာပျက်သုန်းပြီးတစပြင်သာသာ။ သောကတပွေ့တပိုက်နှင့်မည်သူမှ သူမကိုလက်မပြနိုင်ပေမယ့် သူမကတော့ ညင်ညင်သာသာလက်ပြလိုက်သည်။ ကျန်ရစ်ခဲ့တော့မြို့ကလေးရယ် ။ ရှေ့ဆက်ရမည့်အနာဂတ်ကိုသေချာမသိနိုင်တော့တဲ့ဘ၀မှာသူမ မြို့ကလေးအတွက်ဘာမှစွမ်းဆောင်မပေးနိုင်တော့ပေ ။ လှိုင်းခေါ်ဆောင်ရာအလိုက်သင့်မျောရမည့်ဗေဒါပင်လို ကံကြမ္မာလှိုင်းအလိုကျသူမမျောရပြန်ဦးမည်။ စိမ့်ထွက်လာသောမျက်ရည်တွေလက်နဲ့ပွတ်လိုက်ပြီး အဝေးက လှမ်းမြင်ရသည့် မြို့ဦးစေတီအပျက်လေးကို မှန်းဆကန်တော့လိုက်သည် ။ မြို့သူမြို့သားတွေအေးချမ်းပါစေ ။ သေလွန်ပြီးသောသူများလည်းကောင်းရာသုဂတိသို့ရောက်ပါစေ။ မြို့ကလေးလည်းအသစ်တဖန်ပြန်လည်မွေးဖွားနိုင်ပါစေ။ ကိုအောင်ကျော်ရော အရီးသမီးလေးပါ ကောင်းရာသို့လားပါစေ။

“ချိုသဲရယ်..နင်တော့ဖြစ်လိုက်ရင်အသည်းအသန်ပဲ တော်သေးတယ် ငါ့မောင်နဲ့တူမလေးဘာမှမဖြစ်လို့”
“သဘာဝအန္တရယ်ပဲ မမကြီးရယ် ဘာလို့ချိုသဲကိုအပြစ်တင်နေရတာလဲ ကျွန်တော်ကဘာမှမဖြစ်ဘူး သူသာထိသွားတာ”
ခေါင်းထိမိသောဒဏ်ရာကြောင့်ခဏခဏမူးနေတတ်သောသူမကိုပြောခြင်းဖြစ်သည်။ ဘာကြောင့်ရယ်မသိ ခေါင်းထိမိပြီးတဲ့နောက်ပိုင်းမှာ ဘာကိုမှအာရုံမစိုက်နိုင်ဘဲ အမြဲလိုလိုရီဝေေ၀နဲ့ခေါင်းမူးနေတတ်သည်။ ဒဏ်ရာအရှိန်သေရင်ပျောက်သွားမှာပါဆိုပြီး ဂရုမစိုက်ဘဲနေခဲ့တာ အခုဆိုရင်နှစ်ပတ်ခန့်ရှိပြီဖြစ်ပေမယ့် ခေါင်းကိုက်မပျောက်သေး။ အကိုက်အခဲပျောက်ဆေးတွေသောက်ပေမယ့်လည်းမသက်သာချေ။

“မမကြီး ကျွန်တော်ပြောထားတဲ့အတိုင်းပဲ သစ္စာမှာပဲ ရှယ်ယာပြန်ဝင်ချင်တယ် ကျွန်တော်တို့ကိုကူညီပါဗျာ..မမကြီးတူမလေးနောင်ရေးရယ် ချိုသဲနောင်ရေးရယ် ကျွန်တော့်မှာတာဝန်ရှိတယ်လေ...ကျွန်တော်ကတော့သေလူပါဗျာ အရေးမကြီးပါဘူး ..သမီးလေးနဲ့ချိုသဲအတွက်သာစိတ်ပူတာ”
“နင်ဘယ်လိုပြောလိုက်တာလဲ မောင်လေးရယ်..နိမိတ်မရှိ နမာမရှိ”
“ဟုတ်တယ်လေဗျာ ကျွန်တော့ရောဂါက ဘယ်နေ့ပြန်ထလာမလဲမသိဘူးလေ”
“အင်းပါဟယ်.... ငါတို့မှာပြေးကြည့်စရာ ဒီမောင်နှမတွေပဲရှိတာ နင်တို့လင်မယားကိုပြန်ကူညီမှာပါ...သေလူလို့တော့မပြောပါနဲ့...ငါစိတ်မကောင်းလွန်းလို့ပါ”
ဦးငယ်၏စကားမှာအပျိူကြီးနှစ်ယောက်အရည်ပျော်ကျသွားသည်ထင်သည် ပျာပျာသလဲနဲ့ ငွေထုတ်ပေးဖို့ပြင်ကြသည် ။ သူမအပေါ်မှာဘယ်လောက်ပဲမကြည်ဖြူပါစေ သူမရဲ့သမီးလေးနဲ့ ဦးငယ်ကို မေတ္တာအပြည့်အ၀ပေးသော မမကြီးနဲ့ မမငယ်ကိုသူမကျေးဇူးတင်မိပါသည် ။ ဘယ်လောက်ပဲ တင်းမာတင်းမာ အချိန်တန်ရင်တော့ သွေးကစကားပြောတာပါပဲလေ။ သူမအတွေးတွေနဲ့ ကျေကျေနပ်နပ်ပြုံးလိုက်မိသည်။
“ဦးငယ်....မမကြီးတို့ကျေးဇူးကြီးလွန်းပါတယ် ကန်တော့ရအောင်..လာသမီးလေးလာ..”
သူမတို့မိသားစုလေး မမကြီးတို့ကို ကန်တော့တော့ အပျိုကြီးတွေပီတိမျက်ရည်တွေဝေပြီး ဆုတွေတပုံတပင်ကြီးပေးကြသည်။
“လူကြီးသူမကိုသိတတ်တဲ့ ကလေးတွေ ကျန်းမာချမ်းသာကြပါစေ.... ပြောလို့ပြောတာမဟုတ်ဘူးဟယ်...မုန်တိုင်းတိုက်တယ်ကြားတော့ ငါတို့ညီအမနှစ်ယောက်အိပ်လို့မပျော်ဘူး မောင်လေးဖုန်းကလည်းဆက်လို့မရ....ငါဖြင့်နင်တို့တွေပါသွားပြီမှတ်တာ”
“မမကြီးက အဆက်သွယ်ဖြတ်ထားတာကို...”
“အဲဒီလိုလည်းမဟုတ်ပါဘူးဟယ်..ငါတို့မအားလို့ပါ”
“ဟုတ်ပါပြီဗျာ..”
မမကြီးရဲ့စိတ်ပူစကားကြားတော့ဦးငယ်ကစကားနာပြန်ထိုးခြင်းဖြစ်သည် ။ ဦးငယ်ပြောလည်းပြောစရာပင် ။ သူမတို့လက်ထက်ပြီးနယ်ကိုပြန်သည့်အချိန်ကနေစပြီး မမကြီးတို့ဘက်က အဆက်အသွယ်လုံးဝမလုပ်ခဲ့ ။ သူမကလည်းနဂိုရှိရင်းစွဲစိတ်နာခြင်းနဲ့အတူ နေနိုင်ရက်လေခြင်းဆိုပြီး ဦးငယ်ကိုပြန်ဆက်သွယ်ရန်မတိုက်တွန်းခဲ့ပေ။ ဒါပေမယ့်လည်း ဘယ်နေ့သေမယ်မသိနိုင်သောလူ့ဘ၀သက်တမ်းတိုတိုလေးအတွင်းမှာ အနီးဆုံးရှိသောဆွေမျိူးသားချင်းတွေအပေါ်မှာသူမအာဃာတတွေမထားချင်တော့ပေ ။ သူမဘ၀ရဲ့တစ်ဆစ်ချိူးမှာ အရာအားလုံးဆုံးရှုံးသွားပြီးတဲ့နောက် ပြန်လည်ထူထောင်မည့်မိသားစုဘ၀လေးကို နွေးနွေးထွေးထွေးပဲရှင်သန်ချင်ပါတော့သည်။
“ မောင်လေး နင်တို့မှာ ပွဲရုံ ဘယ်နှစ်ရုံရှိတာလဲ”
“စုစုပေါင်း ငါးရုံရှိတယ်မမကြီး..တစ်ခုမှမကျန်တော့ဘူးလေ”
“သင်္ခါရတရားတွေပေါ့ဟယ်.....ဘုရားဘုရားဘုရား ဘယ်အရာမှမတည်မြဲပါလားနော်”
မမကြီးရဲ့သံဝေဂစကားတွေနဲ့အတူ ဦးငယ်ကြိုးစားတည်ဆောက်ထားတဲ့ ပွဲရုံငါးရုံကိုမြင်ယောင်လာမိပါသည်။ မမကြီးတို့ဆီကရတဲ့အမွေအနှစ်တွေနဲ့ ပွဲရုံတစ်ရုံစပြီးတဲ့နောက်မှာ ဦးငယ်နဲ့ကိုအောင်ကျော်တို့နှစ်ယောက်လက်တွဲပြီး ကြိုးစားခဲ့ကြသည့် အချိန်တွေ ၊ နေ့မအိပ်ညမအိပ် ဆန်အိတ်တွေနဲ့ နပမ်းလုံးခဲ့ရသည့်အချိန်တွေ ၊ အလေအလွင့်မရှိရအောင် လင်မယားနှစ်ယောက်စာရင်းတွက်ခဲ့ကြသည့်အချိန်တွေကိုမြင်ယောင်ရင်းမျက်ရည်ဝဲမိပါသည်။
ဘာပဲပြောပြောအသက်မသေတာကံကောင်းပဲလေဆိုပြီး ဖြေသိမ့်ရင်း သမီးလေးကိုတင်းတင်းပွေ့ကာ နောင်အနာဂတ်အတွက်စိတ်ကိုကြိုတင်ပြင်ဆင်လိုက်သည်။ ဟုတ်သည် မကြာခင်သူမအလုပ်ပြန်ဝင်တော့မည်။

သမီးလေးကိုအဒေါ်တွေနဲ့အတူထားခဲ့ရင်းသူမ ဘက်စ်ကားစီးကာ သစ္စာ home market သို့လှမ်းလာခဲ့သည် ။ မရောက်တာနှစ်အတော်ကြာပေမယ့် မြို့တော်ရန်ကုန်က သူမအပေါ်မှာတစိမ်းမဆန်ဘဲနွေးထွေးနေဆဲ ။ မမကြီးတို့ကားကိုစီးလို့ရနိုင်ပေမယ့်သူမကတော့ အခွင့်အရေးတွေကိုလိုတာထက်ပိုမယူချင်ခဲ့ ။ ဖေဖေမရှိတော့တဲ့နောက်ပိုင်းကနေစပြီးလှိုင်းထန်ခဲ့တဲ့သူမဘ၀ဟာ ယခုအချိန်ထိမငြိမ်သက်နိုင်သေး။ မမကြီးတို့အရိပ်မှာခိုလှုံပြီးနေရပေမယ့် သမီးလေးအတွက်ရော ဦးငယ်အတွက်ပါ သူမတတ်ထားသမျှပညာလေးနဲ့ပြုစုစောင့်ရှောက်ချင်သေးတာမို့ မသက်မာကိုပြန်ဆက်သွယ်ပြီး သစ္စာမှာပဲ စာရင်းကိုင်အလုပ်ပြန်ဝင်ခြင်းပင် ။ မမကြီးတို့ကတားချင်ပေမယ့် သူမရဲ့ဆန္ဒကိုဦးငယ်ကလိုက်လျောတာမို့ ဘာမှမတတ်နိုင်ကြပေ။ ဘာပဲပြောပြော တချိန်ချိန်မှာဝေဒနာသည်ဦးငယ်ဟာ သူမတို့ကိုချန်ထားခဲ့လျင် သမီးလေးတစ်ယောက်နဲ့သူမဘ၀ထပ်မံလှိုင်းထန်ပြန်ဦးမည်။ လာမည့်ဘေးကိုပြေးတွေ့တာအကောင်းဆုံးမို့ မရေရာသည့်အနာဂတ်ကိုမျှော်လင့်မနေတော့ဘဲ ကျရာအခန်းမှာသူမအရုပ်ထင်အောင်ကြိုးစားရမည်သာ။

“ခေါင်းကိုက်တယ်ဆို..လက်ဖက်သုတ်စားကြပြန်ဦးမလား”
လက်ဖက်သုတ်စားရန်ခေါင်းချင်းဆိုင်တိုင်ပင်နေကြသော သူမတို့တွေကို မသက်မာကပြောခြင်းဖြစ်သည်။
“ချိုသဲ တော့မစားဘူးအမ....ဟိုကောင်မလေးတွေကိုသုတ်ပေးမှာလေ..”
“ဟုတ်တယ် မသက်...သမီးတို့မချိုသဲလက်ရာကိုလွမ်းလို့လေ”
သူမအသားကျခဲ့ဖူးတဲ့သစ္စာဟာ သူမအတွက်ထာဝရနွေးထွေးသောနေရာတစ်ခုဖြစ်သည်။ ဘယ်အချိန်ဖြစ်ဖြစ် သစ္စာထဲကိုဝင်လိုက်သည်နှင့်မသက်မာနဲ့ညီမလေးတွေက သူမကိုအမြဲတမ်းကြိုဆိုလျက်ပင်။ ရှယ်ယာရှင်ဦးငယ်ဇနီးဖြစ်ပေမယ့် သူမကတော့အရင်ရာထူး ၊ အရင်နေရာမှာပဲနေဖြစ်ခဲ့သည် ။ မီးတစ်ဖက် ၊ ရေတစ်ဖက်ကိုင်ထားတဲ့လောကကြီးရဲ့ ရေတစ်ဖက်အကမ်းကိုသူမရင်မခုန်တာအဆန်းမဟုတ်တော့ပေ ။ အဆိုးပြီးတော့ အကောင်းလာ ပေမယ့် အဆိုးတွေတဖန်ပြန်လာခဲ့လျင် သူမခံနိုင်ရည်ရှိအောင်ပြင်ဆင်ထားခြင်းဖြစ်သည်။ ဌာနကညီမလေးတွေပျော်ပျော်ရွှင်ရွှင် လက်ဖက်သုတ်စားနေကြသည်ကိုမြင်တော့ အဆောင်မှာ ညီမလေးဖြူနှင့် ကောင်းကင်ကြီးကိုမော့ကြည့်ရင်းစိတ်အေးလက်အေး လက်ဖက်သုတ်စားခဲ့ကြသည့်အချိန်တွေကိုသတိရမိပြန်သည်။ အခုဆိုရင် ဖြူတစ်ယောက်ကျောင်းပြီးလို့ ဘယ်တွေရောက်နေလဲမသိ။ အလွတ်ရနေသေးတဲ့ ဖြူ့နံပါတ်လေးကို အားရင်တစ်ခေါက်လောက်ဆက်ပြီး အရင်လိုစိတ်အေးလက်အေးစကားပြောဦးမယ်လို့ တေးထားလိုက်မိပါတော့သည်။

ဖောင်းအိနေသော သမီးလေးပါးပေါ်မှာ သနပ်ခါးလေးလိမ်းပေးပြီး ပါးပါးကိုဖွဖွလေးနမ်းတော့ သမီးလေးက ခိုးခိုးခစ်ခစ်နဲ့ရယ်ပြသည်။
“မေ့ ”
“ရှင့်”
“မီးမီးကိုရှစ်ယား...”
“များကြီးချစ်..”
“ပေ့ကိုရော...”
“အင်း..ချစ်တာပေါ့...”
“မီးမီးလည်းများကြီးချစ်..”
စကားတတ်သောအချွဲမလေးက မပီကလာပီကလာနဲ့ သူမကိုချွဲတော့ သူမတစ်ကိုယ်လုံးအရည်ပျော်ကျသွားမတတ်ပါပဲ။ ဦးငယ်ကိုဆိုလည်း တပေ့ပေ့နဲ့ တစ်ချိန်လုံးလိုက်ချွဲနေတာမို့ သမီးလေးက အဖေ့အသဲကျော်။ အဒေါ်အပျိုကြီးတွေကိုလည်း ဦးငယ်ခေါ်သလို မမကြီး ၊ မမငယ်ဆိုပြီးလိုက်ခေါ်တော့ အဒေါ်တွေခမျာ နှလုံးပိတီဂွမ်းဆီထိကာ မီးမီးလေး မီးမီးလေးဆိုပြီး ပါးစပ်ကမချလောက်အောင်ချစ်ရှာကြသည်။ သစ္စာမှာရှယ်ယာဝင်ထားပေမယ့် သူမတို့နယ်မှာလုပ်ခဲ့တဲ့ ဆန်ပွဲရုံအလုပ်ကို ဦးငယ်ကထပ်လုပ်ချင်သေးတာမို့ ဆိုင်ခန်းကိစ္စတွေ ၊ ဂိုဒေါင်ကိစ္စတွေနဲ့အလုပ်တွေရှုပ်ကာ နေ့တိုင်းအိမ်ပြန်နောက်ကျစမြဲ။ ဒီနေ့လည်း ညရှစ်နာရီကျော်သည့်အထိပြန်မရောက်သေးသော ဦးငယ်ကိုသားအမိနှစ်ယောက်ထိုင်မျှော်နေကြခြင်းပင်ဖြစ်သည်။ အိမ်ရှေ့သို့ကားရပ်သံကြားတော့ သမီးလေးက “ပေ့ ပြန်လာပြီ” ဆိုပြီး အိမ်အောက်ထပ်ကိုဆင်းသွားတော့ သူမနောက်က အပြေးလေးလိုက်သွားမိသည်။ အဖေ့သမီးပီသသော သမီးလေးဟာ အရာရာကိုစိတ်မြန်လက်မြန်မို့ အမြဲလိုလိုသတိထားပြီးစောင့်ကြည့်ရသည်။ မတော်လို့ပြုတ်ကျသွားရင် သမီးထိခိုက်မိမှာစိုးသည့် မိခင်တစ်ယောက်၏စေတနာပင်ဖြစ်သည်။ သမီးလေးကိုချီရင်း ဦးငယ်နဲ့အတူအိမ်ပေါ်ကိုတက်လာလိုက်သည်။ ဖေချစ်သမီးလေးက အဖေ့မျက်နှာကိုမြင်လိုက်ရတော့မှ စိတ်ချလက်ချအိပ်ပျော်သွားတော့သည်။ ညနေထမင်းစားပြီးတည်းကအိပ်ငိုက်နေပေမယ့် “ပေ့ ပြန်လာမှအိပ်မယ်” ဆိုပြီး အဖေပြန်လာအောင်စောင့်နေရှာသောသနားစဖွယ်သမီးလေးပင်။

“ပင်ပန်းလိုက်တာ မိန်းမရာ.....တစ်နေကုန်တစ်နေခမ်းလျှောက်သွားနေရတယ်..”
“တစ်ခါတည်းအိပ်တော့မလို့လား လမ်းလေးဘာလေးလျှောက်ကြမယ်လေ...”
“ဟင်းအင်း မလျှောက်နိုင်တော့ဘူး အိပ်ငိုက်နေပြီ”
“စားပြီးပြီးချင်းအိပ်ငိုက်နေပြီ ...ဒါကြောင့် ဦးငယ်ဗိုက်ပူကြီးဖြစ်နေတာ”
“ဟား ဟား ဟား”
ရေမိုးချိူးထမင်းစားပြီးသည်နှင့်ဦးငယ်တစ်ယောက်တခါတည်းအိပ်ရာဝင်ရန်အားယူနေမို့ သူမစလိုက်ခြင်းဖြစ်သည်။ တစ်နေကုန်တစ်နေခမ်းအလုပ်တွေလုပ်ထားရတာမို့ စားပြီးသောက်ပြီးသည်နှင့်အိပ်ရာဝင်ချင်သည်မှာမဆန်းပေ ။ သူမလည်းထိုနည်းလည်းကောင်းပင်ဖြစ်သည်။ တစ်နေ့တစ်နေ့ အလုပ်ထဲမှာစာရင်းတွေနဲ့လုံးချာလည် ၊ ပြန်လာရင် သမီးလေးကိုအချိန်ပေး နဲ့ ညစာစားပြီးသည်နှင့်အိပ်ငိုက်ချင်နေပြီဖြစ်သည်။ သမီးလေးဘေးနားမှာ အသာအယာဝင်လှဲကြရင်း အနည်းငယ်ညှိုးရော်နေသောဦးငယ်မျက်နှာကိုမြင်လိုက်ရသည်။
“ဦးငယ်..မျက်နှာမကောင်းပါလား ဘယ်လိုဖြစ်တာလဲ..”
“မဟုတ်ပါဘူးမိန်းမရာ ပင်ပန်းလို့ပါ”
“ မညာပါနဲ့ ဦးငယ်ရာ..ချိုသဲသိတာပေါ့ ”
“အင်း...အမှန်ပြောရရင် အစကနေပြန်စရတော့ ပင်ပန်းတာပေါ့မိန်းမရာ..မမကြီးတို့ဆီက ယူလို့ရပေမယ့် သူတို့အိုစာမင်းစာထဲက ပေးရတာလေ..ကိုယ်တော့ သိပ်အခွင့်အရေးယူသလိုခံစားရတယ်”
“ချိူသဲနားလည်ပါတယ် ဒါကြောင့်လဲ သမီးလေးကိုပစ်ပြီး ချိုသဲအလုပ်လုပ်နေတာလေ...မှင်တစ်စက်ကြောင့်ပင်လယ်မပြာနိုင်ပေမယ့် မှင်စက်ကလေးတွေအများကြီးစုပြီး ချိုသဲ ပင်လယ်ကိုပြာအောင်လုပ်ပေးချင်တယ်..”
“ချိုသဲစိတ်ဓာတ်ကို ကိုယ်သိပြီးသားပါ..ဒါကြောင့်လေ...ကိုယ်အခုရုန်းကန်နေတာ ကြိုးစားနေတာ...ကိုယ်မမာတဲ့အချိန်မှာ ချိုသဲတို့သားအမိရယ် မမကြီးတို့ရယ်ကို ငွေရေးကြေးရေးနောက်လှည့်ကြည့်စရာမလိုအောင်ထားခဲ့ချင်တယ်..”
“ဦးငယ်ရယ်...”
နွေးထွေးလုံခြုံလှသောဦးငယ်ရင်ခွင်ထဲကိုတိုးဝင်ရင်းသူမအင့်ခနဲရှိုက်ငိုမိသည်။ ကျေးဇူးတရားအရာမှာရော ၊ မေတ္တာတရားအရာမှာပါ သူအပေါ်မှာအစစအရာရာဖြည့်စည်းပေးသော ဦးငယ်ရယ်လေ။ ဘယ်အခြေအနေ ဘယ်ဘ၀ပဲရောက်ရောက် ဦးငယ်ရဲ့မေတ္တာစေတနာတွေကိုသူမကျေးဇူးတင်နေမိမှာပါ ။

“ညီမလေး”
“ဟယ်.....မမ....မမချိုသဲမလားဟင်...ဖြူဝမ်းသာလိုက်တာ”
တနလာင်္နေ့ဆိုရင်သမီးလေးကိုမူကြိုစထားတော့မှာမို့ သူမတို့မိသားစု တော်ဝင်စင်တာမှာ ကလေးပစ္စည်းလာဝယ်တုန်း မမျှော်လင့်ဘဲဖြူနှင့်တွေ့ကြခြင်းဖြစ်သည်။
“ညီမလေး ပိုလှလာတယ်...ကြည့်စမ်း ဆံပင်တွေလည်းအရှည်ကြီးဖြစ်နေပြီ..”
“ဟုတ်တယ်...မမရောပဲ..ပိုလှလာတယ်..ဟယ်..မမသမီးလေးလား..ပါးလေးကိုဖောင်းနေတာပဲ..ချစ်လိုက်တာ”
သွက်လက်လွန်းသည့်ဖြူက သမီးလေးကို ချီလိုက်တာ တရွှတ်ရွှတ်နမ်းလိုက်ပါတော့သည်။
“ဦးငယ် ဒါ ချိူသဲအရင်အခန်းဖော်လေ... ဖြူစင်လင်းတဲ့့ဖြူ ဒါက မမရဲ့ဦးငယ်လေ..”
“ဟုတ် ဦးငယ်..တွေ့ရတာဝမ်းသာပါတယ်... ဒါနဲ့ မမသမီးလေးနာမည်က”
“သဇင်အောင်မြင် ညီမလေး..မီးမီးလို့ပဲခေါ်ကြတယ်..”
“အော်..ဦးငယ်နာမည်ပါ ပါတာကိုး”
“ဟားဟား ဟုတ်ပ ညီမလေးရယ်..သူ့အဖေက သူ့နာမည်အပြည့်ထည့်ပေးချင်တာလေ... သဇင်အောင်မြင်ဦး ဆိုရင် မလှလို့ သဇင်အောင်မြင်ပဲလုပ်ပါဆိုပြီး မနည်းတားယူရတာ”
သမီးလေးကင်ပွန်းတပ်တုန်းက ဦးငယ်နဲ့တခြိမ်းခြိမ်းရန်ဖြစ်ရသည်ကိုပြန်မြင်ယောင်လာမိသည်။ “ကိုယ်က ငယ်ငယ်တည်းက သမီးလေးရရ သားလေးရရ ကိုယ့်နာမည်အပြည့်ထည့်မယ်ဆိုပြီး စဉ်းစားထားတာ” ဆိုပြီး ဦးငယ်ကငြင်းလိုက် သူမက ဦးပါရင် မလှကြောင်းငြင်းလိုက်နဲ့ နှစ်ယောက်သားတခြိမ်းခြိမ်းစကားများရာကနေ နောက်ဆုံးတော့ သူမငိုယိုဆန္ဒပြလိုက်တော့မှ သမီးလေးနာမည် “သဇင်အောင်မြင်” ဆိုပြီးအတည်ဖြစ်သွားခြင်းဖြစ်သည်။
“ချိူသဲ စကားပြောချင်ရင်ပြောကျန်ခဲ့လေ...ကိုယ် သမီးနဲ့ပဲ အပေါ်တက်ဝယ်လိုက်တော့မယ်”
“ရပါ့မလား ဦးငယ်..”
“ရပါတယ်ဗျာ..သမီးစိတ်ကြိုက်ရော မိန်းမစိတ်ကြိုက်ပါဝယ်လာခဲ့မယ်..ဟုတ်ပြီလား”
“ပြန်လာရင်ဖုန်းဆက်နော်...”
“အင်း..အင်း”
ဦးငယ်က သူမနဲ့ဖြူ့ကိုထားရစ်ခဲ့ပြီး သမီးလေးနဲ့ ဈေးဝယ်ဖို့ထွက်သွားတာမို့ သူမနဲ့ဖြူတို့ နီးစပ်ရာ ကော်ဖီဆိုင်တစ်ဆိုင်ကိုဝင်လိုက်ကြသည်။
“ကဲ ညီမလေး ဘာတွေလုပ်နေလဲပြောပါဦး”
“မမရယ်...မမကလေအရင်အတိုင်းပဲသိလား ဖြူဖြင့်သိပ်လွမ်းတာပဲ..”
“မမရောပဲလေ.... ညီမလေးကိုသတိရပါတယ် ဒါပေမယ့်မိသားစုကိစ္စတွေနဲ့မို့လို့သာ မဆက်သွယ်ဖြစ်တာ”
“ဖြူနားလည်ပါတယ်မမ.. ဖြူက အခု ဂုဏ်ထူးတန်းတက်နေတာ မမ...။ မာစတာကတော့ အော်ဇီမှာဆက်တယ်မှာမမ... ဖြူ့အကိုနဲ့ သြစီကိုသွားကြမလို့လေ...အကိုကတော့ ဘာလုပ်မလဲမသိသေးဘူး ဖြူတော့ ကျောင်းနဲ့သွားမှာ”
“ကောင်းတယ် ညီမလေးရယ်...ပညာရေးမှာထွန်းပေါက်ဖို့ဆိုတာလွယ်တဲ့ကိစ္စမဟုတ်ဘူး အချိ်န်ရော ငွေပါအကုန်ခံနိုင်မှ”
“ဟုတ်တယ်မမ ဖြူကလေ နိုင်ငံခြားတက္ကသိုလ်တစ်ခုခုမှာ စာတွေသင်ပြီး research တွေလုပ်ပြီး အေးအေးချမ်းချမ်းနေချင်တာ  ”
“၀မ်းသာတယ်ညီမလေးရယ်... ညီမလေးက ကံကောင်းတယ်..ကြိုးစားကြိုးစား”
“ဖြူ့အကြောင်းခဏထားဦး... မမအကြောင်းပြောဦး..ဟိုတလောက မုန်တိုင်းတိုက်တော့ဖြူစိတ်ပူနေသေးတယ် ဒါပေမယ့် စာမေးပွဲတွေနဲ့နပန်းလုံးနေလို့ဖြူမခေါ်ဖြစ်တာ..ခုမှစာမေးပွဲပြီးလို့ အပြင်ထွက်နိုင်တာလေ...”
“အင်း.. မုန်တိုင်းတိုက်တာ မမတို့တစ်မြို့လုံးကုန်သွားတယ်....ဆန်ပွဲရုံငါးရုံနဲ့ရှိသမျှအကုန်ပါသွားတယ် အိမ်လည်းမရှိတော့ဘူး မြေနေရာတွေဘာတွေကိုတော့ အားလုံးနေသားကျပြီးမှ တစ်ခေါက်ပြန်ပြီး စီစဉ်ကြမလို့လေ..လောလောဆယ် မမတို့ဦးငယ်အမတွေနဲ့နေကြတယ်..ရှိသမျှရေထဲပါသွားတာပေါ့ညီမလေးရယ်..”
“အို...စိတ်မကောင်းလိုက်တာမမရယ်..ဖြူဖြင့်အဲလောက်ကြီးဖြစ်မယ်မထင်မိဘူး”
“မမတို့က အများကြီးတော်ပါသေးတယ်ညီမလေးရယ်.... သေသွားတဲ့လူတွေမနည်းမနောပဲ...နယ်ဆိုတော့ဆင်းရဲတဲ့သူတွေ ၊ ကြောထောက်နောက်ခံမရှိတဲ့သူတွေ ဘ၀ပျက်ကြတာမနည်းမနောပဲ  မမတို့လည်းအဲဒီဘက်ကိုပြန်အခြေချဖို့မစဉ်းစားရဲတော့ဘူး နောက်တစ်ခါဆိုတာ မတော်လို့ဖြစ်လာခဲ့ရင် တကယ်ပဲဘ၀ပျက်ရလိမ့်မယ်..”

“တီ တီ တီ...”
“ညီမလေး ခဏလေးနော်...”
သူမတို့စကားကောင်းနေစဉ်မှာပဲ ဦးငယ်ဆီကဖုန်းဝင်လာတာမို့ဖုန်းဝင်လာတာမို့ ဖုန်းကိုကောက်ကိုင်လိုက်သည်။
“ဦးငယ် ပြန်လာပြီလား”
“ဟယ်လို... အမ...အမ...အပေါ်ထပ်က child corner ကိုအမြန်ဆုံးလာခဲ့ပါ”
“ရှင်..ဘာဖြစ်လို့လဲမသိဘူး...ဘယ်လိုလုပ်ပြီး ဦးငယ်ဖုန်းကိုခေါ်ရတာလဲ ဦးငယ်ရော..သမီးလေးရော..”
“အမ သိချင်တာတွေနောက်ထားပြီး child corner ကိုအမြန်ဆုံးလာခဲ့ပါ..”
“လာပြီ.. ကျွန်မအခုတက်လာပြီ...”
စိုးရိမ်စိတ်ကငယ်ထိပ်ထိဆောင့်တက်လာပြီး ဖုန်းကိုချပစ်လိုက်ကာ ဖြူ့လက်ကိုဆွဲရင်း စက်လှေကားပေါ်ကို ပြေးတက်လိုက်သည်။ သမီးလေးတစ်ခုခုများဖြစ်သွားလို့လား ။ ကလေးက တအားဆော့တော့ ပြုတ်များကျသွားလားမသိ။
“မမ..မမ ဘာဖြစ်တာလဲဟင်..ဘာဖြစ်လဲ...”
“မသိသေးဘူး..child corner ကိုသွားမှာ..သမီးလေး ဘာများဖြစ်လဲမသိဘူး”
child corner ကိုရောက်တော့ လူတွေအစုလိုက်အပြုံလိုက်အုံခဲနေကြသည့်အပြင် သမီးလေးငိုသံပါကြားတော့ သူမအဝေးကနေလှမ်းအော်လိုက်သည်။
“ကျွန်မသမီးလေးပါ..သမီးလေးဘာဖြစ်လုိ့လဲမသိဘူး..ဦးငယ် ဦးငယ်..သမီးလေးဘာဖြစ်လို့လဲ..”
သူမအော်သံကြောင့်လူတွေလမ်းဖယ်ပေးကြပြီး သမီးလေးရှိရာသို့လှမ်းအလာမှာ..သူမမြင်လိုက်ရတာကတော့...

 ဦးငယ်ဖုန်းကို ကိုင်ထားသောလူတစ်ယောက် ၊ ကြောက်လန့်တကြားငိုနေသောသမီးလေး နဲ့.....သွေးအိုင်ထဲမှာလဲနေသော ဦးငယ်

ဆက်ရန်

Sunday, 28 July 2013

အိပ်မက်ထဲမှာတောင်မုန်းတယ်

စိမ်းတောက်တောက်ခံစားချက်နဲ့ခါးသက်တဲ့အိပ်မက်ရှည်
နိုးတစ်ဝက်နဲ့ညနက်သွားတယ်
ဟင့်အင်း အိပ်မက်ထဲမှာတောင်မုန်းတယ်
ပင်လယ်ရေပဲဆိုပါစို့ ငန်မိတဲ့ငါ့အဖြစ် အပြစ်ရှိတယ်ပဲထား
ကောင်းကင်ကြီးက စိမ်းသက်နေပါလား
ဟင့်အင်း အိပ်မက်ထဲမှာတောင်မုန်းတယ်
နှုတ်ခမ်းသားခပ်ပါးပါးရဲ့အထေ့အငေါ့တွေ
သိမ်မွေ့ချင်ယောင်ဆောင်ထားတဲ့အရိုင်းကွက်တွေ
ဟင့်အင်း အိပ်မက်ထဲမှာတောင်မုန်းတယ်
သီကုံးထားတဲ့ပုလဲရောင်အတ္တကြိုးကိုခပ်တင်းတင်းချည်
အပြင်ကမ္ဘာထဲကိုရောက်မလာခဲ့နဲ့ဦး
ဟင့်အင်း အိပ်မက်ထဲမှာတောင်မုန်းတယ်
သွေးစိမ်းရှင်ရှင်ထွက်အပြုံးနုနုတွေ
ကမ္ဘာပျက်အောင် ခလောက်ဆန်လောက်ဦး
ဟင့်အင်း အိပ်မက်ထဲမှာတောင်မုန်းတယ်
နုနုနွဲ့နွဲ့ယဉ်ကျေးမှုတွေနဲ့ကဗျာဆန်လိုက်ဦး
အစွမ်းရောက်နောက်ပြန်ဆွဲခြင်းတွေကိုလက်သည်းဖွက်လိုက်ဦး
ဟင့်အင်း အိပ်မက်ထဲမှာတောင်မုန်းတယ်
တိတိကျကျကြမ်းတမ်းနေတဲ့ဟန်ဆောင်မှုတွေ
နက်နက်နဲနဲကောက်ကျစ်နေတဲ့အတ္တတွေ
ဟင့်အင်း အိပ်မက်ထဲမှာတောင်မုန်းတယ် ။

ဆုမြတ်မိုး
(29-Jul-13)

Thursday, 25 July 2013

မလုံသောစိတ်

ကျွန်မဒီရုံးကိုရောက်စက မျက်နှာလေးအမြဲတမ်းပြုံးရွှင်နေတဲ့ မျက်နှာနဲ့ ကော်ဖီဖျော်တဲ့ အန်တီတစ်ယောက်ကိုသတိထားမိခဲ့ပါတယ် ။ အန်တီရဲ့မျက်နှာဟာ အမြဲတမ်းကြည်လင်ပြီးပြုံးရွှင်နေတတ်တဲ့အပြင် အင်္ဂလိပ်လိုမပြောတတ်ပေမယ့် သူပြောတတ်တဲ့တရုတ်စကားနဲ့ကျွန်မကိုအမြဲတမ်းနှုတ်ဆက်လေ့ရှိပါတယ် ။ ကျွန်မကလည်းသူ့ကိုအမြဲတမ်းနှုတ်ဆက်ပြီး “အန်တီ စားပြီးလား နေကောင်းလား လှတယ်နော်” ဆိုပြီး သူများဆီသင်ထားတဲ့တရုတ်စကားတစ်လုံးစ ၊ နှစ်လုံးစကလေးနဲ့ပြန်ပြောတတ်ခဲ့ပါတယ် ။ ရုံးမှာကော်ဖီဖျော်တဲ့အောက်ခြေသိမ်းအလုပ်ကိုလုပ်ပေမယ့် သူတို့က ဆင်းဆင်းရဲရဲတွေထဲကမဟုတ်ပါဘူး ။ အိမ်ပိုင် ၊ ကားပိုင်ကိုယ်စီရှိကြပေမယ့် လူနေမှုစနစ်ကြောင့်သာ တစ်ကိုယ်စာဝင်ငွေရအောင် ပင်စင်စားပြီးတဲ့နောက်ပိုင်းမှာ အဆင်ပြေတဲ့အလုပ်တစ်ခုခုမှာဝင်လုပ်တတ်ကြတာပါ ။ ဒီမှာ food court တို့ဘာတို့မှာသွားကြည့်လိုက်ရင် စားပွဲထိုးတွေ ၊ အမှိုက်သိမ်းတွေဟာ သက်ကြီးရွယ်အိုတွေများပါတယ် ။ တုန်တုန်ချိချိနဲ့စားပြီးသားတွေသိမ်းနေတဲ့သက်ကြီးရွယ်အိုတွေကိုမြင်ရတိုင်း ကျွန်မအပါအ၀င်မြန်မာလူမျိူးတိုင်းက ရင်ထဲမကောင်းဘဲ မျက်ရည်ဝဲမိကြပါတယ် ။ မြန်မာမှာဆိုရင်သက်ကြီးရွယ်အိုတွေဟာ ဒီအချိန်ဆို မြေးကလေးတွေနဲ့ဆော့လိုက် ၊ တရားဘာဝနာအားထုတ်လိုက်နဲ့ ဘ၀နေ၀င်ချိန်ကို အေးအေးလူလူစောင့်နေကြပြီ ။ သူတို့မှာတော့ ၀မ်းရေးအတွက်တပင်တပန်းလုပ်နေကြရတုန်းပါပဲ ။ လူနေမှုစရိတ်မြင့်မားလွန်းတဲ့နိုင်ငံမို့လို့ အပြစ်လည်းမဆိုသာ ။ သမီးက branded လက်ကိုင်အိတ်ကိုင်ပြီးရုံးတက်လို့ ၊ အမေဘာလုပ်လဲမေးတော့ ရုံးမှာ ကော်ဖီဖျော်တယ် ၊ food court မှာစားပြီးသားတွေကိုရှင်းပေးတယ်ဆိုတဲ့အဖြစ်အပျက်တွေ မရေမတွက်နိုင်အောင်ရှိပါတယ်။

ကျွန်မတို့ရုံးနဲ့တစ်ထပ်တည်းမှာရှိတဲ့ နောက်ရုံးခန်းတစ်ခုက ကော်ဖီဖျော်တဲ့အန်တီတစ်ယောက်ကိုလည်းကျွန်မသတိထားနေမိခဲ့ပါတယ်။ ထိုအန်တီကိုသတိထားမိပုံကနောက်တစ်မျိူး ။ ခေတ်ဆန်လွန်းတဲ့အပြင်အဆင်နဲ့ ဆံပင်ကိုကောက်တစ်လှည့် ဖြောင့်တစ်လှည့်မိုး ကျွန်မက ထိုအန်တီကိုရုံးက၀န်ထမ်းတစ်ယောက်လို့သာကျွန်မထင်နေခဲ့ပါတယ် ။ အမြဲတမ်းစတိုင်ကျကျ နဲ့ ကျော့မော့နေတဲ့အပြင် LV အိတ်ကြီးနဲ့ ရုံးကို ကိုယ်ပိုင်ကားနဲ့လာတက်သူမို့ ကျွန်မအထင်ကြီးမိတာလည်းမမှားပါဘူး ။ ဒါပေမယ့်တစ်ရက်ကျတော့ အဲဒီအန်တီဟာ ကော်ဖီခွက်တွေ ၊ ကော်ဖီဖျော်ထားတဲ့အမှုန့်တွေတပုံတပင်ကြီးနဲ့ ဘေစင်မှာလာဆေးတော့မှပဲ အဲဒီအန်တီဟာ ကော်ဖီဖျော်တဲ့သူမှန်း ကျွန်မသိခဲ့တာပါ ။ ဒီလောက်တောင်သုံးနိုင်ဖြုံးနိုင်တော့မှပဲ ဘာလို့ရုံးမှာလာလုပ်နေလဲဆိုပြီး ကျွန်မတွေးနေမိပါသေးတယ် ။ ဒါပေမယ့်လည်းသူ့မှာလည်း သူ့အကြောင်းပြချက်ရှိနိုင်တာမို့ စပ်စုချင်စိတ်ကိုဖယ်ပြီး တစ်နေ့တစ်နေ့ တစ်ခြားရုံးက အန်တီတစ်ယောက်ဘယ်လိုစတိုင်ဝတ်လာမလဲဆိုတာကိုပဲငေးဖြစ်ပါတော့တယ် ။ စကားဆက်ရရင် ကျွန်မတို့ရုံးကအန်တီက ချစ်စရာကောင်းလွန်းတဲ့အပြင် ကော်ဖီပြင်းတွေမကြိုက်တတ်တဲ့ကျွန်မအတွက် nes coffee ထုတ်လေးတွေဝယ်ပြီး အံဆွဲထဲမှာသိမ်းထားပေးတတ်ပါတယ် ။ ကျွန်မ ကော်ဖီသောက်မလို့လာမှသာ အဲဒီထဲကထုတ်ပေးတတ်တာမို့ အန်တီ့ကိုကျေးဇူးတင်လှပါတယ် ။ ဘာလို့ဆိုတော့ ရုံးမှာဖျော်ပေးတဲ့ ကော်ဖီက ကျွန်မဘယ်လိုမှမသောက်နိုင်တဲ့ ကော်ဖီအရည်မဲမဲကြီးတွေပါ ။ ဒီက တရုတ်တွေကတော့ မက်မက်စက်စက်သောက်ကြတာမို့ ရုံးတိုင်းမှာ ကော်ဖီဖျော်တဲ့အန်တီတွေရှိနေကြတာပါ ။

တစ်ရက်က ကျွန်မ ရှောပင်းထွက်ရင်းနဲ့ လက်သည်းအလှပြင်ဖို့ လက်သည်းနီတွေဝယ်လာခဲ့ပါတယ် ။ ကျွန်မက manicure လုပ်ရတာလည်းဝါသနာပါတာမို့ လက်သည်းနီလေးတွေအမြဲလိုလိုဝယ်ဖြစ်ပါတယ် ။ ဒါ့အပြင် လက်သည်းလုပ်လာတိုင်း အန်တီတစ်ယောက်သဘောတကျရှိတတ်တာကိုလည်းသတိထားမိသေးတာမို့ အဲဒီနေ့က အန်တီ့အတွက်ပါလက်သည်းနီတစ်ပုလင်းပိုဝယ်လာခဲ့ပါတယ် ။ ရုံးကိုရောက်တော့ ကော်ဖီဖျော်ရင်းနဲ့အန်တီ့ကိုပေးတော့ မယူဘူးငြင်းပါတယ် ။ ဒါပေမယ့်ကျွန်မကအတင်းပေးတာမို့ ကျေးဇူးတင်စကားအထပ်ထပ်နဲ့ အန်တီလက်ခံလိုက်ပါတယ် ။ အမှန်ဆိုရင် ကျွန်မက နှစ်ကူးတွေဘာတွေမှာတောင် အန်ပေါင်းတွေပေးချင်ပါတယ် ။ ဒါပေမယ့်တရုတ်အယူအဆအရ single တွေမှာပေးခွင့်မရှိတာမို့မပေးဖြစ်တာပါ ။ ကျွန်မအန်တီ့ကိုသတိထားမိစေတဲ့နောက်အချက်တစ်ခုကလည်းရှိပါသေးတယ်။ ကျွန်မကကြီးစုလို့ ချစ်စနိုးခေါ်တဲ့ ဘလော့ဂါစုချစ်သူရဲ့ ရုံးကအန်တီ့အပေါ်ထားတဲ့သူ့စိတ်ကောင်းကလေးအကြောင်းရေးထားတဲ့ပိုစ့်ကိုဖတ်ဖြစ်တည်းက ကျွန်မလည်းရုံးကအန်တီကိုသတိထားမိခဲ့တာပါ ။ ရုံးမှာအနိမ့်ဆုံးဝန်ထမ်းဆိုပေမယ့် ကိုယ့်အဘွားအရွယ် နောက်ပြီး အမြဲတမ်းပြုံးရွှင်နေပြီးစိတ်သဘောထားကောင်းလှသူမို့ ကျွန်မချစ်ခင်မိခြင်းပါ ။ အဲဒီလက်သည်းနီလေးပေးပြီးတဲ့နောက်မှာ အန်တီဟာ ရုံးမှာ ၀န်ထမ်းတွေစားဖို့ပန်းသီးတွေဘာတွေဝယ်ထားရင် ကျွန်မအတွက်အမြဲချန်ထားပါတော့တယ် ။ ကျွန်မမှာသာအားနာလို့ မချန်ဖို့ပြောယူရပါတယ် ။

ဟိုတလောက ရုံးက မန်နေဂျာတစ်ယောက်အလုပ်ထွက်သွားလို့  Pan Pacific ဟော်တယ်မှာ Farewell Buffet လုပ်ပါတယ် ။ ညစာစားအပြီးမှာ ဖုန်းကိုယ်စီနဲ့အမှတ်တရဓာတ်ပုံလိုက်ရိုက်ကြတော့ ကျွန်မက camera 360 လေးနဲ့ရိုက်ပြီး effect လေးတွေနဲ့ဓာတ်ပုံတွေလှအောင်ပြင်ပေးပါတယ် ။ ကျွန်မဆီကဓာတ်ပုံတွေယူကြည့်ကြတော့ အရမ်းလှနေတာမို့ အားလုံးကသူ့ထက်ငါ အလုအယက်အရိုက်ခံကြပါတယ် ။ အားလုံးကိုရိုက်ပေးပြီး ကျွန်မချစ်တဲ့အန်တီ့အတွက်ပါဓာတ်ပုံလေးတွေရိုက်ပေးခဲပါတယ် ။ နောက်ရက်ရုံးပြန်တက်တော့ အားလုံးက ကျွန်မဆီကဓာတ်ပုံတွေတောင်းကြတာမို့ email နဲ့ဓာတ်ပုံတွေပို့ပေးခဲ့ပါတယ် ။ အန်တီ့ခမျာတော့ email လည်းမရှိ ၊ smart phone လည်းမသုံးတာမို့ ကျွန်မဓာတ်ပုံဘယ်လိုပို့ပေးရမှန်းမသိဖြစ်နေတော့ ရုံးက မိန်းမတစ်ယောက်က သူ print ထုတ်ပေးမယ်ဆိုပြီးပြောလာပါတယ် ။ ကျွန်မလည်းဝမ်းသာအားရ အန်တီ့ပုံတွေကိုပါပို့ပေးလိုက်ပြီး print ထုတ်ပေးကျေးဇူးတင်ပါတယ် ဆိုပြီး email ပို့လိုက်ပါတယ် ။ ကျွန်မစိတ်ထဲမှာလည်း အန်တီဓာတ်ပုံလေးတွေရပြီဆိုပြီး ၀မ်းသာနေမိပြီး မေ့မေ့ပျောက်ပျောက်ရှိနေခဲ့ပါတယ် ။

တစ်ရက်က ကျွန်မ pantry မှာကော်ဖီသွားဖျော်တော့ အန်တီ့ကိုပရင့်ထုတ်ပေးမယ်ပြောတဲ့မိန်းမက ကျွန်မနောက်ကအပြေးအလွှားလိုက်လာပြီး ကျွန်မအကြောင်းကိုစပ်စုပါတော့တယ် ။ နင့်အသက်ဘယ်လောက်ရှိပြီလဲ ၊ နင်က ဘယ် pass နဲ့နေတာလဲ ၊ နင် ဘယ်တော့လက်ထပ်မှာလဲ ဆိုပြီး ကျွန်မကိုမေးပါတယ် ။ အဲဒီနေ့က ကျွန်မလည်းအိပ်ရေးကမ၀တဲ့ စောစောစီးစီးစပ်စုခံရတော့ စိတ်တိုပြီး ၀တ်ကျေတမ်းကျေဖြေခဲ့ပါတယ် ။ ကျွန်မကိုယ်တိုင်က စပ်စုတာလည်းဝါသနာမပါတဲ့အပြင် ကိုယ့်ကိုစပ်စုတာလည်းမကြိုက်သူမို့ စိတ်တွေရှုပ်ပြီး ဒီမိန်းမကြီးစပ်စုလေခြင်းဆိုပြီးစိတ်တွေတိုနေမိပါတယ် ။ ပုံမှန်အားဖြင့်သူနဲ့ကျွန်မဟာ အလုပ်ချင်းလည်းမဆက်စပ်တဲ့အပြင် မေးထူးခေါ်ပြောလောက်တောင်အဆက်အစပ်မရှိတဲ့သူမို့စိတ်ထဲမှာထူးဆန်းသလိုတော့ခံစားမိပါတယ် ။ နောက်ရက်မှာ ကျွန်မကော်ဖီသွားဖျော်တော့ အန်တီက ကျွန်မကို ပြောပါတယ် ။ သူ့ရဲ့တစ်လုံးစနှစ်လုံးစ အင်္ဂလိပ်စကားနဲ့ photo နဲ့ထိုမိန်းမနာမည်ကိုပြောပါတယ် ။ ပြီးတော့  “ကျင်တေး” ဆိုပြီးခေါင်းခါပြတော့ ကျွန်မသဘောပေါက်လိုက်ပါတယ် ။ “ကျင်တေး” ဆိုတာက တရုတ်လိုလားမလေးလိုလားကျွန်မမသိပေမယ့်  လှတယ်ဆိုတာကိုပြောမှန်းသိပါတယ် ။ ကျင်တေးလို့ပြောပြီးခေါင်းခါပြတော့ မလှဘူးပေါ့ ။ ထိုမိန်းမက ဓာတ်ပုံတွေကိုမလှဘူးဆိုပြီး ပရင့်မထုတ်ပေးဘူးလို့ပြောမှန်းကျွန်မသိလိုက်ပါတယ်။ ပိုပြီးသေချာအောင်နောက်တရုတ်မတစ်ယောက်ကိုဘာသာပြန်ခိုင်းတော့ ကျွန်မထင်တဲ့အတိုင်းပဲ အဲဒီမိန်းမဟာ ဓာတ်ပုံတွေမလှဘူး မယူနဲ့တော့ဆိုပြီး အန်တီ့ကို ပရင့်မထုတ်ပေးခြင်းပါ ။ တကယ်တော့အန်တီ့ပုံလေးတွေက အရမ်းလှပါတယ်။...ပြီးတော့ ကိုယ်တကယ်မလုပ်ပေးနိုင်ရင် ဘာလို့များလုပ်ပေးမယ်လို့တာဝန်ယူရသလဲနော် ။ ကျွန်မတော်တော်လေးစိတ်မကောင်းဖြစ်သွားပြီး အန်တီ့ကိုထုတ်ပေးမယ်လို့ပြောပြီး ကျွန်မနဲ့ခင်တဲ့တခြားဌာနက မ်ိန်းမတစ်ယောက်ကိုထုတ်ခိုင်းလိုက်ပါတယ် ။ ကျွန်မတို့ပရင်တာမှာက ကာလာနဲ့ထုတ်လို့မရတာမို့သူများကိုအကူအညီတောင်းရတာပါ ။ ဓာတ်ပုံလေးတွေပရင့်ထုတ်ပေးလိုက်တော့ အန်တီတစ်ယောက်ဝမ်းသာကို မမှီမကမ်းနဲ့ကျွန်မပခုံးကို တစ်ရှုးရှုးဖက်နမ်းပါတော့တယ် ။

ကိုယ်မလုပ်နိုင်တဲ့ကိစ္စကိုလုပ်ပေးမယ်ပြောပြီး အင်္ဂလိပ်စကားမပြောတတ်တဲ့အန်တီကြီးကိုမလှိမ့်တပတ်လုပ်တဲ့ ထိုမိန်းမကိုကျွန်မတော်တော်လေးအထင်သေးမိပါတယ် ။ ပြီးတော့ အန်တီပြန်ပြောမှာစိုးလို့ ကျွန်မ pantry သွားတုန်းလိုက်လာပြီး မလုံသောစိတ်နဲ့ ..စကားရေပက်မ၀င်အောင်လာပြောတာပါ။ အကြိမ်ကြိမ်အခါခါမဆက်ဆံဖူးပေမယ့် တစ်ခါဆက်ဆံရုံနဲ့ ထိုမိန်းမရဲ့စိတ်နေသဘောထားကိုကျွန်မသိလိုက်ပါတယ်။ တချို့လူတွေဟာ ကိုယ်ပေးမှရမယ့် ၊ ကိုယ်ကူညီမှအဆင်ပြေမယ့်ကိစ္စတွေမှာ မစွမ်းဆောင်နိုင်တဲ့လူကြီးသူမတစ်ယောက်အပေါ်ဘာလို့မလှိမ့်တပတ်နဲ့ရက်စက်နိုင်ကြသလဲနော်..တကယ်ပဲကျွန်မတအံ့တသြဖြစ်မိပါတော့တယ်။








ချစ်စရာကောင်းပြီးသဘောကောင်းလွန်းတဲ့အန်တီရဲ့ ပုံလေးတွေပါ ။

Monday, 22 July 2013

နှုတ်ဆက်ရွက်ကြွေ(၄)

တီ..တီ..တီ..တီ

နှိုးစက်မြည်သံကိုကြားသည်နှင့် ကျင့်သားရနေတဲ့မျက်ဝန်းတွေက အလိုလျောက်ပဲပွင့်လာခဲ့သည်။ နောက်ကျမှသွားလို့ရသော်လည်း အခွင့်အရေးကိုအပြည့်အ၀မယူချင်သောစိတ်နဲ့အတူ အိပ်ရာမှထကာ ရေချိူးရန်ထလာလိုက်သည်။ ညနက်အောင်အထိ စာလုပ်ထားသောဖြူကတော့ အိပ်မောကျတုန်း ။  မနက်ဖြန်ဆိုရင်ဘာလုပ်ရမလဲဆိုတဲ့ အတွေးက ခေါင်းထဲကိုမခေါ်ဘဲဝင်ဝင်လာသည်။ ဒီနေ့ဟာ သူမအတွက် အလုပ်ထဲမှာနောက်ဆုံးရက်ဖြစ်သလို မကြာခင်မှာလည်း နှစ်ရှည်လများနေလာခဲ့ဖူးတဲ့ ဒီအဆောင်ကိုချန်ထားခဲ့ပြီး ဦးငယ်နဲ့အတူ ဘ၀သစ်တစ်ခုကိုစတင်လျှောက်လှမ်းရတော့မည်။ ပြင်ဆင်ညှိနှိုင်းခဲ့သောအချိန်တွေဘယ်လောက်ရှိရှိ တကယ်တမ်းရင်ဆိုင်ရတော့မှာမို့ သူမစိတ်လှုပ်ရှားမိသည်။ ဘ၀ရဲ့လှိုင်းတွေက ခပ်ကြမ်းကြမ်းရိုက်ခတ်ဖူးလေတော့ ခိုင်မြဲလှပါတယ်ဆိုတဲ့ ကျောက်ဆောင်တောင် လေလာတိုင်းလှိုင်းများလားလို့တုန်လှုပ်စမြဲမဟုတ်လား...ရှေ့လျှောက်ရမယ့်လမ်းတွေကို ချောချောမောမောနဲ့လျှောက်လှမ်းနိုင်ပါ့မလားဆိုတဲ့ သံသယတွေနဲ့အတူ စိုးရွံ့နေမိပြန်သည်။ “ကံဇာတာရယ် တစ်ခါတော့အလှည့်ပေးပါနော်” လို့သာသီချင်းလေးညည်းလိုက်ချင်ပါတော့သည်။

“ငါတော့ဘာပြောလို့ပြောရမှန်းတောင်မသိတော့ဘူး ဒါပေမယ့် ငါတို့တွေသတိရနေမှာပါဟာ..ပြီးတော့ နင့်နေရာမှာလုပ်မယ့်တစ်ယောက်လည်း ဘာတွေတလွဲလုပ်ဦးမလဲမသိဘူး”
တကယ်တမ်းလည်းခွဲခွာရမယ်ဆိုတော့ သံယောဇဉ်အဖွဲ့အနှောင်တွေက ခပ်တင်းတင်းလည်းချည်လို့..။ မသက်မာရဲ့ဝမ်းနည်းစကားတွေ၊ အလုပ်ထဲက သူငယ်ချင်းတွေရဲ့နှုတ်ဆက်စကားတွေကြားတော့ သူမစိတ်မခိုင်ချင်။
“ချိုသဲလည်းအားလုံးကို သတိရနေမှာပါ..”
“သူဌေးကတော်ဖြစ်တော့မှ သွေးမကြီးသွားနဲ့နော်” လို့နောက်တဲ့သူကနောက်ကြသေးသည်။ သူမ မက်မောသည်မှာ သူဌေးကတော်ဆိုသောဂုဏ်ပုဒ်လည်းမဟုတ် ၊ ဘ၀၏ပြည့်စုံကြွယ်ဝခြင်းလည်းမဟုတ် ။ တကယ်တော့ သူမကျေးဇူးတရားရယ် ၊ မေတ္တာတရားရယ်ကိုသာမက်မောတတ်ခဲ့တာပါ ။ ယူတတ်မယ်ဆိုရင် လိုချင်သလောက်ရနိုင်တဲ့ဦးငယ်ဆီကစွန့်ကြဲခြင်းတွေ .. သူမမှာ အခုထိတစ်ကိုယ်ရည်စာအသုံးအဆောင်အချို့ကလွဲရင် ပိုင်ဆိုင်ပစ္စည်းဆိုလို့ ဘာဆိုဘာမှမရှိခဲ့ ။ လမ်းကြောင်းမှန်တစ်ခုကိုမယိုင်မလဲအောင်ပံ့ပိုးပေးတဲ့ ကျေးဇူးတရားနဲ့တင် သူမကျေနပ်ခဲ့သည် ။ ရှေ့လျှောက်ပြီးတော့လည်း သူမကို မကြည်ဖြူသောအသိုင်းအ၀ိုင်းထဲကို မည်သို့မည်ပုံဝင်ရောက်ရမည်မှန်း သူမမသိ ။ စေတနာကိုအရင်းပြုခဲ့တဲ့ခရီးတစ်ခုအတွက်ရောင်ပြန်သောစေတနာတွေရှိလာမှာပါဟုသာ ရင်နှင့်ရင်းပြီးယုံကြည်နေမိသည်။

မသက်မာပေးလိုက်သော ကျောက်စီပန်းချီကားကို ကုတင်ပေါ်ကိုအသာအယာတင်ပြီး အ၀တ်အစားလဲကာ အိပ်ရာပေါ်မှာပက်လက်ကလေးလှဲနေမိသည်။ ဖြူ့ကိုကြည့်လိုက်တော့ တကုပ်ကုပ်နဲ့အလုပ်ရှုပ်နေတာမို့ နှုတ်ဆက်စကားလေးဆိုပြီး ငြိမ်ငြိမ်သက်သက်လေးလှဲနေမိခြင်းပင် ။
“မမ ဖြူဘာလုပ်နေလဲသိလား”
“မသိဘူးလေ ညီမလေး ကျောင်းကလုပ်ခိုင်းတာလား”
“အို ပေါက်ပေါက်ရှာရှာ ဖြူတို့ ကျောင်းမှာ ဒါမျိူး craft တွေမလုပ်ခိုင်းပါဘူး..... ဖြူက မမအတွက် hand made လက်ဆောင်လေးလုပ်နေတာလေ..ပြီးမှပြမယ်နော်..”
“အယ်..ညီမလေးကလည်း ပင်ပန်းပါတယ်...မလုပ်ပါနဲ့...ဘာလက်ဆောင်မှမလိုပါဘူးဟယ်..”
“မဟုတ်ဘူးလေ မမရယ်... ဖြူလေ မမကိုတကယ်ကျေးဇူးတင်တာသိလား....ဖြူ့အကိုကလည်းမမကိုကျေးဇူးတင်နေတာ.. မမကြောင့် ဖြူဘုရားမှန်မှန်ရှိခိုးဖြစ်တယ် ၊ မမချက်ကျွေးလို့ထမင်းဟင်း အချိန်မှန်စားဖြစ်တယ် ၊ မမကြောင့်အချစ်ဆိုတာရော ၊ ဘ၀ဆိုတာပါသိလာတယ်လေ....”
“အမယ်...တယ်ဆိုတဲ့စာပါလား ကပ်ချွဲနေတာသိပါတယ်နော်..”
ထမင်းချက်ဖို့ပျင်းတဲ့ဖြူ့ကို ညဘက်ထမင်းမှန်မှန်စားဖြစ်အောင် သူမအမြဲတမ်းဟင်းတွေချန်ထားတတ်ခဲ့သည်။ အဆောင်သူချင်းမို့လို့ ကိုယ်ချင်းစာတာတကြောင်း ၊ သူမအတွက်လည်းဖြူ့တစ်ယောက်စာက အပန်းမကြီးတတ်တာမို့ အမြဲလိုလိုဟင်းတွေပိုချက်ဖြစ်ခဲ့သည်။
“ဟုတ်တယ်မမရဲ့တကယ်ပြောတာ... ခုလေ..ဖြူစိတ်ပူတယ်သိလား ဖြူ့နောက်အခန်းဖော်က ဘယ်လိုနေမလဲမသိဘူး”
“ကိုယ့်ဘက်ကစိတ်ရင်းအတိုင်းနဲ့သာဆက်ဆံရင် အဆင်ပြေပါတယ် ညီမလေးရယ်..မိဘအိမ်မှမဟုတ်တာ အနည်းအကျဉ်းတော့ သည်းခံသင့်တာသည်းခံရမှာပေါ့လေ...”
“ဟုတ်မမ..”
“ဒါနဲ့ညီမလေးရယ်.. ဒီညတို့နှစ်ယောက်လက်ဖက်သုတ်စားရအောင်..မမကိုဆိုင်က လက်ဆောင်တွေပေးလိုက်ကြတယ်လေ....”
ုဖြူက လက်ဖက်သုတ်ကြိုက်တတ်တာမို့ ငြင်းတောင်မငြင်းနိုင် ။ တစ်ခါတည်းကိုစားမယ်ဟုတန်းပြောလိုက်သည်။ ဘာပဲပြောပြော ဒီလိုညတွေဟာ နောက်တစ်ချိန်မှာ ရနိုင်ခဲတာမို့ ရင်ဘတ်တူချင်းဝေမျှဖို့ သူမရော ဖြူပါ အဆင်သင့်ဖြစ်နေခဲ့သည် ။

“ဆီများသွားသလားမမ”
လက်ဖက်ပန်းကန်ကို သူမရှေ့မှာချရင်းဖြူကဆိုလိုက်သည်။ ပါးပါးလှီးထားသောဂေါ်ဖီထုတ် ၊ ခရမ်းချဉ်သီး ၊ ငရုတ်သီး ၊ ပဲစုံပါသည့်အပြင်နံနံပင်လေးပါလှီးထည့်ထားတာမို့ ဖြူ့လက်ဖက်သုတ်လေးက စားချင်စဖွယ်..။
“ဖြူကတော့လေ..လက်ဖက်သုတ်ကိုနံနံပင်ထည့်စားရတာ ပိုကြိုက်တယ်..မမမကြိုက်ရင်ထပ်သုပ်ပေးမယ်နော်..”
“ရတယ် ညီမလေး... အဆင်ပြေတယ်..ရေနွေးကြမ်းသောက်ဦးမလား”
“နေ..နေ မမ ဖြူလုပ်ပေးမယ်”
ဖြူက ရေနွေးကြမ်းအပြင် ကြက်သွန်ဖြူတွေပါယူလာတာမို့ သူမတိုိ့လက်ဖက်သုတ်ဝိုင်းက ပိုပြီးမြိုင်ဆိုင်သွားသည်။
“စားဦး မမ”
ဖြူ့လက်ရာလက်ဖက်သုတ်လေးက ဆိမ့်ဆိမ့်လေးနဲ့စားလို့ကောင်းလှပါသည်။ နံနံပင်လေးပါထည့်ထားတာမို့အရသာကတမျိူးလေး ။ အသီးအရွက်အစုံအလင်လည်းပါတာမို့ စားလို့မြိန်လိုက်သည့်ဖြစ်ခြင်း။
“ကောင်းလိုက်တာ ညီမလေးရယ်..မမတော့လွမ်းနေမှာပဲ”
“ဟင့် ဖြူက ပိုလွမ်းရမှာပါ... မမက နယ်ရောက်သွားရင် ဦးငယ်နဲ့ပျော်နေမှာ... ဖြူ့မှာသာ တစ်ယောက်တည်း...ပြီးတော့ ထွက်သွားသူနဲ့ ကျန်ရစ်သူမှာ ကျန်ရစ်သူက ပိုလွမ်းရတယ်တဲ့....”
“ထွက်သွားသူကလည်း နှုတ်ဆက်ချန်ခဲ့ရတာ ဘယ်လောက်ခက်ခဲမလဲ ညီမရယ်...”
သူမတိုးတိုးတိတ်တိတ်ပြောလိုက်တော့ ဖြူတစ်ယောက်နှုတ်ဆိတ်လို့...။ မနက်မိုးမလင်းခင်ကနေ လှုပ်ရှားတက်ကြွနေခဲ့သောသူမတို့ပတ်ဝန်းကျင်ဟာ တိတ်ဆိတ်ငြိမ်သက်လို့ ။ ပြာလဲ့ကြည်စင်သောကောင်းကင်ဟာ လမရှိပေမယ့် ကြယ်စင်အလင်းတွေနဲ့ပဏာရနေသည်။ ညကနက်လာသလို ခံစားချက်တွေနက်လာခဲ့သည်။ ခုနစ်စဉ်ကြယ်ဟာ အမြီးလေးကိုကောက်လို့.....။
“မမက ဟိုတစ်ယောက်အပေါ်တကယ်စိတ်ပြတ်သွားခဲ့ပြီပေါ့နော်..”
ဖြူပြောတဲ့ဟိုတစ်ယောက်ဆိုတာ ကောင်းဇင်ကိုရည်ရွယ်မှန်း နာမည်ထုတ်မပြောလဲ သူမသိနေခဲ့သည်။ ပြီးဆုံးခဲ့သောအကြောင်းအရာတွေအသစ်ဖြစ်ချင်စိတ်သူမမှာမရှိ ။ ဒါပေမယ့်.....
“မမနဲ့မဆိုင်ခဲ့တာကြာလှပြီ ညီမလေးရယ်..”
“ဟုတ်တယ်နော်..ပြတ်သားတုန်းကလည်းသူပဲနော်..ခုတော့မမကိုအမြဲဖုန်းဆက်တော့ဘယ်လိုနေလဲဟင်..”
“ကောင်းဇင်ဟာ သူ့စိတ်ကိုမမလောက်တောင်နားမလည်ဘူး..ယောက်ျားတစ်ယောက်ရဲ့အတ္တပေါ့ညီမရယ်..မမကတော့သူနဲ့ပက်သက်ချင်စိတ်မရှိတော့ဘူး”
“စိတ်က မရှိပေမယ့် နှလုံးသားကရော......”
နှလုံးသားရဲ့အခန်းကဏ္ဍကိုသူမလျစ်လျူရှုနေခဲ့တာကြာပြီ ။ တချိန်တခါတုန်းက ဇိုးခနဲဇတ်ခနဲခုန်တတ်ခဲ့တဲ့ နှလုံးသားကြောင်းတွေ၊ အမည်မသိသောခံစားချက်တွေကိုမွေးဖွားစေတဲ့အပြုံးနုနုတွေ ၊ သွားတက်ကလေးတွေဖွေးခနဲပေါ်အောင်ရယ်တတ်တဲ့ ကြည်လင်သောအပြုံးတွေရယ်.......တကယ်တော့ ဒိုင်ယာရီစာမျက်နှာဟာ မျက်ရည်တွေကိုအိုင်ထွန်းစေတယ်ဆိုရင် သူမပြန်မလှန်တာပဲအကောင်းဆုံးမလား ။ ဟင့်အင်း..သူမအပြုံးနုနုလေးတွေကိုတမ်းတနေတုန်းပဲ ။ အေးမြသောမျက်ဝန်းအစုံကိုမြင်ယောင်နေတုန်းပဲ ။
“ကောင်းဇင်ကို တစ်နေ့ပြန်လာနိုးနိုးနဲ့ မမမျှော်လင့်နေခဲ့ဖူးတယ်...အပြစ်မမြင်လောက်အောင်အထိ နားလည်နေခဲ့ဖူးတယ်..သူ့သတင်းတွေကိုနားစွင့်ပြီးသူ့ကိုစောင့်နေခဲ့ဖူးတယ်  ဒါပေမယ့် သူပြန်မလာခဲ့ဘူး ”
“သူ လုံးဝအဆက်သွယ်မလုပ်တာလား မမ”
“ဟုတ်တယ် ညီမလေး...တစ်နေ့ပြန်လာနိုးနဲ့မျှော်လင့်တဲ့သူသာ မောတယ်လေ..နောက်ဆုံးတော့ နာကျည်းစိတ်ကအနိုင်ရသွားခဲ့တယ် ပြန်မလာတဲ့သူကိုမမခွင့်မလွှတ်တော့ဘူး.... ”
“သူ့ဘက်က ဘယ်လိုအခက်ခဲတွေရှိလဲ မမသိလို့လားဟင်...သူ့မှာလည်းအခက်ခဲတွေရှိနိုင်တာပေါ့”
“သူ့မှာ ဘာမှပြသနာရှိမနေခဲ့ဘူး ညီမလေး သူ့အတ္တတွေကပဲ သူ့ကိုအနိုင်ယူသွားတာ... တကယ်လို့သူသာမမကိုတကယ်ချစ်ရင် ညှိနှိုင်းယူရမယ်လေ...တကယ်တမ်းမြတ်နိုးရင် ဘာပဲဖြစ်ဖြစ်ပြန်လာရမယ်လေ..”
“ခု သူပြန်လာတယ်လေ မမ”
“သူ မမကိုချစ်လို့ပြန်လာတယ်ထင်လား......သူ့အတ္တတွေအတွက်ပြန်လာတာ..သူ့ရင်ဘတ်ထဲက အတ္တတွေအတွက်ပြန်လာတာ”
“ဘယ်လို... ဖြူနားမလည်လို့..”
“သူ့ရင်ဘတ်ထဲမှာ သူမပေးထားတဲ့ မမဆိုတဲ့နေရာသေးသေးလေးတစ်ခုရှိနေသေးတယ်..အဲဒီနေရာကိုဆုံးရှုံးရမှာစိုးတယ်ဆိုတဲ့ အတ္တတစ်ခုကလည်းရှိနေသေးတော့ ဒွိဟဖြစ်တဲ့စိတ်နဲ့အတူ မမကိုပြန်ဆက်သွယ်တာ...တကယ်လို့မမသာ ဦးငယ်နဲ့လက်မထပ်ဖြစ်ဘူးဆိုရင် သူပြန်လာချင်မှပြန်လာမှာ..ရှင်းရှင်းပြောရရင် သူမလိုချင်တဲ့မိန်းမတစ်ယောက်ကို သူများလက်ထဲကိုထည့်ရဖို့ စိုးရွံ့နေတဲ့ သူ့အတ္တအတွက်ပြန်လာတာ....”
“ဟင်... ဖြူဘယ်လိုမှမထင်ထားတဲ့ကိစ္စပဲ...”
“ဒါကြောင့် မမပြောတယ်လေ...ကောင်းဇင်စိတ်ကိုမမက ကာယကံရှင်ထက်တောင်ပိုသိနေတယ်ဆိုတာ.. ကောင်းဇင်က သိပ်အတ္တကြီးတယ် ညီမလေး”
“ဒါပေမယ့် မမဆိုတဲ့အတ္တနေရာလေးသူ့ရင်ထဲမှာရှိနေသေးတယ်...ပြီးတော့ မမကလည်း ဖြူ့ကိုစိတ်တော့မဆိုးပါနဲ့ ကျေးဇူးတရားကြောင့်သာ ဦးငယ်ကိုယူရတာမလား.....ဦးငယ်က မမမယူချင်ဘူးဆိုရင် ဘယ်အတင်းလုပ်ပါ့မလဲ.. ပြန်ညှိကြည့်ပါဦးလား ငယ်ချစ်ဆိုတဲ့သံယောဇဉ်ဟာ တော်တော်လေးကိုလေးနက်မှန်းဖြူသိပါတယ်..”
“ကောင်းဇင်ရဲ့အတ္တနဲ့မမရဲ့ခံစားချက်တွေကိုမပေါင်းလိုတော့ပါဘူးညီမရယ်.....နေသားကျနေတဲ့ကိစ္စတစ်ခုကိုထပ်ပြီးဘာမှမလုပ်ချင်တော့ဘူး.....ကံစီမံရာအတိုင်းပေါ့”
ပြတ်သားခိုင်မာသောဆုံးဖြတ်ချက်ကို ဘယ်လိုမှမပြင်နိုင်မှန်းသိသွားသောဖြူကလည်းသူမအပေါ်မှာတိုက်တွန်းစကားထပ်မဆိုတော့ပေ ။
“ဖြူကလေ...ချစ်သူတိုင်းကိုညားစေချင်တာ”
ချစ်သူတိုင်းတာပေါင်းရစတမ်းဆိုရင် “ချစ်တိုင်းလည်းမညား” ဆိုတဲ့စကားပုံတွေဘယ်ပေါ်လာမလဲညီမလေးရယ် ဆိုတဲ့စကားကိုတော့ သူမထုတ်မပြောဖြစ်ခဲ့ ။ ချစ်တိုင်းလည်းမညားတဲ့ဇာတ်လမ်းတွေဟာ သူမပတ်ဝန်းကျင်မှာ ပေါများလွန်းလို့ အရေထူနေပြီဖြစ်ကြောင်း ဆယ်ကျော်သက်မလေးမသိနိုင်ရှာ။

အသဲပုံဖော်ထားသော coffee lattae ခွက်ကလေးကို ဇွန်းနဲ့မွှေလိုက်ပြီး ခုချိန်ထိပေါ်မလာသေးသော ကောင်းဇင်ကိုထိုင်စောင့်နေမိသည်။ မိတ်ဆွေသူငယ်ချင်းအဖြစ်နဲ့နောက်ဆုံးတွေ့ခွင့်ပေးဖို့ ကောင်းဇင်တောင်းဆိုလို့ စိမ်းလန်းစိုပြည်က Zypher ကို သူမရောက်နေခြင်းပင် ။ ထုံးစံအတိုင်းချိန်းထားတဲ့အချိန်ထက် နောက်ကျမှရောက်မည်ဖြစ်သောကောင်းဇင်အကြောင်းကိုသိသိကြီးနဲ့ စောထွက်လာမိတဲ့ကိုယ့်ကိုကိုယ်အပြစ်တင်ရမလား ။ သူမဒီကိုရောက်နေတာ တစ်နာရီနီးပါးခန့်ရှိခဲ့ပြီး ။ကောင်းဇင်ကတော့ ပေါ်မလာသေး ။ စောင့်စားခဲ့ဖူးသောနေ့ရက်တွေအကြောင်းကို သတိရသလိုလိုဖြစ်လာပေမယ့်ခေါင်းထဲကနေထုတ်ပစ်လိုက်သည်။ အဟောင်းတွေအသစ်မဖြစ်သင့်တော့ဘူးလေ။
“စောင့်ရတာကြာသွားလား ဆောရီး..လမ်းမှာကားကြပ်နေလို့ဟ..”
“တစ်နာရီလောက်တော့ရှိသွားပြီ နင်နောက်ကျမှာငါသိသားပဲ”
“အေး...ငါတစ်ခုခုမှာလိုက်ဦးမယ်ဟာ ဗိုက်တော်တော်ဆာနေပြီ...”
menu ကိုကြည့်ပြီး ကောင်းဇင်က စားစရာသောက်စရာတွေကိုမှာနေရင်း သူမကိုလှမ်းမေးလိုက်သည်။
“ဘယ်လိုလဲ..နင်အဆင်ပြေရဲ့လား”
“ငါလား ပုံမှန်ပါပဲ..နင်ကရော..”
“အင်း အဆင်ပြေပါတယ်လေ..ဟိုက ငါ့သူဌေးက ငါ့ကိုအားကိုးတယ်လေ..ခု ဒီမှာရုံးခွဲဖွင့်ဖို့ကိစ္စအတွက်နဲ့ ငါ့ကိုလွှတ်လိုက်တာလေ.. အလုပ်တစ်ဖက်နဲ့ပေါ့ဟာ..”
“အင်း..ကောင်းပါတယ်.. ဒါနဲ့နင်ကျောင်းဆက်မတက်ဖြစ်ဘူးလား”
“ငါ အဲဒီမှာ ကျောင်းဆက်တက်ဖြစ်တယ် ငါ့ဦးလေးထောက်ပံ့လို့ပေါ့ဟာ...မဟုတ်ရင်မလွယ်ဘူး”

 ထောက်ပံ့သည်ဆိုသောစကားတစ်ခွန်းနဲ့အတူ စကားဝိုင်းလေးက ရုတ်တရက်ခြောက်ကပ်သွားသည်။ ဒီလူနှစ်ယောက်ကြားမှာ ထောက်ပံ့ခြင်းဟူသောစကားနဲ့ပက်သက်လို့ပြောစရာ ၊ ဖြေရှင်းစရာတွေအများကြီးရှိနေပေမယ့် မသိချင်ယောင်မျက်နှာလွှဲဖြစ်လိုက်သည်။

“အင်း  နင်အဆင်ပြေတာဝမ်းသာပါတယ်.... ဒါနဲ့ လာမယ့် သောကြာနေ့မှာ ဦးငယ်နဲ့ငါလက်မှတ်ထိုးမှာ ပွဲတွေဘာတွေတော့မလုပ်ဖြစ်တော့ဘူး ဆွမ်းတော့ကပ်မှာ”
“နင်တကယ်ဆုံးဖြတ်ပြီးပြီပေါ့”
“ငါအစောကြီးတည်းကနင့်ကိုပြောထားပြီးပြီလေ..ငါဦးငယ်ကိုပဲယူမှာလို့”
“နင်ငါ့ကိုမငဲ့တော့ဘူးလား....... နင်ပြောတော့ ငါနားလည်လာမယ့်နေ့ကိုစောင့်နေမယ်ဆို...ငါအခုနားလည်နေပြီလေ”
ကောင်းဇင်နှင့်နောက်ဆုံးတွေ့ခဲ့တဲ့နေ့က သူမထိုသို့ပြောခဲ့ဖူးသည် ။ ဦးငယ်နဲ့မပက်သက်ကြောင်းအာပေါက်မတတ်ရှင်းပြခဲ့ဖူးသည် ။ နားလည်ပေမယ့် မျက်ရည်စိုရွှဲပြီး ငိုကြီးချက်မတောင်းဆိုခဲ့ဖူးသည်။ အတိတ်တစ်နေရာမှာ သူမအပေါ်မှာ ကောင်းဇင်တစ်ယောက် ဘယ်လောက်ထိမာကြောပြတ်သားနိုင်ခဲ့သလဲဆိုတာသူမသာအသိဆုံး ။ သွေးစိမ်းရှင်ရှင်ထွက်ကျမတတ်နာကျင်ခဲ့ရသော ၊ နာလန်မထူနိုင်လောက်အောင်ပြိုလဲခဲ့ရသော ၊ ချစ်ခြင်းကြောင့်သေဆုံးခဲ့ရသော သူမရင်ဘတ်ကြီးအသိဆုံး။
“နင် နားလည်တာနောက်ကျသွားပြီ... ငါဆုံးဖြတ်ပြီးသွားပြီ”
“နင်ငါ့ကိုရက်စက်နိုင်ပြီနော်...”
“ကောင်းဇင်..နင်ငါ့ကိုအခုမှလာပြီး ရက်စက်နိုင်ပြီတွေလာလုပ်မနေနဲ့ နင်ယောက်ျားမဟုတ်ဘူးလား....နင်လုပ်တာနင်ခံပေါ့.....နင်နဲ့ငါနဲ့ကြားမှာဘာမှရှိမနေတော့ဘူး...ငါနင့်ကိုမဖြတ်ခဲ့ဘူး နင်ပဲငါ့ကိုဖြတ်ခဲ့တာ..”
“ဟုတ်တယ် ငါနင့်အပေါ်မတရားခဲ့ဘူး..ငါ့ဘက်ကလည်းစဉ်းစားကြည့်ဦး...ငါ့မှာယောက်ျားမာနရှိတယ်..ငါ့ချစ်သူဟာ တခြားလူတစ်ယောက်ရဲ့အထောက်အပံ့ကိုယူနေရတယ်ဆိုတဲ့အဖြစ်က ငါ့မာနကိုဘယ်လောက်ထိခိုက်သလဲ နင်သိလား”
“နင် တော်တော်လေးလွဲနေပြီကောင်းဇင် ငါဟာ ငါ့ခန္စာကိုယ်ကို ရင်းပြီးအထောက်အပံ့ယူနေတာမဟုတ်ဘူး... ငါ့အဖေရဲ့ကျေးဇူးတွေနဲ့ဦးငယ်က ထောက်ပံ့နေတာ.. ငါ ကျောင်းပြီးလို့ညပိုင်းတွေမှာ ဆိုင်မှာဝင်လုပ်ရတာ နင်မသိဘူး
ငါကျေးဇူကြွေးတွေအပေါ်မှာ ဘယ်လောက်တာဝန်ကျေအောင်နေရလဲ နင်မသိဘူး....ငါ့ရင်ထဲကအပူတွေသောကတွေကိုနင်မသိဘူး....နင်က ငါ့ကိုအပူတွေပဲပေးတယ်..နင်ငါ့ကို ဦးငယ်နဲ့မကင်းဘူးလို့လဲစွပ်စွဲသေးတယ်...ငါ့ဘ၀ ငါ့ဖြူစင်မှုတွေကိုငါအသိဆုံး......နင့်ကိုငါအတိုင်းအတာတစ်ခုအထိစောင့်နေခဲ့တယ်..နင်ဆက်သွယ်လာနိုးနိုးနဲ့ငါစောင့်နေရင်း နင်သိလား အဲဒါတွေကို..”
“ငါ့ကိုစောင့်ရင် နင်ဘာလို့အခု ဟိုလူနဲ့ယူတော့မှာလဲ..”
“ပြန်မလာတော့တဲ့နင့်ကို ငါတစ်သက်လုံးထိုင်စောင့်ရမှာလား.....နင်ငါ့ဆီကို စာတစ်ကြောင်းပို့ပြီးဆက်သွယ်ခဲ့ဖူးလား ငါ့ဘ၀အတွက်အသင့်လျော်ဆုံးကိုငါရွေးချယ်တာ...ငါမှားလား....နင်ဒီဇတ်လမ်းကိုရေးခဲ့တာ..နင်ဘာသာနင်ပဲပြီးအောင်ကလိုက်တော့ ဒီအချိန်ကျမှငါ့ကိုလာအပြစ်တင်နေနဲ့ အားလုံးလွန်ကုန်ပြီ...”

ရင်ဘတ်တစ်ခုလုံးပွင့်ထွက်သွားမတတ်ခံစားခဲ့ရသမျှကိုသူမ အိတ်သွန်ဖာမှောက်ပြောချလိုက်သည်။ နှလုံးသားအနက်ရှိုင်းဆုံးတစ်နေရာထိစိုက်ဝင်ခဲ့ဖူးသော ဆူးတစ်ချောင်းကို ဆွဲနှုတ်ခံလိုက်ရသလို တဖျတ်ဖျတ်လူးနာကျင်လို့..။
“ ငါတစ်ခုပဲပြောချင်တယ်.. နင်နဲ့ငါဟာ ဘယ်တော့မှထပ်မပက်သက်သင့်တဲ့သူတွေပဲ..နင့်ရင်ထဲမှာရှိတဲ့အတ္တတွေထဲကနေ နင့်ကိုယ်နင်ပဲကြိုးစားပြီး ရုန်းထွက်လိုက်ပါတော့ ကောင်းဇင်....”
ထုံအမ်းနေသောခံစားချက်ကိုယ်စီနဲ့ သူမကော်ဖီခွက်ဟာလည်းအရာမယွင်း ၊ ကောင်းဇင်မှာထားသော မြီးရှည်ဟာလည်းအရာမယွင်း ။
“ငါသိပ်မှားခဲ့တယ် ချိုသဲ.....နင်ငါ့ကိုခွင့်မလွှတ်ပါနဲ့”
ဝန်ခံခြင်းလား ချည်နှောင်ခြင်းလားမသိတဲ့ စကားတစ်ခွန်းကိုကောင်းဇင်ပြောလိုက်သည်။ သူမအလှပဆုံးအပြုံးတစ်ပွင့်နဲ့ပြုံးပြရင်း
“ဟင့်အင်း...နင့်ကိုငါခွင့်လွှတ်တယ်....အမုန်းတရားတွေနဲ့နာကျည်းခြင်းမျိူးနဲ့တောင်မှ နင့်ကိုသတိမရချင်တော့ဘူး...ငါသွားတော့မယ် သူငယ်ချင်း....”
အသင့်စောင့်နေသောဦးငယ်ကားပေါ်သို့တက်လာကာ ကောင်းဇင်ကိုလက်ပြနှုတ်ဆက်လိုက်သည်။ ဇာတ်လမ်းအစက ခမ်းနားသလောက် ဇာတ်လမ်းအဆုံးကတော့ရိုးစင်လှသည် ။အပြုံးနဲ့တစ်ယောက်နဲ့ရှေ့ဆက်သွားသလို အရှုံးနဲ့တစ်ယောက်ကကျန်ရစ်ခဲ့သည် ။ ထာဝရနှုတ်ဆက်လိုက်ပါတယ် ကောင်းဇင် ။


(သုံးနှစ်ခန့်ကြာသောအခါ )

အမေချန်ခဲ့သောအရိပ်ဆိုးတချို့ကျန်ရှိခဲ့ပေမယ့် ဇာတိမြို့ကလေးက သူမကိုနွေးထွေးလုံခြုံစွာကြိုဆိုနေဆဲ ။ သူမသာမလုံသောစိတ်နဲ့အတူ စွန့်ပစ်ခဲ့ပေမယ့် ဇာတိမြို့လေးက အရင်အတိုင်း ။ ဖေဖေ့မိတ်ဆွေတွေနဲ့ဆွေမျိူးနီးစပ်တွေရဲ့ကူညီမှု ၊ ဦးငယ်မိတ်ဆွေအပေါင်းအသင်းတွေရဲ့အားပေးမှုကြောင့်သူတို့မိသားစုလုပ်ကိုင်ဖူးတဲ့ ဆန်ပွဲရုံအလုပ်ကို ပြန်လည်လုပ်ကိုင်ခဲ့သည်။ သူငယ်ချင်းအပေါင်းအသင်းတွေ ၊ ဆွေမျိူးသားချင်းတွေက သူမအတွက်ဝမ်းသာပေးကြသည်။ တည်ငြိမ်အေးချမ်းသောအိမ်ရှင်မအဖြစ်နဲ့ ဦးငယ်အနားမှာနေရင်းနဲ့ သူမတတ်နိုင်သလောက်ပံ့ပိုးကူညီပေးခဲ့သည် ။အိမ်ထောင်သက်ရလာတာနဲ့အမျှ ဦးငယ်၏စေတနာ မေတ္တာအရိပ်မှာ သူမဘ၀လုံခြုံအေးချမ်းလှသည်။ ရောဂါသည်မို့ ကိုယ်ကပဲပြုစုရမလားမှတ်တယ် ဦးငယ်တစ်ယောက်ဒေါင်ဒေါင်မြည်ကျန်းမာရုံသာမက မိသားစုစီပွားရေးကလည်း ဒီရေအလားတရိပ်ရိပ်တိုးလို့ ။ ပွဲရုံတစ်ရုံကနေ နှစ်ရုံသုံးရုံထိတိုးလာနိုင်ရုံမက လာခြင်းကောင်းသော သမီးလေးတစ်ယောက်ပါရှိလာခဲ့ပြီဖြစ်သည်။ တချိန်ကရှိခဲ့ဖူးသော ဒဏ်ရာဒဏ်ချက်တချို့ကလည်း အကြောင်းတိုက်ဆိုင်လျင်တောင်မှ သူမနဲ့မဆိုင်သလို တစိမ်းသက်သက်။ ပြုခဲ့ဖူးသော ဖြစ်ခဲ့ဖူးသောဝဋ်ကြွေးတချို့ဟာ သူမအတွက်ထိုနေရာမှာပင်အဆုံးသတ်သွားခဲ့ပုံရပါသည်။
ရင်မှဖြစ်သောသမီးလေးနဲ့ ဦးငယ်သာရှိတော့တဲ့ သူမရဲ့ကမ္ဘာမှာ သူမကိုစွန့်ပစ်ခဲ့သောအမေဆိုတာလည်းမရှိတော့သလို သူမကိုနာကျင်စေခဲ့သော ကောင်းဇင်ဆိုတာလည်းမရှိတော့ ။ ဒီအဖေ ၊ ဒီသမီးအတွက်ပဲ သူမဘ၀ကဖြစ်တည်လို့ ။

ခုတလောရာသီဥတုကမသာယာ။ မိုးတစီစီရွာနေတာ ဒီနေ့နဲ့ဆိုလျင် ငါးရက်တိတိရှိခဲ့ပြီ ။ ကောင်းကင်တစ်ခုလုံးမဲမှောင်ပြီး လေတ၀ူးဝူးတိုက်နေတာမို့ အသဲငယ်သောသမီးငယ်လေးကလည်း သူမကိုမျက်စိအောက်ကအပျောက်မခံ ။ ဦးငယ်တစ်ယောက်ကလည်း လေကြီးလို့ပွဲရုံကိုမသွားပါနဲ့လို့တားသည့်ကြားကနေ မဖြစ်ဖြစ်အောင်ထွက်သွားသည်။ သမီးငယ်လေးကိုခါးထစ်ခွင်ချီရင်း ပြတင်းပေါက်ကနေ ဦးငယ်လာရာလမ်းကိုမျှော်နေမိသည် ။ သူမတို့ဒေသက ပုံမှန်အားဖြင့်မိုးသိပ်မကြီးတတ်ပေမယ့် ခုလိုမျိူးလေရော မိုးရောပါလာပြီဆိုရင်ဖြင့် မြစ်ကမ်းဘေးမှာတည်ရှိနေတဲ့ဒေသမို့ အန္တရာယ်များတတ်ပါသည်။ ရေကြီးခြင်း ၊ ကမ်းပြိုခြင်းတွေကြောင့် နှစ်စဉ်နှစ်တိုင်းဆုံးရှုံးရတဲ့အသက်အိုးအိမ်စည်းစိမ်တွေမနည်းမနော ။ မြစ်ကမ်းဘေးမှာနေကြတဲ့မိသားစုတွေအဆင်ပြေကြပါစေဆိုပြီး သူမတိတ်တိတ်ကလေးဆုတောင်းနေမိသည်။ မိုးကလည်းသည်းသထက်သည်းလာသည်မို့ အခန်းထဲဝင်ကာ မအိပ်ချင်ဘဲဂျီကျနေသော ဖအေတူသမီးလေး မြတ်နိုးမောင် ကိုချော့သိပ်နေလိုက်သည် ။ သမီးလေးဟာ ရုပ်သာမက ခေါင်းမာသည့်နေရာမှာရော ၊ စကားတတ်သည့်နေရမှာပါမှာ ဦးငယ်နဲ့တော်တော်လေးကိုတူသည် ။ ရာသီဥတုက တစ်စထက်တစ်စဆိုးလွန်းလာတာမို့ ခုထိပြန်မလာသေးသောဦးငယ်ကိုသူမစိတ်ပူလှသည်။ လူခွဲတွေ ၊ မန်နေဂျာတွေရှိနေပေမယ့် ဦးငယ်က ပွဲရုံကိုစိတ်မချ ၊ မိုးယိုနေလျင် ဆန်တွေစိုကုန်မှာစိုးလို့ ကိုယ်တိုင်ပဲထွက်သွားရှာသည်။

ပတ်ဝန်းကျင်တစ်ခုလုံး မိုးသံလေသံဖြင့်ဝုန်းဒိုင်းကြဲနေသည်။ သစ်ပင်ကျိူးကျသံတွေကြားသဖြင့် အိပ်နေသောသမီးလေးကို စောင်ခြုံပေးကာအပြင်ကိုထွက်ကြည့်လိုက်တော့ အိမ်ရှေ့က နှစ်ချို့သရက်ပင်ကြီးအမြစ်ကနေကျွတ်ထွက်နေသည်။ ဒီလောက်ဆိုးရွားသည့်ရာသီဥတုမှာတောင်အိမ်ပြန်မလာသေးသောဦးငယ်ကို သူမတော်တော်လေးစိတ်တိုကာ တယ်လီဖုန်းကိုကောက်ကိုင်ပြီးဖုန်းဆက်လိုက်သည်။
“တီ တီ တီ”
ဖုန်းခေါ်နေပေမယ့် ဦးငယ်က မကိုင် ။ သူမအခါခါခေါ်နေမိသည်။ မြစ်နဲ့နီးသောပွဲရုံမှာ ဦးငယ်တစ်ယောက်ဘာဖြစ်လို့ဖြစ်မှန်းမသိ ။ ဦးငယ်ရဲ့မန်နေဂျာကိုဖုန်းခေါ်တော့လည်းမကိုင်ပြန် ။ သူမစိတ်ပူခြင်းဒီဂရီတော်တော်လေးမြင့်သောအချိန်ကျမှ ဖုန်းကမြည်လာသည်။
“ဦးငယ်ဘယ်ရောက်နေတာလဲ..ဒီမှာစိတ်ပူလို့သေတော့ မယ်... အိမ်ရှေ့ကသရက်ပင်လည်းအမြစ်ကနေကျွတ်သွားပြီ... ပွဲရုံဘာကြီးပဲဖြစ်ဖြစ် လူကိုယ်တိုင်အရောက်လာခဲ့ပါ...”
“ဖြေးဖြေးပြောပါ မိန်းမရယ်..အခု ကိုယ်တို့ပြန်လာနေပြီ..ကိုအောင်ကျော်ရော ကိုယ်ပါပြန်လာတာ.. မိုးတွေကြီးနေလို့ဖုန်းသံမကြားလို့မကိုင်တာ..”
“အင်းပါ ဘာပဲဖြစ်ဖြစ် အမြန်ဆုံးပြန်လာပါ.... ဒီလောက်ရာသီဥတုမကောင်းရတဲ့ကြားထဲ လောဘဇောတယ်တက်တာပဲနော် ဦးငယ်...”
“ဟား ဟား ဟား”
စိတ်တိုတိုဖြင့်ဆူနေသော သူမကို ဦးငယ်က တဟားဟားရယ်ရင်းနဲ့ စိတ်မပူဖို့ပြောကာဖုန်းချသွားသည် ။ ဘာပဲပြောပြော အသံလေးကြားလိုက်ရသဖြင့်သူမစိတ်ချမ်းသာရပါသည်။ မိုးတွေလေတွေကြီးရတဲ့အထဲ ဖုန်းကခေါ်လို့မရတော့ ဘယ်လောက်စိတ်ပူရလဲ သူမကိုယ်သူမပဲသိပါသည် ။

“ညနေပဲစောင်းနေပြီဦးငယ်ရယ်..ခုမှပြန်လာရသလား”
“ယူစရာပိုက်ဆံတွေရှိနေလို့ဝင်ယူနေတာ မိန်းမရယ်...”
မိုးမိလို့တစ်ကိုယ်လုံးရွဲရွဲစိုကာ ဦးငယ်နဲ့ မန်နေဂျာကိုအောင်ကျော်အိမ်ပြန်ရောက်လာကြသည်။ သူမကတော့အချိန်ကြာလို့ဗျစ်တောက်ဗျစ်တောက်ပြောမိတော့ ဦးငယ်က တဟားဟားနဲ့သဘောကျလို့ ။
“ရှင့်ဆရာလည်းကြည့်ပြောဦး ကိုအောင်ကျော်ရယ်.....တယ်လောဘကြီးတာပဲ...ဒီလောက်မိုးထဲလေထဲမှာသွားနေရတယ်လို့..”
“စိတ်မပူပါနဲ့မချိုရယ် ကျွန်တော်ပါပါတယ်..”
သူတို့ဆရာသမားနှစ်ယောက်ကအမြဲတမ်းခပ်အေးအေးပင် ၊ အပေးအယူမျှလွန်းလို့ အခုအချိန်ထိအဆင်တပြေရှိနေကြခြင်းဖြစ်သည် ။ ဦးငယ်ရဲ့အလုပ်အပေါ်မှာစေ့စပ်တိကျတဲ့ဒဏ်ကိုခံနိုင်တဲ့သူခဲယဉ်းပါသည်။ မန်နေဂျာတွေခေါ်ခန့်သည် တစ်လပင်မခံထွက်ကုန်ကြတာ ကိုအောင်ကျော်နဲ့ကျမှ အဆင်ပြေခြင်းဖြစ်သည်။
“ကိုအောင်ကျော်လည်း အိမ်မှာပဲအိပ်လိုက်တော့..ဒီမိုးနဲ့တော့ အိမ်ပြန်မနေနဲ့တော့..”
“ဟုတ်ကဲ့မချို”
အပူအပင်မရှိသောလူပျိုကြီးကိုအောင်ကျော်ကတော့အိမ်မှာအိပ်ဆိုတော့ အသာတကြည်လက်ခံသည်ပင် ။ ဦးငယ်နှင့်ကိုအောင်ကျော်ကို စားဖို့သောက်ဖို့လုပ်ပေးပြီး အပေါ်ထပ်ကိုတက်လာကာ သမီးလေးကိုလာကြည့်တော့ သမီးလေးကအိပ်မောကျတုန်း ။ သမီးလေးဘေးမှာခဏလှဲလိုက်ရင်းနဲ့သူမမှေးခနဲအိပ်ပျော်သွားပါတော့သည် ။

“၀ုန်း” “ဒုန်း ” ဆိုသောအသံနှင့်အတူ အားခနဲအော်လိုက်သံကိုကြားသဖြင့်သူမလန့်နိုးလာခဲ့သည်။ လေတဖြူးဖြူးတိုက်နေသဖြင့်ဝတ်ထားသော ဆွယ်တာအထူကိုခပ်တင်းတင်းလေးစိကာ သမီးလေးကိုအသာလေးဖက်ရင်း သူမလှမ်းအော်လိုက်သည်။
“ဦးငယ်..ဘာဖြစ်တာလဲ”
ပတ်ဝန်းကျင်တစ်ခုလုံးကလဲ ပိန်းပိတ်မှောင်မည်းကာ မိုးခြိမ်းသံတွေအကျယ်ကြီးကြားလိုက် လျှပ်စီးတွေဖြန်းခနဲလက်လိုက်နဲ့ မိုးကြိုးပစ်သံတွေကိုပါတပြိုင်နက်တည်းကြားလိုက်ရသည် ။
“မိန်းမ....သမီးကိုနှိုးထား..အောက်ကိုဆင်းမလာနဲ့ ကိုယ်တို့လာနေပြီ”
အော်သံနဲ့အတူ ဦးငယ်နဲ့ ကိုအောင်ကျော်တို့အိမ်ပေါ်ကိုတဒုန်းဒုန်းပြေးတက်လာကြသည်။ သူမလည်းကြောက်လန့်စိတ်နဲ့ ဘာလုပ်လို့လုပ်ရမှန်းမသိ ။ သမီးလေးကိုသာဖက်ထားရင်း အိပ်ရာပေါ်မှာတုန်တုန်ယင်ယင်ကြီးထိုင်နေမိသည် ။
ဓာတ်မီးအရောင်နဲ့အတူ ဦးငယ်နဲ့ကိုအောင်ကျော်တို့သူမရှိရာကိုရောက်လာကြသည် ။ ခုမှနိုးလာသောသမီးလေးက မှောင်မဲနေသဖြင့်ကြောက်လန့်တကြားငိုလိုက်တော့ ကိုအောင်ကျော်က သမီးလေးကိုပွေ့ယူလိုက်ကာ ဓတ်မီးယူပြီး အပေါ်ထပ်ဝရန်တာဘက်ကိုထွက်သွားလိုက်သည် ။ ဦးငယ်က ဘီရိုထဲက သူမရဲ့ရတနာထုတ်လေးကိုယူပြီး သူမလက်ကိုတင်းတင်းဆွဲပြီး အိမ်ရှေ့ကိုထွက်အလာ.......
“ဆရာရယ်..ရှေ့မှာ ရေ....ရေတွေ..ရေတွေ...လှိုင်းလုံးကြီးတွေတက်လာပြီ.....”
ဝုန်းဒိုင်းကြဲနေသော မိုးသံ လေသံ လှိုင်းသံ အပင်ကျိူးကျသံ အဆောက်အဦးတွေ ပြိုလဲသံနဲ့အတူ ကိုအောင်ကျော်ရဲ့ ရင်ကွဲလုမတတ်အော်သံကြီးကိုကြားလိုက်ရသည်။

ဆက်ရန်

Thursday, 18 July 2013

နှုတ်ဆက်ရွက်ကြွေ(၃)


လွယ်ထားသောဆလင်းဘတ်အိတ်နဲ့ ပါလာသောအထုတ်အပိုးတွေကို စားပွဲခုံပေါ်မှာတင်ပြီး သူမကုတင်ထက်မှာစိတ်လွတ်ကိုယ်လွတ်လှဲချလိုက်မိသည်။ တစ်နေကုန်တစ်နေခမ်းပင်ပန်းလိုက်သည့်ဖြစ်ခြင်း ၊ မသက်မာဆီကို နက်ဖြန်လည်း ခွင့်ယူမယ့်အကြောင်းကို text message လေးပို့လိုက်ပြီး အိပ်ရာပေါ်မှာငြိမ်သက်နေမိသည်။ ဦးငယ်ပြန်ရောက်နေတာမို့ ဆိုင်ကိုမလာဖြစ်မှန်း မသက်မာသိပြီးဖြစ်ပေမယ့် စာမလာအကြောင်းမကြားဘဲပျက်ကွက်နေမိမှာကိုအားနာကြောင့် message ပို့ပြီးအကြောင်းကြားခြင်းဖြစ်သည်။ တကယ်တော့ မသက်မာဆိုတာ ဦးငယ်ရဲ့သူငယ်ချင်းဖြစ်သလို သူမတို့ “သစ္စာ Home Market ” ရဲ့ရှယ်ယာတစ်ဝက်ကိုပိုင်ဆိုင်သောသူဖြစ်သည် ။ ကျန်သောရှယ်ယာတစ်ဝက်ကိုတော့ ဦးငယ်ကပိုင်ဆိုင်ပြီး သူမကျောင်းပြီးတဲ့နောက်ပိုင်းတော့ ဦးငယ်ကဆိုင်မှာ စာရင်းကိုင်အဖြစ်သွင်းပေးထားခြင်းဖြစ်ပါတယ်။ သူမဟာ ဒီနေ့အလုပ်သွားဖို့အစီစဉ်ရှိပေမယ့် မနက်စောစောစီးစီး ဦးငယ်က ဘုရားတက်ချင်လို့လာခေါ်တာကြောင့် အလုပ်မသွားဖြစ်ဘဲ ဦးငယ်နောက်ပါသွားခြင်းပင် ။

အခန်းတံခါးဖွင့်သံဖွဖွလေးကြားလိုက်တော့ ဖြူကျောင်းမှပြန်ရောက်ပြီမှန်းသိလိုက်သည် ။
“ညီမလေး နောက်ကျလှချည်လား”
“ဟုတ်ပ မိချိုသဲရယ်...ဦးငယ်တော့မပြောချင်တော့ပါဘူး ဟဲဟဲဟဲ..”
“ဟယ်...ဒီကောင်မလေး လူကြီးကိုနောက်စရာလား”
“နောက်တာပါ မမရယ်.... ဒီနေ့အတန်းလစ်ပြီးရုပ်ရှင်ကြည့်ကြတာလေ...အပြန်မှာ ဒဂုံစင်တာထဲကိုပတ်ရင်းနဲ့ နောက်ကျသွားတာ...”
“ဟယ်..ဘာလို့ကျောင်းပြေးတာတုန်း ညည်းက”
“အဖော်ကောင်းလို့ပါ မမရာ...”
“ကြပ်ကြပ်ပြေးသိလား...စာလိုက်မမှီဘဲနေဦးမယ်...”
“ဟီးးးးးး ဟုတ်မမ...မပြေးတော့ဘူးနော်... ဒါနဲ့ မနက်က စောစောစီးစီး ဘယ်သူလာခေါ်သွားလဲမှန်း... ဖြူထင်တာမမှားဘူးဆိုရင် ဦးငယ်ပဲဖြစ်ရမယ်..ဟုတ်တယ်မလား ... ဖြူ့ဗိုက်ထဲပုဏ္ဏားလေးရှိတယ်သိလား..ဟားဟား”
“အောင်မယ်...တယ်ဆိုတဲ့စာပါလား ညည်း ပြတင်းပေါက်ကချောင်းကြည့်နေတာ မမမြင်လိုက်တယ်ကော...”
“ဟီးဟီးး ဟုတ်လား ဖြူက ဦးငယ်ကိုမြင်ဖူးချင်လို့ပါ ”
ဖြူ ပြတင်းပေါက်ကကြည့်နေမှန်းတကယ်တော့သူမမသိချေ။ သူမအပြင်ပါသွားတော့ အဆောင်သူတို့ထုံးစံ ပြတင်းပေါက်ကနေချောင်းကသူချောင်း ၊ ၀ရန်တာကနေထွက်ကြည့်သူကထွက်ကြည့်နဲ့ စပ်စုနေမယ်မှန်းသိနှင့်ပြီးသားမို့ အသာလေးရွှီးလိုက်ခြင်းသာဖြစ်သည် ။
“လက်ပံကားသွားကြည့်တာမမရယ်.. ဖြူက ဖွေးဖွေးကိုအဲလောက်လုပ်နိုင်မယ်မထင်ဘူး ဒါပေမယ့် ဖွေးဖွေးတော်တော်လုပ်နိုင်တယ် မဆိုးဘူးတော့ ဖြူတောင်သဘောကျသွားပြီ”
“ ဟုတ်လား.... မမလည်းသွားကြည့်ဦးမှပဲ ဒါပေမယ့် မအားတာနဲ့ သွားဖြစ်မယ်မထင်ပါဘူး မိဖြူ ဒါနဲ့ ညည်း ရဲ့ ဖွေးဖွေးအကြောင်းခဏထားလိုက်ဦး ဒီမှာ ညည်းအတွက်”
“ဟယ်..ipod လေးတော့”

ဦးငယ်နဲ့မှာလိုက်သော ipod ပန်းရောင်လေးကို ဖြူ့ကိုပေးလိုက်တော့ ဖြူက ၀မ်းသာအားရ နဲ့လှမ်းယူလိုက်သည် ။ သူမဟာ ဘယ်ဘ၀ရေစက်ကြောင့်ရယ်မသိ သူများဆီက လက်ဆောင်ပစ္စည်းရဖူးတယ်ဆိုတာ လက်ချိူးရေလို့ရတဲ့အထိ ရှားပါးလွန်းခဲ့သည် ။ မိသားစုရင်းချာဖြစ်သည့်အမေကလည်းသူမအတွက်ဆိုပြီးဝယ်ပေးဖူးခဲ့တာ မရှိသလောက် ၊ အဖေကလည်း ယောက်ျားသားမို့ဟိုစပ်စပ်ဒီစပ်စပ်ဝယ်ရတာ ၀ါသနာမပါ ။ ချစ်သူရှိခဲ့ဖူးတုန်းကတော့ နှစ်ပတ်လည်ရက်တွေမှာ ပိုစ့်စကတ်လေးတွေ ၊ ပန်းလေးတွေ လက်ဆောင်ရဖူးပေမယ့် တခြားထူးထူးခြားခြားဘာလက်ဆောင်မှကိုမရခဲ့ဖူးဘူး ။ သူများဆီကလက်ဆောင်ရခဲပေမယ့် ကိုယ်ပိုင်ဝင်ငွေလေးရှိလာတဲ့အခါမှာတေ့ာ  ကိုယ်တတ်နိုင်သလောက်လေး လက်ဆောင်လေးတွေ အမှတ်တရလေးတွေပေးတတ်ခဲ့သည် ။  အခုလည်း ဦးငယ်ပြန်လာမည်ဆိုတော့ ချစ်စရာကောင်းတဲ့ ဖြူအတွက် မှတ်မှတ်ရရလက်ဆောင်လေးတစ်ခုပေးချင်တာမို့ မှာလိုက်ခြင်းဖြစ်သည်။

“ကျေးဇူးပါ မမရယ်..ဖြူလေ သိပ်ကြိုက်တာပဲသိလား.... ဈေးကလည်းကြီးမှာပဲနော်..ဦးငယ်တော့အားနာပါတယ်..ဖြူအိမ်ကပိုက်ဆံပို့ရင် မမတို့ကိုမုန့်လိုက်ကျွေးမယ်နော်..”
“ဟယ် မလိုပါဘူး ညီမလေးရယ်..ရပါတယ် မမက လက်ဆောင်ပေးချင်တာသက်သက်ပါ...ဒီမှာမုန့်တွေအများကြီးပဲ ညီမလေး စားချင်ရင်ယူစားနော်”

ဦးငယ်ပေးလိုက်သောအထုတ်ထဲမှ မုန့်တွေကို ထုတ်ကာ ခုံပေါ်မှာတင်ထားလိုက်ကာ ကျန်သောလက်ဆောင်ပစ္စည်းတွေကို အ၀တ်ဘီရိုထဲထည့်ထားလိုက်ပြီး အိပ်ရာပေါ်မှာပြန်လှဲနေလိုက်သည် ။ လူပင်ပန်းခြင်းထက် စိတ်ပင်ပန်းခြင်းက လူကိုပိုနွမ်းနယ်စေလားမသိ ။အလုပ်ထဲမှာဘယ်လောက်ပင်ပန်းပင်ပန်း သူမအပြုံးမပျက်ခံနိုင်ရည်ရှိသည် ။ ဒါပေမယ့်ခုလိုမျိူးစိတ်ရှုပ်စရာကြုံလာတဲ့အခါကျတော့ ဘယ်လောက်ပင်သွေးအေးပါစေ သူမခံနိုင်ရည်မရှိ သူမအပေါ်နားလည်နိုင်စွမ်းရှိမယ့်လူတစ်ယောက်ယောက်ကိုအားကိုးကြီးရင်ဖွင့်တိုင်ပင်လိုက်ချင်သည် ။
“မမလေ ဒီနေ့ ဦးငယ်အမတွေသွားတွေ့တယ်သိလား”
“ဟုတ်လား မမ အဆင်မပြေဘူးလားဟင်”

ညိုးငယ်နေသောသူမမျက်နှာကို ဖြူရိပ်မိဟန်တူပါသည် အဆင်မပြေဘူးလားဟုတန်းမေးလာခဲ့သည်။ သူမမျက်စိထဲမှာနေ့လည်းကအဖြစ်အပျက်တွေတရေးရေးပြန်မြင်ယောင်လာသည် ။ သူမ၏ စေတနာနဲ့ ကျေးဇူးတရားအပေါ်မှာတန်ဖိုးထားသောစိတ်ကို ချနင်းပစ်သလိုခံစားရသည်။ “ပိုက်ဆံရှိလို့ကပ်နေတာ ပိုက်ဆံကုန်ရင်ခါချသွားလိမ့်မယ်” “သဒ္ဒါလွန်တော့ တဏှာကျွံပြီပေါ့ ” “ဘ၀ပျက်ကျန်ခဲ့လိမ့်မယ် စောင့်ကြည့်နေ”  “ပိုင်းလုံးမ” သူမကိုအဲဒီလိုစကားမျိူးတွေနဲ့စွပ်စွဲလိုက်ရင်တောင် သူမဖြေသာနိုင်သည် ။ အခုတော့......။ လူကြီးလူကောင်းတွေ ပညာသားပါပါနဲ့စကားအထေ့အငေါ့လေးတွေနဲ့ ယဉ်ယဉ်ကျေးကျေးရွဲ့စောင်းနေကြတဲ့အပြုံးတွေ ၊ အကြည့်တွေ ၊ အထင်သေးမှုတွေ ၊ မလေးမခန့်မှုတွေ ။ အခန်းကျယ်ကြီးရဲ့အလယ်မှာ ၊ အေးစက်လွန်းတဲ့မျက်နှာထားတွေရဲ့အလယ်မှာ သူမတကယ်ပဲကျရှုံးခဲ့ရသည် ။
“ဖြစ်ပျက်သမျှကိစ္စအ၀၀ အထူးသဖြင့် ကောင်းမွေ ဆိုးမွေကိုလက်ခံယူနိုင်တယ်ဆိုရင် လက်ထပ်ကြ ၊ တစ်ခါတည်းအမွေခွဲပေးလိုက်မယ် တဲ့ ညီမလေးရဲ့”
အားတင်းထားသည့်ကြားက မျက်ရည်တွေတသွင်သွင်စီးကျလာမိသည်။ ဒီလိုအဖြစ်အပျက်မျိူးတွေ တစ်နေ့ဖြစ်လာမယ်မှန်းသိနေလျက် ၊ အကြိမ်ကြိမ်ကြိုတင်ပြင်ဆင်ထားပေမယ့်လည်း တကယ်တမ်းကြုံလာရတော့ သူမရင်ဆိုင်နိုင်စွမ်းနည်းနေတုန်းပါပဲ။

“ဦးငယ်အမကတွေလည်း ပြတ်သားနိုင်ကြတာနော် တစ်ခါတည်းအမွေဖြတ်လိုက်သလိုပဲနော်မမ..တကယ်တော့ မမလိုငယ်ငယ်ချောချောလေးက ဦးငယ်လိုရောဂါသည်ကိုယူမယ်ဆိုတာ သူတို့တောင်ပြန်ကျေးဇူးတင်ရမှာမလား”

“အပေါ်ယံကြည့်ရင်တော့ သူတို့ဘက်ကအသာချည်းပဲပေါ့နော် ဒါပေမယ့် မမလို မိမရှိ ၊ ဖမရှိ တစ်ကောင်ကြွက် ပြီးရင် ဦးငယ်ရဲ့အထောက်အပံ့ကိုယူရတဲမိန်းမတစ်ယောက် ပြီးတော့ သူတို့မောင်ထက်အသက်နှစ်ဆလောက်ငယ်တဲ့မမကို ပိုက်ဆံမက်လို့ အမွေမက်လို့ယူတယ်ထင်တာပေါ့ ညီမလေးရယ်”

“အို..မမကလဲ ပိုက်ဆံမက်ချင်းမက်စတမ်းဆိုရင် ရောဂါသည်ဆီက ပိုက်ဆံမက်မလား ပြီးရင် လက်ထပ်ပါ့မလား တကယ်ချူတတ်တဲ့သူဆိုရင် မမရယ်..ကိုယ့်ကိုကိုယ် မုဆိုးမအဖြစ်ခံပြီးဘယ်ယူမလဲ မသိမသာကပ်ချူမှာပေါ့”

ဇိုးဇိုးဇတ်ဇတ်ပြန်ပြောသောဖြူ့ကိုကြည့်ပြီး သူမငိုနေလျက်နဲ့တောင်ရယ်ချင်သွားသည်။
“စကားမစပ် မမကရော..ဦးငယ်အပေါ်ဘယ်လိုသဘောထားလဲဟင်”
မထင်မှတ်သောဖြူ့မေးခွန်းကြောင့် သူမခဏမျှတွေဝေသွားခဲ့ပြန်သည်။
“ဦးငယ်အပေါ်မှာထားတဲ့သူမ သဘောထားတဲ့လား”  အခုအချိန်ထိသူမမတွေးဖြစ်ခဲ့သောအကြောင်းအရာတစ်ခုဖြစ်သည်။သံယောဇဉ်တို့ မေတ္တာတို့ကို သူမနဲ့မဆိုင်သောအရာတစ်ခုလိုသတ်မှတ်ခဲ့ပြီးခပ်ဝေးဝေးနေခဲ့တာလည်းကြာပြီ ။ ပြီးတော့ ဦးငယ်နဲ့သူမအကြောင်းကိုသိလိုက်တာနဲ့ရှောင်သွားကြတဲ့သူတွေလည်း ဒုနဲ့ဒေး ၊ ယောက်ျားသားတွေရဲ့ မေတ္တာတရားဟာ ဒီလောက်တိမ်ကောသွားပြီလားလို့ သူမ မကြာမကြာတွေးမိခဲ့ဖူးသည် ။ ချစ်တယ်ဆိုတဲ့စကားကိုဖောဖောသီသီပြောတတ်ကြတဲ့ ကောင်းဇင်အပါအ၀င် တခြားယောက်ျားတချို့ကိုတွေ့ဖူးပေမယ့် မေတ္တာနဲ့စေတနာအရာမှာ ဦးငယ်ကိုဘယ်သူမှမမှီခဲ့ဘူး ။ မျှော်လင့်ခြင်းတစုံတရာမပါဝင်ဘဲ မေတ္တာတရားသက်သက်နဲ့ သူမစိတ်သဘောကျဖြစ်အောင် အစစအရာရာမှာ နားလည်ဂရုစိုက်တတ်တဲ့ ဦးငယ်ရယ်လေ...။

“ဘာလဲ...မမက ဦးငယ်ကိုသံယောဇဉ်ရှိနေတာလား”
“သံယောဇဉ်ရှိလားမရှိလား ကိုယ့်ကိုကိုယ်တောင်မသိမလိုပါပဲဟာ ဒါပေမယ့် အဆိုးတွေအများကြီးရင်ဆိုင်ရမှာကိုသိလျက်နဲ့ မခွာနိုင်တဲ့ ကိုယ့်ကိုကိုယ်လည်းသိပ်အံ့သြမိတယ်သိလား”
“သံယောဇဉ်ဆိုတာမထားသင့်တဲ့သူအပေါ်မထားတာအကောင်းဆုံးပဲလို့ဖြူထင်တာပဲ မမရယ်”
“ဟုတ်တယ်နော် ညီမလေး.......... ဦးငယ်အမတွေက မမအမေရဲ့နောက်ကြောင်းတွေရယ် မမရဲ့တစ်ကောင်ကြွက်အခြေအနေရယ်တွေကိုသဘောမကျဘူးလေ မမစိတ်ကိုကြိုပြင်ထားပေမယ့် တကယ်တမ်းတွေ့ရတော့ခံနိုင်ရည်မရှိဘူးညီမလေးရယ်... ဘယ်မိန်းမကမှ ကိုယ့်ကိုသဘောမကျတဲ့ ယောင်းမတွေကိုလိုချင်မှာလဲနော်..”
“ဟုတ်တာပေါ့ မမရယ်..”
“ဦးငယ်က မမမှာသူ့ကြောင့် ချစ်သူလည်းဆုံး ၊ လူပြောသူပြောလည်းခံရတာကိုသိနေတော့ သနားရာကစတယ်ထင်ပါတယ်...မမကိုလက်ထပ်ချင်တယ်လို့ပြောတယ်လေ... သူ့စိတ်ထဲဘယ်လိုရှိလဲမမလည်းသေချာမသိဘူး...ဒါပေမယ့် မမခေါင်းမညိတ်ခင်ပဲ သူ့မှာရောဂါရှိတာကိုသိလိုက်ရတာ.. မမအနေနဲ့ကလည်းကျေးဇူးရှင်လည်းဖြစ်တယ် ရောဂါသည်လည်းဖြစ်နေတော့ စေတနာပိုပြီးခေါင်းညိတ်လိုက်တာ..သူကတော့ မမကိုသေချာစဉ်းစားဖို့ပြောပါတယ်....ဒါပေမယ့်ဘာကြောင့်မှန်းမသိ မမမှာ သတ္တိတွေရှိနေတယ် ညီမလေး ပြီးတော့ မမအပေါ်ဦးငယ်လောက်ကောင်းတဲ့သူ ဘယ်သူမှမရှိဘူးလေ..”

“ဟုတ်တယ်နော်...မမအပေါ်ဦးငယ်ကတော်တော်ကောင်းတာပဲ...ဒါပေမယ့် ခုလောလောဆယ်တော့ နားလိုက်ဦး စိတ်ညစ်စရာတွေမတွေးနဲ့ မမလည်းပင်ပန်းနေပြီ .ညစာတော့စားပြီးပြီမလား”
“စားပြီးပြီညီမလေး..အပြင်မှာပဲစားခဲ့တယ်”
“အင်း...မမ လေရူးသုန်သုန်ထဲက မင်းသမီးကိုသိတယ်မလား...”
“ စကားလက်ကိုပြောတာလား....သိတာပေါ့ ဘာဖြစ်လို့လဲ..”
“ ဟုတ်ပ မမရယ်..သူဆိုရင် ခေါင်းအရမ်းရှုပ်လာပြီး စဉ်းစားရခက်လာပြီဆိုရင် I'll think about that tomorrow ဆိုပြီး ပြောတတ်တယ်လေ မမလည်း ခုတော့ခေါင်းအေးအေးထားပြီးနားလိုက်..နက်ဖြန်မှစဉ်းစားတော့နော်..ဖြူအခန်းမီးပိတ်ပေးခဲ့မယ်”

ချစ်စရာကောင်းသောဖြူက သူမကိုတတ်နိုင်သလောက်နှစ်သိမ့်ပေးပြီး စာအုပ်ထူကြီးတစ်အုပ်ကိုင်ကာ ဧည့်ခန်းထဲသွားပြီးစာသွားကျက်နေတော့သည်  ။ ရှုပ်ထွေးလွန်းသောအခြေအနေတွေ ၊ စဉ်းစားရကျပ်လွန်းသောအနှောင်အဖွဲ့တွေကို စကားလက်လို မနက်ဖြန်မှပဲစဉ်းစားတော့မယ်ဟု စိတ်ဒုံးဒုံးချကာ အိပ်စက်လိုက်ပါတော့သည်။

မှန်တံခါးကိုအသာအယာတွန်းရင်းအခန်းထဲကိုဝင်လိုက်သည်နှင့် အေးစိမ့်သောအငွေ့အသက်တွေကိုခံစားလိုက်ရသည်။ ဒီနေ့ မသက်မာလွှတ်လိုက်သောအလုပ်ကိစ္စတစ်ခုနှင့် သူမ ဆာကူရာတာဝါအပေါ်ထပ်ရှိရုံးခန်းတစ်ခုကိုရောက်နေခြင်းပင်။ သူမနှင့်အလုပ်ကိစ္စအကြောင်းကိုဆွေးနွေးသော မန်နေဂျာအမျိုးသမီးက တော်တော်လေးဖော်ရွေသည့်အပြင် သူမတို့လိုချင်သော service တွေအပြင် ၀ယ်ယူထားသော software အတွက် တစ်နှစ်စာ free service ပါပေးမည့်အကြောင်းကိုပါ ပြောသဖြင့် သူမတော်တော်လေးစိတ်ကျေနပ်လျက်ရှိပြီး လိုအပ်သောစာချုပ်စာတမ်းတွေအတွက်ပြင်ဆင်နေတုန်းမှာ “ဒေါက် ဒေါက် ဒေါက်” ဟုမှန်တံခါးကိုခေါက်သံကြားသဖြင့် ၀န်ထမ်းတစ်ယောက်အပြေးအလွှားရောက်လာကာ တံခါးဖွင့်ပေးလိုက်သည် ။ သင်းပျံ့သောအမျိူးသားသုံးရေမွှေးနံ့တစ်ခုက သူမအပါးကိုရုတ်ချည်းရောက်လာပြီး လူတစ်ယောက်သူမဘေးနားက ခုံမှာဝင်ထိုင်သံကြားသဖြင့် လှည့်ကြည့်လိုက်မိသည်။ ပျောက်သွားသူကိုရှာလျင် တွေ့ရခဲလှသော ကမ္ဘာကြီးဟာ မတွေ့ချင်သောသူကိုကျတော့ တိုက်တိုက်ဆိုင်ဆိုင် ။ အနည်းငယ်ရင့်ထော်သွားသည့်မျက်နှာနဲ့အတူ ကောင်းဇင် ဆိုသောလူတစ်ယောက်ဟာ သူမဘေးမှာ ။ အိုးတို့အမ်းတမ်းနဲ့ နှုတ်ဆက်ရင်ကောင်းမလားမကောင်းဘူးလားဆိုသောအတွေးနဲ့အတူ ထုံးစံအတိုင်းသူမကပဲ အပြုံးတစ်ပွင့်စတင်မွေးဖွားလိုက်တော့ ကောင်းဇင်က
“လက်ထပ်ပြီးပြီလား”
ချစ်သူဟောင်းတစ်ယောက်ကို လက်ထပ်ပြီးပြီလား ဟူသောစကားနဲ့နှုတ်ဆက်တာဟာ နည်းနည်းအူကြောင်ကြောင်နိုင်ပေမယ့်သူမအတွက်ကတော့ မထူးဆန်းသလိုလိုပင် ။ ကောင်းဇင်၏ ကြောင်တောင်တောင်နိုင်မှု ၊ အတွေးခေါင်မှုတွေဟာ သူမနဲ့ယဉ်ပါးခဲ့ဖူးသော အကြောင်းအရာတွေပဲမလား။
“ဟင်းအင်း..မထပ်ရသေးဘူး..ဒါပေမယ့် လက်ထပ်တော့မှာ”
“အော...”
မပီပြင်သောအပြုံးတစ်ခုနဲ့အတူ ကောင်းဇင်ကိုဟန်လုပ်ပြုံးပြနေပေမယ့် တကယ်တော့သူမဟာ ဟန်ဆောင်ခြင်းအရာမှာကျွမ်းကျင်လှသူမဟုတ် ။
“အရင်အဆောင်မှာပဲလား”
“ဟုတ်တယ်..”
ချစ်ခဲ့ဖူးသူတစ်ယောက်အတွက် နှလုံးသားမှာရှိခဲ့ဖူးသောအရိပ်အယောင်တို့သည် တစစီပြန်ဆွဲထုတ်သောအခါ မပီပြင်သော်လည်းမပျောက်ကွယ်ဘဲရှိနေဆဲပါလား ။ သွားတက်ကလေးနောက်က အပြုံးနုနုတချို့ဟာ စံပယ်ပွင့်လေးတွေလိုလတ်ဆတ်နေတုန်းပေမယ့် ပျံ့လွင့်လာသော ရေမွှေးနံ့တစ်ခုရဲ့အနံ့ယောင်အောက်မှာ သူမအပါအ၀င် အရာခပ်သိမ်းပြောင်းလဲသွားခဲ့သည် ။ ကောင်းဇင်ဟာ တချိန်က ရေမွှေးကိုကြိုက်တတ်ခဲ့သူမှမဟုတ်ဘဲ ။
“ဖုန်းရှိလား”
“မရှိဘူး”
မုသားကိုမုန်းတီးသောသူမဟာ ဒီတစ်ခါတော့ မုသားတစ်ခွန်းသုံးလိုက်နိုင်သည်အတွက်ကျေနပ်သွားသည်။ မသက်ဆိုင်ချင်တော့လို့ လမ်းခွဲထွက်သွားသူအတွက် “ဆက်ချင်ရင်ဆက်ပါလို့” ဖုန်းနံပါတ်ပေးရလောက်အောင် သူမနှလုံးသားဟာ မျှော်လင့်ခြင်းတွေနဲ့အသားမကျခဲ့တာကြာပြီ ။ “နင်ဘာလာလုပ်တာလဲ” ဆိုတဲ့စကားကိုမေးချင်ပေမယ့် ပါးစပ်ကမထွက်နိုင်ခဲ့ ။ စာချုပ်ချုပ်ပြီးတာနဲ့ ပိုက်ဆံအိတ်ကိုကောက်ကိုင်ပြီးထထွက်လာလိုက်တော့ ပေါင်ပေါ်မှာတင်ထားတဲ့ဖုန်းက ဂွမ်းခနဲအောက်ကိုပြုတ်ကျသွားသည်။ ဖုန်းမရှိဘူးလို့ပြောပြီး ဖုန်းကိုမျက်ဝါးထင်ထင်မြင်လိုက်ရသောကောင်းဇင် ကတော့ သူမကိုဘယ်လိုမှတ်မယ်မသိ ။ ထင်ချင်သလိုထင်ပါစေလေ..သံယောဇဉ်အရိပ်အယောင်ကို ဆုပ်ကိုင်ပုံဖော်ဖို့ နှလုံးသားကတောင် ငြင်းဆန်ပြီးမှာတော့ သူတပါးထင်မြင်ချက်ကိုစာဖွဲ့မနေတော့ပါဘူးလေ ။ ဒီနေ့အတွက်တော့ဖြူ့ကိုပြောပြစရာအကြောင်းအရာအသစ်တစ်ခုထပ်ရပြန်တာပေါ့ ။

“ဟားဟား...ခုမှပဲသုံးပွင့်ဆိုင်ဇာတ်လမ်းစစ်စစ်ဖြစ်တော့မယ် မမရာ... ဖြူတော့မြင်ယောင်နေပါသေးတယ်..ဖုန်းသံတဂွမ်ဂွမ် ကားသံတ၀ီဝီနဲ့ အပြိုင်ပိုးကြတော့မှာ..”
ကောင်းဇင်နှင့် တွေ့ခဲ့သည့်အကြောင်းကိုဖြူ့ကိုပြောပြသဖြင့် ဖြူက သဘောတကျရယ်နေခြင်းဖြစ်သည်။ ဖြူ့စကားမဆုံးခင်ပဲ သူမဖုန်းလေးဟာ တတီတီနဲ့မြည်လာပါတော့သည် ။
“ဟယ်လို..ဦးငယ်...ပြော..”
“ဦးငယ်မဟုတ်ဘူး ငါ ကောင်းဇင်”
ခါတိုင်းဆက်နေကျ ဦးငယ်အထင်ဖြင့် သူမပြောလိုက်ခြင်းဖြစ်သည် ။ ဦးငယ်မဟုတ်ဘူး ကောင်းဇင် ဆိုမှ သူမကြောင်အမ်းအမ်းဖြစ်သွားပြီး အားနာစိတ်ကလေးဖြစ်သွားမိသည်။
“ဆောရီး ကောင်းဇင်..ပြော...”
“နင့်ကိုဖုန်းဆက်မယ့်သူ အဲဒီလူပဲရှိလား.... တစ်ခါလေးဆက်တာနဲ့ပဲတန်းလွဲရတယ်လို့”
“ဒါ ငါ့ ပါဆင်နယ်ကိစ္စလေ..နင်နဲ့မဆိုင်ဘူး..နေပါဦး နင်ငါ့နံပါတ်ကိုဘယ်ကရလဲ”
“ဘယ်ကရရပေါ့ဟာ......နင်စနေနေ့အားလား ငါနဲ့တွေ့ရအောင်လေ..”
“နိုးးးးး မတွေ့ချင်ဘူး ပြီးတော့ ငါအားလည်းမအားဘူး ”
“ဘာလဲ နင်က သူဌေးကတော်ကြီးဖြစ်တော့မယ်ဆိုတော့ သွေးကြီးတာပေါ့ဟုတ်လား”
“နင် ငါ့ကိုမခနဲ့နဲ့....နင်နဲ့ငါနဲ့ကြားမှာ ဘာမှမရှိတော့ဘူး သူငယ်ချင်းစိတ်နဲ့ ဒီလောက်ထိပြောနေတာ”
“အေးပါ ထားလိုက်ပါတော့....လိုရင်းပဲပြောတော့မယ်ဟာ...ငါ့ကိုတစ်ကနေ ပြန်စခွင့်ပြုပါ”

မမျှော်လင့်သောစကားကြောင့်သူမအကြီးအကျယ်အံအားသင့်သွားမိသည်။ “တစ်ကပြန်စခွင့်” တကယ်ပဲ တစ်ကနေပြန်စချက်တာလား ကောင်းဇင် ....။

“လက်ထပ်တော့မယ်မိန်းမတစ်ယောက်အတွက် နင့်ရဲ့ confession ဟာ သိပ်အသုံးမ၀င်တော့သလိုပဲ..ဆောရီးပါဟာ.. ငါနင်နဲ့ပြန်စချင်စိတ်လည်းမရှိတော့သလို...နင့်ကိုလည်းပက်သက်ချင်စိတ်မရှိတော့ဘူး နင်စွန့်ပစ်ခဲ့တုန်းက ငါ့ဘ၀တစ်ခါပျက်စီးပြီးပြီ ဒီတစ်ခါနေသားကျနေတဲ့ ငါ့ဘ၀ကိုနင်မဖျက်ဆီးပါနဲ့...”

စကားတွေတနင့်တပိုးပြောပြီးဖုန်းကိုတစ်ခါတည်းတန်းပိတ်လိုက်ကာ ခေါင်းအုံးပေါ်ကိုမျက်နှာမှောက်ချလိုက်ပြီး အတွေးသံသရာထဲမှာတ၀ဲဝဲလည်နေမိသည် ။ တည်ငြိမ်နေသာကန်ရေပြင်ဟာ ခဲဒဏ်သင့်လို့ လှိုင်းကြက်ခွပ်တွေအလူးအလဲထပြီး မငြိမ်မသက်ဖြစ်ခဲ့ရပြီးပြီ ။ လွမ်းစရာတွေ ၊ နာစရာတွေ ကင်းတဲ့ဘ၀တစ်ခုအဖြစ်တည်ငြိမ်နေပြီးခါမှ ဘာလို့များ ခဲနဲ့ပစ်ချင်နေရတာလဲ ။
အဆုံးသတ်ထိရောက်သွားတဲ့ ဇာတ်လမ်းတစ်ပုဒ်ကို ဘာလို့ပြန်စချင်နေရတာလဲ ။ ချစ်ခဲ့ဖူးသောနှလုံးသားကို အခါခါသေဆုံးခွင့်ပေးဖို့သူမမှာအားအင်မရှိတော့ပေ ။ သူမလိုချင်တာ လုံခြုံနွေးထွေးသောမေတ္တာတရားတစ်ခုတည်း ။

ဆက်ရန်

Sunday, 14 July 2013

နှုတ်ဆက်ရွက်ကြွေ (၂)


“အချစ်ဆိုတာဘာလဲ မမ”
ကုတင်ပေါ်မှာပက်လက်ကလေးလှဲရင်း ဖြူကမေးလိုက်သည် ။ ဘ၀အစကတည်းက ချိုသဲအောင်ဆိုသောသူမအတွက် ကံဇာတ်ဆရာသည် ဇာတ်ညွှန်းကောင်းကောင်းကိုမဖန်တီးနိုင်ခဲ့ ။ “ပလိုင်းပေါက်နဲ့ဖားကောက်” သလို အဖေကရှာလိုက် ၊ အမေက လောင်းကစားလုပ်လိုက်နဲ့ သူမတို့ဘ၀ဟာ ပိန်တစ်လှည့်ဖောင်းတစ်လှည့် လောင်းကစားမိသားစုစစ်စစ်ဖြစ်သည် ။ ဒါပေမယ့် ရေရှည်တွေးတတ်ခဲ့သည့်အဖေ့ကျေးဇူးကြောင့်တစ်ဦးတည်းသောသမီးသူမအတွက် အိမ် ၊ ကား ၊ အတွင်းပစ္စည်းတွေအပြင် အဝေးရပ်တစ်နေရာမှာ ပညာသင်နိုင်အောင် အဖေစီမံနိုင်ခဲ့သည် ။ သူမဟာလည်း အပူပင်ကင်းမဲ့စွာနဲ့ မြို့တော်အရပ်မှာ ပညာသင်ယူနေရာကနေ ရုတ်တရက်ကြီးအဖေ ကွယ်လွန်သွားတော့  ကံဇာတ်ဆရာက နောက်ထပ်တစ်ကြိမ်မျက်လှည့်ထပ်ပြပြန်ပါတော့သည်။
“အချစ်ဆိုတာလား... မပက်သက်ခဲ့ရင်အကောင်းသားဆိုတဲ့ နောင်တ တစ်ခုပဲ ပေးနိုင်တဲ့အရာပေါ့ ညီမလေးရာ”
“ဟယ်...မမကလည်း မမဘဲဘဲက ဒီလောက်ဥစ္စာပေါ သဘောင်္သီးကြီး ဘာလို့များ နောင်တတွေရနေတာလဲမမရာ”
“ဦးငယ်က မမ ချစ်သူမဟုတ်ဘူး ညီမလေး”
ဝန်ခံခြင်းမမည်တဲ့စကားတစ်ခွန်းက သူမနှုတ်ခမ်းက ပေါ့ပါးစွာထွက်သွားသည့်အတွက်အလွန်အမင်းကျေနပ်ဝမ်းမြောက်မိပါသည်။
“ဟုတ်တယ် ဦးငယ်က ချစ်သူမဟုတ်ဘူး.. ဦးငယ်နဲ့ဘာမှမပက်သက်ဘူး”
“မမ က ဦးငယ်ကိုစိတ်နာနေတာလား”
“မဟုတ်ဘူး ညီမလေး ”
မီးရောင်မှိန်မှိန်လေးလင်းနေသော အခန်းလေးက ရုတ်တရုတ်တိတ်ဆိတ်သွားသည်။ အခန်းကျဉ်းလေးတစ်နေရာမှာ ရင်ဘတ်ချင်းတူသူနှစ်ယောက် ကုတင်တစ်ယောက်တစ်လုံးပေါ်မှာ လှဲလျောင်းရင်း တစ်ယောက်ခံစားချက်ကိုတစ်ယောက်ဝေငှဖို့အဆင်သင့်ဖြစ်နေမိသည်။
“ညီမလေးက မမအကြောင်းကိုသိချင်လို့လား”
“ဟုတ်..ပြောပြခဲ့မယ်ဆိုရင်ပေါ့လေ”
မယုတ်မလွန်သောဖြူ့အဖြေကိုကြားပြီးနောက်မှာတော့ တစ်ခါလှန်လိုက်တိုင်းနာကျင်ခြင်းတွေဆထက်တပိုးတိုးလာတဲ့ ဒိုင်ယာရီစာမျက်နှာကို သူမထပ်လှန်လိုက်ပါတော့သည်။

“မမ အမေက ဖဲတွေ ၊ ချဲတွေအရမ်းထိုးတာလေ...ကြားဖူးတယ်မလား လောင်းကစားသမားအိတ်ဟာ ဖားလိုပဲ အုံဆိုရင်ဖောင်းလိုက် အွန်ဆိုရင်ပိန်သွားလိုက်နဲ့လေ..အိမ်မှာဆန်ပွဲရုံရှိတယ်
နယ်မှာဆိုတော့ တင့်တောင်းတင့်တယ်ပေါ့ညီမရာ ဒါပေမယ့် အဖေကရှာလိုက် အမေကသုံးလိုက်နဲ့ အဖတ်တင်တယ်မရှိဘူး ဒါပေမယ့် မမအဖေက သိပ်တော်တာလေ မမ တက္ကသိုလ်တက်ဖို့ အမေမသိအောင်ချန်တန်တာချန် ၊ သိမ်းသင့်တာသိမ်းထားခဲ့တယ်  ဆယ်တန်းအောင်တော့ စီးပွားရေးတက္ကသိုလ်ကို အဖေ့ကျေးဇူးနဲ့ ဒုတိယနှစ်အထိ အပူအပင်မရှိတက်နိုင်ခဲ့တယ်”

“၀ိုး မမက အီကိုကလား”
“ဟုတ်တယ်ညီမလေး  ပြီးတော့ ကျောင်းတက်နေတုန်းမှာ မမအတွက်သိပ်ချစ်ရတဲ့ချစ်သူတစ်ယောက်ရှိခဲ့တယ် ညီမလေး ကောင်းဇင် တဲ့...သိပ်ချစ်ခဲ့တာပေါ့ကွယ်.. အချစ်ဦးဆိုတော့လဲ ရူးရူးမူးမူးပဲပေါ့ ညီမရယ်...”
အဟောင်းတွေအသစ်ဖြစ်လာသော သူမမျက်နှာမှာ မျက်ရည်စတွေပေကျံနေမယ်မှန်း သူမသိနေခဲ့သည်။ ဟုတ်တယ် တကယ်ပဲ သူမငိုနေခဲ့တယ် ။
“ဒုတိယနှစ်ပြီးလို့ တတိယနှစ်ကျောင်းမတက်ခင်မှာ အမအဖေ heart attack နဲ့ မမျှော်လင့်ဘဲဆုံးသွားတဲ့အချိန်ကနေ အမဘ၀တကယ်ကို ကမောက်ကမဖြစ်ခဲ့ရတယ် အဖေမရှိပေမယ့် အမလက်ထဲမှာ အဖေပေးခဲ့တဲ့ပိုက်ဆံတွေရယ် အတွင်းပစ္စည်းတချို့ရယ်ကိုထုခွဲပြီး ကျောင်းတက်ခဲ့တယ်...အဖေက ကျောင်းပြီးအောင်တက်ဖို့မှာခဲ့သလို အမကလည်းပညာတတ်ဖြစ်ချင်တာပေါ့ ညီမရယ်..အမေကတော့ လစဉ်ထောက်ပံ့နေခဲ့တာပေါ့ ဒါပေမယ့် ကျောင်းတက်ပြီးသိပ်လည်းမကြာပါဘူး ညီမရယ်...အမေဟာ အမကိုမထောက်ပံ့နိုင်တော့ဘူးဆိုပြီး အကြောင်းကြားတယ်...ပွဲရုံတွေ ၊ ကားတွေ ၊ အဖေချန်ခဲ့တဲ့အတွင်းပစ္စည်းတွေအကုန်လုံး ချဲရှုံးလို့ကုန်သွားတယ် ဒီထက်ဆိုးတာက အိမ်ကိုပါရောင်းပြီး ထွက်ပြေးသွားတာ ညီမလေး....အဲဒီလိုအဖြစ်မျိူးတွေကြားဖူးလားဟင်... ”

“အို..တကယ်ကိုမယုံနိုင်အောင်ပါပဲလားမမရယ်....ဖြူစိတ်မကောင်းလိုက်တာ မမကိုစိတ်ညစ်အောင်လုပ်မိတာတောင်းပန်ပါတယ်”
“ရပါတယ် ညီမလေး ဒီအဖြစ်အပျက်တွေနဲ့နေသားကျနေတာကြာလှပြီလေ...ဟက်ဟက်...”
ဟန်ဆောင်ပန်ဆောင် ရယ်လိုက်ပေမယ့် ရင်ဘတ်ထဲကဒဏ်ရာတွေအကင်းမသေနိုင်သေးမှန်း သူမကိုယ်သူမသာသိပါသည် ။ တကယ်ကိုမယုံနိုင်စရာကောင်းတဲ့အဖြစ်အပျက်တွေဟာ သူမအတွက်ရှိနေခဲ့ဖူးသည်။
“ဒါတင်ပဲလားမဟုတ်သေးဘူးနော် ညီမလေး..... အဲဒီအချိန်မှာ မမမှာလက်ထဲမှာပိုက်ဆံတပြားတချပ်မှရှိမနေခဲ့ဘူး အမေလည်းမရှိ ၊ အဖေလည်းမရှိတဲ့အပြင် ပိုက်ဆံပါ တပြားမှမရှိတော့တဲ့ မိန်းကလေးတစ်ယောက်အတွက် ကျောင်းတက်ရတာ ဘယ်လောက်ခက်ခဲလဲညီမလေးသိမှာပါ”

“သိတာပေါ့ မမရယ် ဖြူဆိုရင် အမြဲတမ်းပိုက်ဆံလိုငွေပြနေတာလေ...သိတဲ့အတိုင်းပဲ စရိတ်စခကကြီးမှကြီး... ဒါနဲ့ မမကဘယ်လိုကျောင်းဆက်တက်ခဲ့လဲ”
“ကံပဲပြောရမလား ညီမလေးရယ်...အဲဒီလိုအချိန်မှာ မမကို ဦးငယ်က ဆက်သွယ်လာခဲ့တယ်...ဦးငယ်က မမရဲ့ အဖေသူငယ်ချင်းလေ..ဆွေမျိူးတော့မတော်စပ်ပေမယ့် အဖေ့ရဲ့သမီးဖြစ်တဲ့အတွက်ရော ၊ မမကိုသနားတဲ့အတွက်ပါ ဦးငယ်က မမကျောင်းပြီးအောင်အထိ ၊ အခုမမလုပ်နေတဲ့အလုပ်ရအောင်အထိ...အင်း ပြောရရင် အခုအချိန်ထိ ဦးငယ်က ထောက်ပံ့ခဲ့တယ် ထောက်ပံ့နေတုန်းပဲ ညီမလေး”
“မမကလေ ကံကောင်းတယ်သိလား တကယ်ပါပဲ..”
ခုမှစိတ်အေးသွားဟန်ရှိတဲ့ဖြူ့ကိုကြည့်ပြီးသူမ တစ်ချက်ရယ်လိုက်မိသည် ။ တကယ်ပဲသူမဟာ ကံကောင်းသလား ဒါမှမဟုတ်ကံဆိုးသလား မသိချင်တော့...ကံဆရာအလိုကျ အလှည့်ကျကခဲ့ရတဲ့သူပီပီ ကံတရားရဲ့ပျက်ရည်ပြုခြင်းတွေကို သွေးအေးအေးနဲ့ရင်ဆိုင်နေတတ်ခဲ့ပြီ ။
“ဒါနဲ့ပဲ မမချစ်သူက ပစ်သွားတယ်လေ..”
“ဘယ်လို...”
အံ့အားသင့်သွားတဲ့ဖြူ့ကိုကြည့်ရင်း သူမစကားဆက်လိုက်သည်။
“သွေးမတော် ၊ သားမစပ်တဲ့ ယောက်ျားတစ်ယောက်ဆီက ကိုယ်မတတ်စွမ်းနိုင်တဲ့အကူညီတွေကိုယူမိတာ မမအမှားပဲထားပါ..ယောက်ျားတစ်ယောက်ရဲ့အချစ်ဆိုတာ အဲလောက်တိမ်မှန်း မမသိခဲ့ဖို့ကောင်းတယ်ညီမလေး”

အချစ်လို့အသံကြားတာနဲ့ ဆယ်ကျော်သက်မလေးဖြူက လှဲနေရာမှ ထထိုင်လိုက်ကာ.. ဆက်ပြောဖို့စိတ်ဝင်တစားပြောလာခဲ့သည် ။
“စပွန်ဆာယူတဲ့မိန်းမ ၊ ကိုယ့်ခြေထောက်ပေါ်ကိုယ်မရပ်နိုင်တဲ့မိန်းမ ၊ တစိမ်းယောက်ျားဆီကအကူအညီယူတဲ့မိန်းမ အဲဒီစကားတွေနဲ့ ကောင်းဇင်က မမကိုစွပ်စွဲတာလေ..တကယ်တော့ ဦးငယ်ဟာ မမကိုဒုက္ခရောက်နေသူမို့ကူညီတာပါ..ပြီးတော့ အဖေ့မျက်နှာကြောင့်လေ.... ဒါပေမယ့် ကောင်းဇင်က နားမလည်ခဲ့ဘူး...မမကို ကျောင်းတက်နေတုန်းမှာပဲ လက်ထပ်ဖို့ပြောတယ်...မမအနေနဲ့လက်မခံနိုင်ခဲ့ဘူး ညီမလေး..ကျောထောက်နောက်ခံမရှိတဲ့ဘ၀မှာ ပညာရေးတောင်ဆုံးခန်းမတိုင်ခဲ့ရင် မမဘ၀ဟာခွေးဖြစ်မှာ”

“ဒါပေါ့မမရယ်... မမချစ်သူကကော မချမ်းသာဘူးလား”
“ဟင့်အင်း မချမ်းသာတဲ့အပြင် ဆင်းရဲသေးတယ်ညီမလေး... မမတို့အိုးခြမ်းပဲ့ချင်းမှုတ်ရင်တောင်မှ မမက ပိုသာသေးတဲ့အခြေအနေ...ဒါပေမယ့် မမက demand မများပါဘူးကွယ်..နှစ်ယောက်လုံးကျောင်းပြီးလို့ အလုပ်ရတဲ့အချိန်ကျမှ လက်ထပ်ရအောင်လို့ပြောတာကို ကားပါတဲ့လူတွေ့တော့ သူ့ကိုငြင်းတယ်ဆိုပြီး ကျောင်းတောင်ဆက်မတက်ဘဲ ရှောင်သွားလိုက်တာ...နောက်တော့မှ ဦးလေးတစ်ယောက်အကူအညီနဲ့ နိုင်ငံခြားရောက်သွားတယ် ကြားတာပါပဲ ညီမလေးရယ်...”

“ဟင်းး မမရဲ့အဖြစ်ကဆန်းလိုက်တာနော်..... ဖြူမေးချင်တာနှစ်ခုရှိတယ်.... အဟမ်းအဟမ်း”
စိတ်ညစ်နေသောသူမကို ဖြူက ပြောင်ချော်ချော်လေးစသဖြင့်သူမရယ်လိုက်မိသည်။
“မေး ညီမလေး”
“အင်းးး နံပါတ်တစ်- မမအမေ့ကိုစိတ်မနာဘူးလား ၊ နံပါတ်နှစ် - မမ ချစ်သူကိုစိတ်မနာဘူးလား ၊ အို..နှစ်ချက်မဟုတ်ပါဘူး ကျန်သေးတယ် မမကိုဦးငယ်က ချစ်နေတာလား ၊ ပြီးတော့ မမအိမ်ကိုလုံးဝမပြန်ဖြစ်တော့တာလား”
“မေးချင်တာတွေအများကြီးပဲလား ကလေးမ...နက်ဖြန်ကျောင်းတက်ရမှာမလား အိပ်တော့လေ...”
“ဟာ.....မမ အဲလိုမညစ်ကောင်းဘူးလေ....တိုးလိုးတန်းလန်းကြီးမထားကောင်းဘူး...ဖြေပါ..ဖြူသိချင်တာကိုဖြေပါ..”
“အင်းပါ..... အမေကိုစိတ်မနာဘူးလား......နာတာပေါ့ကွယ်..နာတာမှ ကြီးကြီးကျယ်ကျယ်ကိုနာတာ...ဒါပေမယ့် အမေ့ကိုအပြစ်မတင်ချင်ဘူးညီမလေး..မမအမေက အဖေ့ကိုမချစ်ဘဲယူခဲ့ရတာလေ...ဒီတော့ မိသားစုကိုမခင်တွယ်ဘူး..မိသားစုထက်လောင်းကစားကိုပိုအာရုံစိုက်တယ်...မမရဲ့ဝဋ်ကြွေးတွေပေါ့...”

“ဆိုးပါတယ်နော်..ဘာပဲဖြစ်ဖြစ် မမက သူမွေးထားတဲ့သမီးပဲလေ..”

“လူချင်းတူပေမယ့်အကျင့်စရိုက်ချင်းကွာတာကိုး ညီမလေးရယ်..”
အမေ့ဆိုပေမယ့် သူမကိုသိပ်သံယောဇဉ်မရှိသောအမေ့ကိုမြင်ယောင်ရင်း ၀မ်းနည်းမိပြန်သည် ။ သမီးလေးတစ်ယောက်ရယ်လို့သူမကို အ၀တ်စလေးတစ်စ ၊ ထမီလေးတစ်ထည်ဝယ်ပေးခြင်းမရှိ ။ အမေ့အတွက်တော့ လောင်းကစားကလွဲရင်အရာအားလုံးဟာ ပေါ့ပေါ့တန်တန်ပါပဲ ။ အဖေရှာထားသမျှ သုံးမယ် ဖြူန်းမယ်ဆိုတာချည်းပဲ ။ ဒါပေမယ့် အဖေရော မမပါ အမေ့ကိုမငြိုငြင်ပါဘူးကွယ်...တစ်ခုပဲ ၀မ်းနည်းမိတာ... မမကို အမေမငဲ့ညှာခဲ့တာကိုပါပဲ ။ အချိန်တွေကြာလာတော့လည်း အစွန့်ပစ်ခံဘ၀မှာနေသားကျနေပါပြီကွယ်..။ ဘာပဲပြောပြောအမေ လောကကြီးထဲမှာဘယ်လိုပုံနဲ့ပဲရှိနေရှိနေ အသက်ရှင်လျက်ရှိနေရုံနဲ့ မမကျေနပ်နိုင်ပါတယ်။

ဟူး ခနဲသက်ပြင်းတစ်ချက်ချလိုက်ပြီး သူမဇာတ်လမ်းကိုပြန်ဆက်လိုက်သည် ။

“ကောင်းဇင်ကိုတော့ မမခွင့်မလွှတ်ဘူးညီမလေး နှစ်နှစ်ကျော်တွဲလာခဲ့တဲ့လက်တွေ ပေးခဲ့ရတဲ့အချိန်တွေနဲ့မတန်အောင် သူ့အချစ်ကပေါ့တိမ်ပြီး မမအပေါ်အထင်သေးလွန်းခဲ့တယ်.... မမပြောခဲ့တယ်... ဦးငယ်နဲ့ဘာမှမပက်သက်ဘူး သူသက်သက်ကူညီတာပါ ဆိုတော့ သူကဘာပြောလဲသိလား..ဘယ်ကျားကမှ ဥပုပ်မစောင့်ဘူးတဲ့..... ပြီးတော့ ဦးငယ်ကမမကိုခေါ်တွေ့တော့ မမနဲ့ဦးငယ်နဲ့မကင်းဘူးဆိုပြီးစွပ်စွဲတယ်ညီမလေး”
“ဘယ်ကျားကမှ ဥပုပ်မစောင့်တာ မှန်ကောင်းမှန်မှာပါကွယ်..ဒါပေမယ့်... မမရဲ့စိတ် ၊ မမရဲ့ မေတ္တာကိုသူမသိဘူး..မမသာ ချမ်းသာတာကိုမက်တတ်ရင် သူနဲ့တောင်ရည်းစားဖြစ်မှာမဟုတ်ဘူး ဒါပေမယ့်လည်း ပြီးသွားတာပဲကောင်းပါတယ်.... သံသယတွေနဲ့အသက်ရှင်ရတာထက် သေတာကမှပိုကောင်းသေးတယ်မလား...”

“ဟုတ်တယ်နော်မမ...မမခွင့်မလွှတ်သင့်ဘူး တကယ်ကိုမမမှာဘာအပြစ်မှမရှိတာ.. မမတော့သနားပါတယ်...အရမ်းကိုဘ၀အနိမ့်အမြင့်တွေများတယ်နော်..”

“၀ဋ်ကြွေးဆိုရင်တော့ ဒီတစ်ဘ၀နဲ့ပဲအပြီးဆပ်ခဲ့ချင်တယ်ညီမရယ်...မမလေ..သိပ်ပြီးလောကဒဏ်တရားကိုကြောက်နေမိပြီသိလား”

“စကားမစပ် ဦးငယ်ကကော..မမအပေါ်ရိုးလား”
“ဦးငယ်နဲ့ မမကြားမှာ သားအဖဆက်ဆံရေးထိရှိခဲ့ပါတယ်...အရင်တုန်းကပေါ့... ဒါပေမယ့် ဦးငယ်နောက်ဆုံးတစ်ခေါက်ပြန်လာခဲ့တဲ့နောက်မှာ မမ ဦးငယ်ကိုလက်ထပ်ဖို့ဆုံးဖြတ်ခဲ့တယ်..”

“ဘာလို့လဲမမ......”
“ဦးငယ် မှာ ကင်ဆာရောဂါလက္ခဏာတွေရှိနေပြီ ညီမလေး....ဒါပေမယ့်အမအပေါ်က သူ့ကျေးဇူးတရားတွေအတွက်ရော ၊ သူ့ကိုဂရုစိုက်ပေးချင်တဲ့ မမရဲ့စေတနာအတွက်ပါ..မမသူ့ကိုလက်ထပ်မှာ....”

“ဟာ..ဒါဆို..မမက ကင်ဆာဖြစ်နေတဲ့သူကိုယူတော့.....”

“လူတိုင်းကအဲလိုပြောကြတယ်ညီမလေးရ..မုဆိုးမဖြစ်ရင် မမဖြေသာပါတယ်...ဘာလို့ဆိုတော့ ဦးငယ်ရဲ့ကျေးဇူးတရားတွေ မမအပေါ်မှာအများကြီးပဲ..သူ့ကိုကျေးဇူးဆပ်ချင်တယ်လေ..”

“မမရေ.......တစ်ခြားနည်းနဲ့ကျေးဇူးဆပ်လို့မရဘူးလား..”
ဖြူ့စကားအဆုံးမှာ သူမတို့နှစ်ယောက်စလုံးခံစားချက်ကိုယ်စီနဲ့နှုတ်ဆိတ်သွားကြသည်။ လမ်းတိုင်းမှာ alternative way တွေရှိကြပေမယ့်သူမအတွက်ကရော.....။ ခံစားချက်တစ်စွန်းတစ်စကိုခပ်ပါးပါးလေးခွာချလိုက်တဲ့အခါ  တစိမ်းတရံစာဆိုတဲ့ အလွှာပါးပါးလေးသည်လည်းသူမတို့ကြားထဲမှာ ကွာကျသွားခဲ့သည်။ ဖြူတစ်ယောက်လှဲနေရာမှသူမကုတင်ဘက်ကိုကူးလာရင်း သူမလက်ကလေးကိုကိုင်ဆွဲလိုက်ကာ

“မမရယ်..ဖြူလေ..မမကိုသိပ်သနားတာပဲသိလား...မမပြောသလိုပဲ လူအကြောင်းကိုပေါင်းကြည့်မှသိတာလေ..ဖြူအခု မမစိတ်ကိုသိပြီသိလား.... ဖြူတို့ညီအမတွေဖြစ်သွားကြပြီနော်..မမစိတ်ညစ်စရာရှိရင်ဖြူ့ကိုပြောပြနော်.. ဟိုတစ်ခါတုန်းကလို ကြိတ်ပြီးမခံစားနဲ့တော့နော်..”

သူမအလုပ်ထဲမှာအဆင်မပြေလို့စိတ်ညစ်ပြီး မစားနိုင်မသောက်နိုင်ဖြစ်တုန်းက ဖြူတစ်ယောက် သူမမျက်နှာလေးကိုကွက်ကြည့်ကွက်ကြည့်လုပ်နေဖူးတာကိုသတိရမိပါသည် ။ စိတ်ချင်းရင်ဘတ်ချင်းတူသည့် ညီမလေးတစ်ယောက် မမျှော်လင့်ဘဲရလိုက်သလိုပါပဲ ။

“အင်းပါ...မမပြောပါ့မယ်..ညီမလေးရောပေါ့...အော်... ဦးငယ်မိသားစုတွေက မမကိုသဘောမကျကြဘူးသိလား ဒါပေမယ့် ဒီတစ်ခေါက်ဦးငယ်ပြန်လာရင်လက်ထပ်ပြီး မမတို့နယ်မှာပြန်နေကြမှာလေ”
“ဟင်..မမက ပြန်တော့မှာလား”
“ဟုတ်တယ်ညီမလေး ”
သူမအပြောမှာ ဖြူတစ်ယောက်အံသြမှင်သက်လို့........။

(ဆက်ရန်)